Breiðfirðingur - 01.04.1995, Side 113

Sigurður Markússon
Guðríður Jónsdóttir
húsfreyja á Spákelsstöðum
1866-1898
/
Guðríður Jónsdóttir, sú kona sem hér verður nokkuð frá sagt,
var síðari kona Jóns Markússonar bónda á Spákelsstöðum í
Laxárdal í Dölum. Hún var fædd á Geitastekk í Hörðudal 26.
september 1832. Jón var fæddur að Svarfhóli í Laxárdal 28.
júní árið 1816. Voru foreldrar hans Markús Magnússon bóndi
þar, ættaður frá Steinadal í Strandasýslu, og kona hans Asa
Jónsdóttir frá Hróðnýjarstöðum í Laxárdal. Jón Markússon var
tvíkvæntur og var fyrri kona hans Guðrún Amgrímsdóttir frá
Hornsstöðum í Laxárdal. Þeirra börn voru dæturnar: Asa og
Guðrún og þrír synir: Jóhannes, Markús og Jón. Þeir fóru allir
til Kanada þar sem þeir tóku upp ættarnafnið Markusson.
Guðrún Jónsdóttir var fyrri kona Kristmundar Guðmunds-
sonar, bónda á Vígholtsstöðum í Laxárdal, en Asa systir
hennar giftist ekki. Jón Markússon missti fyrri konu sína árið
1865 og árið 1866 kvæntist hann síðari konu sinni, Guðríði
Jónsdóttur frá Geitastekk í Hörðudal. Jón Markússon bjó á
Spákelsstöðum til æviloka, en hann lést 23. febrúar 1888.
Árið 1935 ritar Margrjet K. Jónsdóttir frá Hjarðarholti ítar-
lega grein í tímaritið Óðinn (júlí-desember) sem hún nefnir
„Spákelsstaðaheimilið“. Margrjet (1874-1954) var dóttir séra
Jóns Guttormssonar sem var prestur í Hjarðarholti frá 1866 til
dauðadags, 1901, og prófastur í Dalasýslu 1869 til 1891. Hún