Breiðfirðingur - 01.04.1995, Side 183

181
Starf Breiðfírðingafélagsins
Félagsstarfið á árinu 1994 gekk með hefðbundnum hætti eins
og verið hefur og hófst með félagsvist fljótlega uppúr áramót-
um og svo aftur í október til jóla. Aðsóknin á spilakvöldin
hefur heldur dregist saman en er viðunandi.
Þann 22. janúar var haldin árshátíð á þorra, aðsóknarmet
var á þá skemmtun eða um 200 manns sem áttu ánægjulega
stund saman og er það vel.
Fyrsta vetrardag var haldinn dansleikur sem nýtur alltaf
mikilla vinsælda og var sérlega vel sóttur þetta árið. Dansleik-
ur var svo aftur í nóvember og sæmilega sóttur.
Á aðventu kom fjölskyldan saman og er stöðug fjölgun á
þær samkomur. Jólatrésskemmtun var haldin að venju, fjölsótt
af ungum sem öldnum.
Vorfagnaður var á sumardaginn fyrsta og lukkaðist vel.
Dagur aldraðra var fyrsta sunnudaginn í maí og var góð mæt-
ing samkvæmt venju.
Bryddað var uppá þeirri nýjung sl. haust að efnt var til
námskeiðs í danskennslu og var aðsókn mjög góð. Þarna var
vaxtarbroddur í félagsstarfinu.
Sumarferðin var að þessu sinni farin síðustu helgina í júní.
Farið var í Þórsmörk í góðu veðri og heppnaðist ferðin vel.
Tafldeildin starfaði með svipuðu sniði og áður, og komu
Dalamenn suður og teflt var í Breiðfirðingabúð í ár.
Tímaritið Breiðfirðingur var gefið út eins og áður og er sala
á því í svipuðu upplagi frá ári til árs. Hefur Júlíana Guð-
mundsdóttir annast umsjón og dreifingu. Ritstjórarnir Árni
Bjömsson og Einar G. Pétursson sýna útgáfunni mikinn áhuga