Breiðfirðingur - 01.04.2009, Síða 52

50
BREIÐFIRÐINGUR
Guörún og Skúli börn Málfríðar og
Lárusar.
hafi farið fram á Hellissandi næstliðinn vetur. Þar hafi 17
börnum verið kennt með góðum árangri og vottast Lárusi
Skúlasyni sérstaklega þakklæti fyrir framkvæmdir hans í
téðu tilliti og leyfir prófasturinn sér að vona að slíku verði
framvegis framhaldið. Lárus var ekki viðstaddur vísi-
tasíuna og hann hafði hætt safnaðarfulltrúastafinu í bili þá
á árinu og var nú tekinn við hreppstjóraembætti.
Greinilegt er að Eiríkur Kúld hefur fylgst með því hverju
Lárus hafði komið áleiðis í barnafræðslunni og honum
hefur þótt mikils um vert að koma þeim áfanga til bókar að
skipulögð barnafræðsla væri á Hellissandi. Lárus hefur
sjálfsagt rætt málefnið við prófastinn og trúlegt er að þaðan
hafi hann fengið hvatningu. Þessvegna hefur Eiríkur kanski
verið enn stoltari yfir þessum merkilega áfanga sem
árabátaformanninum á útróðrarstaðnum Hellissandi tókst
að ná fyrstum allra í prófastsdæminu.
Lárusi hefur verið það ljóst að hann mætti ekki sleppa
strax hendi af þessu málefni sínu. Hann ræður annan