Breiðfirðingur - 01.04.2009, Qupperneq 55

BREIÐFIRÐINGUR
53
vamargarð meðfram henni. Engir peningar vom til þessa verks
og mun Láms hafa Iagt fram fé frá sjálfum sér til að greiða fyrir
vinnuna. Hann átti síðan í nokkrum bréfaskriftum við sýslumann
um greiðslu þessa kostnaðar og framhald verksins. Garðurinn
sem Lárus lét gera sést greinlega enn og farvegurinn meðfram
honum. Þessi mannvirki eru enn í dag kölluð Lárusarrenna.
Þegar Lárus hafði átt heima í Salabúð í 6 ár réðst hann í það
að byggja sér íbúðarhús árið 1889. Hann mun líklegast hafa
keypt sér hús, óvíst hvar, rifið það og flutt til Hellissands og
endurbyggt þar. Húsið gekk fyrst undir nafninu Nýjahús en
eftir nokkur ár var farið að kalla það Lárusarhús og svo er það
nefnt enn. Viðgerð og endurbygging var gerð á húsinu á ámnum
1995 til 2000. Oft hefur verið margt heimilisfólk í Lárusarhúsi
og búseta þar óslitin nema þau ár sem viðgerð stóð yfir. Það
telst vera nr. 10 við Skólabraut. Vel fer á því að hús Lárusar
Skúlasonar standi við götu með því nafni. Lámsarhús reis eins
og stórhýsi yfir búðirnar á Hellissandi. En hér fór Lárusi sem
jafnan. Hann var foringinn fremstur í flokki. Hann gerði sér
grein fyrir þörfmni á betra íbúðarhúsnæði og vísaði veginn. A
næstu árum hurfu margar gömlu búðirnar á Hellissandi og ný
og betri íbúarhús komu í staðinn.
Jafnan bjuggu fjölskyldur í Lárusarhúsi. Þó var svo komið
árið 1992 að þar bjó aðeins einn maður. Síðari hluta vetrar það
ár fauk hluti af þaki húsins. Þakið var þá endurbyggt og í
framhaldi af þeirri viðgerð var svo haldið áfram á næstu árum
að gera húsið upp. Því verki var lokið á árinu 2000. Endur-
byggingin var undir umsjá Húsafriðunamefndar ríkisins.
Arkitekt var Páll V. Bjarnason, yfirsmiður Finnur Guðsteinsson.
Eigandi hússins var Skúli Alexandersson og stóð hann fyrir
endurbyggingunnini. Lárusarhús er elsta hús á Hellissandi það
sómir sér vel í byggðinni á Miðsandinum meðal gamalla húsa.
Eins og áður hefur fram komið var Lárus fulltrúi fyrir Nes-
hrepp utan Ennis í sýslunefnd Snæfellsnes- og Hnappadalssýslu.