Breiðfirðingur - 01.04.2009, Side 65

BREIÐFIRÐINGUR
63
ábendingu um það hvert Sandarar og Kefsarar skuli flytja
vélvædda útgerð sína á næstu árum. Útgerðin á Geysi í
Krossavík stóð aðeins yfir í eina vertíð. Engin var þar
hafnaraðstaða og erfítt að taka bátinn upp. Sú aðstaða kom sex
árum síðar. Frá Krossavrk var mikil trilluútgerð í þrjá áratugi.
Eftir að Hallgrímur Jónsson hættir oddvitastarfmu árið 1905
gætir tillagna Lárusar minna í hreppsnefndinni. Ahrifa þeirra
áfanga sem náðust fyrir og um aldamótin 1900 gætti lengi.
Hvert félagið af öðru er stofnað. Búnaðarfélag og stúka árið
1906, leikfélag 1908 og samkomuhús er byggt sama ár.
Lestrarfélag hóf starfsemi 1913.
Á dánarári Lárusar Skúlasonar er Hellissandur fjölmennasta
þéttbýlisbyggðin á Snæfellsnesi þar voru þá 565 íbúar. I
Stykkishólmi voru íbúamir 539 og í Ólafsvík 423.
Lárus Skúlason var fæddur í Gvendareyjum 23. ágúst 1844
og lést á Hellissandi 27. mars 1925. Hann var tvíkvæntur. Fyrri
kona hans var Guðrún Oddsdóttir sem áður getur. Þau giftust
1876. Hún lést 29. september 1895. Þeim varð ekki bama
auðið en tóku sem áður er frá sagt systurson Lámsar, Guðmund
Þorvarðarson, til fósturs og einnig Lárensíu Lárusdóttur.
Lárensía var dóttir Lárusar Lárussonar kennara og oddvita.
Lárus kvæntist síðari konu sinni Málfríði Sigurðardóttur árið
1911. Hún lést árið 1920.
Málfríður og Lárus eignuðust tvö börn, Guðrúnu og Skúla.
Þau áttu afkomendur.
Legstaður Lárusar og eiginkvenna hans er í suðvestur hluta
Ingjaldshólskirkjugarðs, þar sem hæst ber í garðinum. Góðir
steinar eru á leiðunum. Eftir að Lárus byggði Lárusarhús var
heimili hans þar til æviloka.
Ekki er vitað nákvæmlega hvenær Lárus hóf formennsku á
vertíðarskipi frá Hellissandi en líklegt er að hann hafi verið þar