Breiðfirðingur - 01.04.2009, Síða 93

BREIÐFIRÐINGUR
91
innréttinguna í haust og var tími til kominn. Það voru nokkrir
laghentir félagsmenn sem komu hurðunum haganlega fyrir
enda er útkoman stórglæsileg. I framhaldi af hurðaskiptunum
þá komu félagsmenn saman og þrifu allt hátt og látt líkt og
undanfarin haust til að húsið geti ávallt litið sem best út.
Tímaritið Breiðfirðingur leit loksins dagsins ljós sl. haust
eftir langa meðgöngu og fæðingu, en á síðasta aðalfundi var
hann samt kominn í lokavinnslu. Það voru Haraldur Finnsson,
Grétar Sæmundsson og Kristjón Sigurðsson sem báru þungann
af þessari útgáfu. Að sögn Haraldar er nú þegar fyrirliggjandi
töluvert efni í næsta rit, en þeir félagar stefna einnig að því að
leita til einstaklinga um að aðstoða við efni, því ekki er miðað
við að hafa eingöngu eldra efni í ritinu. Gísli Gunnlaugsson
hefur auk Haraldar séð um dreifingu á Breiðfirðingi.
í sambandi við það þá komust við yfir grein um átthagafélög
sem starfrækt eru á Höfuðborgarsvæðinu og þá gerði ég mér
grein fyrir því að tímaritið okkar Breiðfirðingur er elsta rit
átthagafélags og hefur verið gefið út síðan 1942 og ennþá gefið
út.
Ég fór líka á fund hjá Landsbyggðarvinum sl. vor þar
sem mættir voru formenn margra átthagafélaga og þar kom
fram að Breiðfirðingafélagið er það átthagafélag sem er með
langmesta starfsemi. Auk þess kom það fram að flest hinna