Breiðfirðingur - 01.04.2009, Qupperneq 94

92
BREIÐFIRÐINGUR
átthagafélaganna sem mætt voru þarna voru með þá viðborði
sem þeir hafa í Breiðhrðingabúð. Ég leyni því ekki að ég var
stolt af því að vera formaður fyrir mitt félag og greinilegt hve
hin átthagafélögin litu upp til Breiðfirðingafélagsins. En það er
ekki formanni eða stjórn að þakka að félagið er virkt, heldur
öllum félagsmönnum.
Þar sem landið Heiði er nú fundið þá liggur fyrir að taka þarf
ákvörðun um það hvað félagið vill gera við það. Það liggur einnig
fyrir að ákveða hvað félagið vill gera við sumarbústaðalóð sína
á Laugum, því nú er ljóst að Dalabyggð er að semja við Nýsi
um að skipuleggja landsvæðið á Laugum fyrir sumarhúsabygg
og fellur lóð Breiðfirðingafélagsins inn í þá skipulagsvinnu, en
ég undirstrika það að núverandi sveitarstjórn Dalabyggðar er
meðvituð um eign félagsins á þessari lóð og ég ræddi um hana
við Sveitarstjóra síðast í gær.
Lélaginu barst síðastliðinn vetur erindi frá Reyni
Ingibjartssyni um fjárstuðning til að hrinda í framkvæmd
fyrirætlun sinni um gerð ferðakorts fyrir Dalasýslu, en áður
hefur hann gert slík kort fyrir Snæfellsnes. Stjórn félagsins
ákvað að veita honum nokkurn styrk.
Ég vil þakka samstarfsfólki mínu í stjórn og skemmtinefnd
svo og öllum þeim öðrum sem unnið hafa fyrir félagið á liðnu
starfsári kærlega fyrir vel unnin störf. Einnig vil ég þakka
félagsmönnum og velunnurum félagsins fyrir góða þátttöku í
starfi félagsins.