Breiðfirðingur - 01.04.2009, Síða 97

BREIÐFIRÐINGUR
95
f nóvember hélt félagið síðan upp á 68 ára afmælið sitt.
Nýbreytni var höfð á þetta árið þegar boðið var upp á opið hús
flest kvöld afmælisvikunnar til kynningar á starfsemi félagsins.
Aðsókn hefði mátt vera meiri á þessi opnu hús en við vonum
bara að á næsta ári verði það fleiri sem sjá sér fært að mæta og
kynna sér það sem félagið hefur uppá að bjóða.
í afmælisvikunni var hagyrðingakvöld undir stjórn Níelsar
Árna Lund. Þar mættu til leiks bæði eldri og yngri hagyrðingar.
Mæting var góð og var virkilega kátt á hjalla.
Eins var farið í hina árlegu afmælisgöngu. Að þessu sinni var
gengið frá Nauthólsvík, vestur í Skerjafjörð og aftur í
Nauthólsvíkina þar sem að Hörður og Sólveig buðu veður-
börðum göngugörpum upp á kaffi, kleinur og prins póló. Sökum
stinningskulda var gönguhópurinn fremur fáliðaður en greini-
lega afskaplega hugrakkur.
Aðventudagur fjölskyldunnar var haldinn 3.desember og
hefur sjaldan verið jafn fjölmennt. Kórinn söng falleg jólalög,
lesin var lítil jólasaga og að lokum var síðan spilað bingó.
Kökuhlaðborðið svignaði hreinlega undan kræsingum en það
voru skemmtinefnd félagsins, stjórnin og nokkrir kórfélagar
sem sáu um veitingarnar.
Jólaballið okkar var haldið 30.desember og tókst það í alla
staði mjög vel og allir fóru heim glaðir og ánægðir jafnt ungir
sem aldnir.