Breiðfirðingur - 01.04.2009, Page 98

96
BREIÐFIRÐINGUR
Árshátíð okkar á Þorra var vel sótt og vel heppnuð í alla staði
líkt og undanfarin ár. Að þessu sinni var það Níels Árni Lund
sem var veislustjóri og hljómsveitin Miðaldarmenn lék fyrir
dansi
Þetta árið var sú nýbreyttni höfð á að spiluð var félagsvist
alla sunnudaga og virðist það hafa fallið í góðan jarðveg. Ýmist
er þá spiluð parakeppni, þriggja daga keppni eða bara stakir
dagar. Mæting hefur verið hin ágætasta og fólk virðist mjög
ánægt að hafa möguleika á að spila félagsvist alla sunnudaga.
Bridge-ið hefur einnig náð miklum vinsældum og er spilað
hér í Breiðfirðingabúð öll sunnudagskvöld.
Eins hefur verið boðið upp á dansnámskeið á vegum félagsins
í vetur bæði í línudönsum og samkvæmisdönsum. Námskeið
þessi hafa verið mjög vel sótt og hver veit nema við fáum að sjá
afrakstur þessara námskeiða þegar líða fer á vorið.
Frá námskeiði í linudönsum
veturinn 2006.
Breiðfirðingakórinn hefur æft stíft í vetur og hefur trúlegast
aldrei verið eins fjölmennur. Kórinn hefur verið duglegur að
syngja við hinar ýmsu skemmtanir á vegum félagsins sem og
utan þess og er aðsóknin á þessar skemmtanir yfirleitt mjög
góðar og viðtökurnar eftir því.
Húsverðir Breiðfirðingabúðar eru líkt og undanfarin ár
hjónin Hörður Rúnar Einarsson og Sólveig Valtýsdóttir og
kunnum við þeim bestu þakkir fyrir virkilega vel unnin störf.