Breiðfirðingur - 01.04.2016, Side 20

BREIÐFIRÐINGUR20
höfðu þeir tvisvar áður stutt sameiningu allra sveitarfélaganna. Kom
það Tálknfirðingum verulega á óvart, að sagt er. Síðan hefur það verið
að gerast að Tálknfirðingar hafa þurft að leita eftir aukinni samvinnu og
samþjónustu til Vesturbyggðar í sveitarstjórnarmálefnum.
Breytilegur fjöldi hreppsfélaga í
fyrrum Vestur-Barðastrandarsýslu
Hreppsfélög voru fimm á sunnanverðum Vestfjörðum fram að 15. júní
1907 en fjölgaði þá um eitt, Patrekshrepp. Hin voru Barða strand ar­
hrepp ur, Rauðasandshreppur, Tálknafjarðarhreppur, Ketildalahreppur
og Suðurfjarðahreppur. Patrekshreppur varð til við skiptingu Rauða­
sandshrepps og náði yfir jarðirnar Vatneyri og Geirseyri utan við
miðjan norðanverðan Patreksfjörð. Íbúar (370) í hinu ört vaxandi
útgerðar­ og fiskvinnsluplássi á Eyrum töldu sig ekki eiga samleið með
bændasamfélaginu (493) handan (sunnan) fjarðar. Beittu þeir sér fyrir
kosningu um aðskilnað og stofnun nýs hreppsfélags sem var 15. júní
1907, eins og komið hefur fram. Næst gerist það að Ketildalahreppur og
Suðurfjarðarhreppur við sunnanverðan Arnarfjörð sameinast 1. júlí 1987
og til verður Bíldudalshreppur. Hreppsfélögin eru þá aftur orðin fimm
á svæðinu. Íbúar í Ketildalahreppi voru orðnir mjög fáir á þeim tíma og
þeim um megn að að reka hreppsfélagið. Fjöldi íbúa Ketildalahrepps
komst hátt í 300 á fyrstu áratugum 20. aldar. Þar var þá öflugt samfélag
og blómlegt félagslíf. Afkoman byggðist á hefðbundnum landbúnaði
og sjávarútvegi eins og aðstæður leyfðu. Í ritunum Ég veit ekki betur
eftir Guðmund Gíslason Hagalín rithöfund og Undir hamrastáli eftir
Sigurjón Einarsson prest er brugðið upp svipmyndum af samfélaginu
við Arnarfjörð. Guðmundur lýsir samfélaginu norðan Arnarfjarðar sem
einkum hverfist um Lokinhamradal, breytingum þess og hnignun um
aldamótin 1900. Sigurjón lýsir einkum samfélaginu í Ketildölum og
næsta nágrenni á árabilinu frá 1920 fram undir 1950 og breytingum sem
gerðust á þeim tíma.
Land innan marka Vesturbyggðar
Land innan marka Vesturbyggðar nær yfir sunnanverða Vestfirði, að