Breiðfirðingur - 01.04.2016, Qupperneq 35

BREIÐFIRÐINGUR 35
Látranes í maí 2015. Myndin sýnir Látranes og lengst til hægri Steinólfsvík þar sem
bátarnir komu að með aflann sem var tekinn á land á seil því ekki var hægt að lenda.
Seilin var sett á streng og stökk einn maður í land með seilarlínuna og dró aflann í
land en hinir bátsverjarnir lentu bátnum í heimalendingunni, settu hann og fóru síðan
norður á Nes til að gera að aflanum. Á nesinu var ekki sandur sem illt var að fá í aflann.
Upp af Steinólfsvíkinni sjást fornir steinbítsgarðar. Efst til hægri sést Brunnanúpur og
Bjargtangar. Vinstra megin við tjörnina er tóft af verbúð. Garðurinn vinstra megin við
Látranesið í Fúluvík var gerður á árunum 1937 til 1939.
V STU BYG Ð
nefndist hann uppistandari ef hann náði upp í sperru. Við báða enda
rúmsins var fjöl eða kefli sem náði út í vegg.23 Ef ekki var uppistandari
voru rúmstæðin hlaðin upp með grjóti undir rúmfjalirnar og fyllt upp
með sandi.24 Moldargólf var og þegar vermenn komu hefur verið
taðskán á gólfum eftir sauðfé Látramanna. Hana hefur þurfti að stinga
út og strá sandi yfir. Nóg er af skeljasandinum á Brunnum og var til
mikillar óþurftar við fiskverkunina. Vildi sandur fjúka í steinbítinn þar
sem hann var í herslu á görðunum.
Steinbíturinn var hertur á grjótgörðum sem voru hluti af vergögnum
er fylgdu hverri búð. Þeir voru einhlaðnir og náðu meðalmanni undir
hönd og smáþynntust er ofar dró. Efst voru smásteinar. Garðarnir voru