Breiðfirðingur - 01.04.2016, Qupperneq 58

BREIÐFIRÐINGUR58
ræði af þeim sökum.
Á hinn bóginn virðist samvinnuhreyfingin ekki hafa verið vinveitt
verkalýðnum og á meðan kaupmenn á Patró höfðu samið við verkalýðs­
félagið gekk Kaupfélag Rauðsendinga ekki að kröfum þeirra, sem þýdd i
verkbann og margháttuð vandræði fyrir bændur í Rauðasandshreppi.
Þegar bændur hófu vinnu við slátrun á Hvalskeri og á Gjögrum á vegum
sinna eigin félaga, Sláturfélagsins Örlygs og Kaupfélags Rauðasands,
voru laun þeirra mun lægri og nálguðust frekar þegnskylduvinnu. Hefur
það með öðru byggt upp traustan efnahag félaganna.
Þannig var umhverfið í verslunarmálum við Patreksfjörð þegar Slát­
urfélagið Örlygur var stofnað. Þá var starfandi Kaupfélag Rauðsend­
inga, en það virðist ekki hafa komið að fullum notum fyrir allan hrepp­
inn.
Þó slátrun á Gjögrun hafi ekki hafist fyrr en 1931 var miklu fyrr byrj­
að að slátra á Hvalskeri eins og fyrr segir. Sú slátrun var þó aðallega
bundin við innfjarðarbæi og Rauðasand á meðan Útvíknamenn og Ör­
lygshafnarbúar slátruðu heima, fluttu kjötið yfir á Patreksfjörð og seldu
kaupmönnum þar. Heimaslátrun var þá orðin óvinsæl af kaupendum,
sem kallaði á byggingu slátrunaraðstöðu sem hægt væri að samnýta.
Af grein Ívars má skilja að slátrun á Gjögrum hafi upphaflega verið
á vegum Kaupfélags Rauðsendinga meðfram slátruninni á Hvalskeri og
Sláturfélagið Örlygur aðeins annast eignarhald og rekstur hússins. Líka
kemur fram í stjórnarfundargerð S.Ö. þann 29. nóv. 1931 að væntanleg­
ur sé styrkur frá Kaupfélagi Rauðsendinga að fjárhæð 300 kr. auk þess
sem það greiddi 100 kr. fyrir slátrun.
Erfiðleikar á fyrstu árunum
Á árinu 1932 virðast nokkur vandræði með kjötsölu. Ólafur Jóhannes­
son kaupmaður á Patreksfirði treysti sér ekki til að kaupa kjöt af hinu
nýja félagi og því úr vöndu að ráða. Skrifað var bréf til Hjörleifs Ólafs­
sonar frá Hænuvík, sem búsettur var í Reykjavík og þess farið á leit að
hann gerðist umboðsmaður félagsins við sölu á afurðum um haustið.
Af fundargerðum verður ekki séð hver úrslit máls hafa orðið en skilja