Breiðfirðingur - 01.04.2016, Síða 86

BREIÐFIRÐINGUR86
Raeren í Belgíu á heiðinni. Leirkerið hefur verið stórt og þykkt og
senni lega frá miðri 17. öld. Líkt og með aðrar aflagðar alfaraleiðir hér
um slóðir var að mestu hætt að fara Fossheiði þegar hætt var að reka
kindur á milli fjarða og þær þess í stað ferjaðar með fjárflutningabíl, um
1970. Áður höfðu leiðirnar lagst af að mestu vegna bílvega sem komu
um helstu fjallvegi á sjötta áratug síðustu aldar.
Miðvörðuheiði liggur frá Tálknafirði á Barðaströnd. Lagt var upp
hjá Hjallatúni í Tálknafirði og brúnum fylgt inn að Sjónarhóli, upp
hálendiskletta og inn á hásléttuna um Miðvörðu sem er eins og hlið í
fjallgarðinn á milli Tálknafjarðar og Barðastrandar og niður um Fjalldal
og Hagavatnadali, með Fellsfæti, niður Hagamúla og að Haga. Þetta
er löng leið, 26–27 kílómetrar, og nær um 540 metra hæð þar sem hún
er hæst. Lengsta heiðin um þessar slóðir og jafnvel sú harðangursleg­
asta. Fyrri tíma vegagerð er greinileg á heiðinni, gata er rudd í gegnum
stórgrýtisurð og er oft mjög greinileg, jafnvel á malarholtum. Vörðurn­
ar eru einstaklega fallegar og þéttar oft á tíðum, en einnig hrundar og
sokkn ar. Miðvörðuheiði er merkt inn á gömul kort en hún var ekki
mikið farin undir það síðasta og þó fór hann afi minn í Tungumúla,
Böðvar Guðjónsson, stundum hér um. Miðvörðuheiðin lagðist af á und­
an öðrum þekktum alfaraleiðum á Barðaströnd eða var að minnsta kosti
mun fáfarnari en hinar.
Kleifaheiði á vinninginn. Um hana liggja þrír vegir frá mismunandi
tímum og sá síðasti frá 21. öldinni og hægt að keyra hann á leyfilegum
hámarkshraða mest alla leiðina. Það eru viðbrigði frá því fólk var teppt
innan heiðarinnar frá fyrstu snjóum og einungis snjóbíll föður míns
rauf þá einangrun um nokkurra ára bil og gaf fólki á Ströndinni færi á
að sækja vinnu í næsta firði eða leita sér læknis. Vegagerð hefur verið
um Kleifaheiði á öllum tímum og heiðin tekið sinn toll. Það var mikil
samgöngubót þegar lokið var við að gera akfæran veg yfir heiðina 1951,
en vegagerð um hana hafði tekið langan tíma og verið erfið upp Kleif­
arnar með urð og grjót á alla vegu og upp hjá Bárðargilinu sem sagt
var að hefði tekið átján menn. Kleifaheiðin er 14 kílómetrar og um 400
metra há. Kleifakallinn eða Kleifabúi er efst í Kleifunum. Hann er afurð
sköpunargleði vegavinnumanna sem byggðu veginn um 1950. Þeir