Breiðfirðingur - 01.04.2016, Síða 142

BREIÐFIRÐINGUR142
og dvaldi þar haustið 1935: „Á Sámsstöðum opnaðist mér algerlega nýr
og áður óþekktur heimur. Heimur nýrrar ræktunarmenningar.“
Á árunum 1936–38 sáði pabbi byggi, höfrum og rúgi á Leysingjastöð­
um þar sem býlið Árbær stendur nú. Hann byggði kornskúr og keypti
þreski áhöld. Bygg og rúgur gengu vel en hafrar síður: ,,Frænka mín
Þur íður á Leysingjastöðum gerði brauð úr rúgkorninu og smakkaðist
það ljómandi vel.”
Vindrafstöðvar og gúmmískór
Pabbi var virkur í UMFÍ, fór í tveggja mánaða ferð um Vestfirði á vegum
þess haustið 1939 og var formaður Ungmennasambands Dalamanna í
nokkur ár. Nokkru áður hafði UMFÍ óskað eftir því að pabbi færi á
þeirra vegum til Svíþjóðar og kynnti sér hreyfingu sem átti að efla
þátttöku ungs fólks í jarðrækt. Hann langaði að fara en „svo fór þó að
lokum að ógoldin skuld við fósturforeldra og heimahaga vó þyngra,“
skrifaði hann síðar.
Á stríðsárunum starfrækti Rauði krossinn sumarbúðir fyrir börn á
Laug um og var pabbi þar forstöðumaður. Á fjórða og fimmta áratugnum
hafði hann margt undir. Hann hafði forgöngu um uppsetningu vind­
rafstöðva og hann framleiddi gúmmískó! Helga Jónsdóttir frá Mið­
garði sagði mér að þeir hefðu sannarlega komið sér vel. Hann var líka
síyrkjandi og skrifaði leikþætti. Í Tímanum 1939 er sagt frá af mæl is ­
hófi ung mennafélagsins Unnar djúpúðgu, að Sælingsdalslaug: „Að
kaffidrykkjunni afstaðinni var leikinn sjónleikur eftir Einar Krist jáns­
son.“ Hann byrjaði að kenna á fimmta áratugnum og það leiddi hann í
Kennaraskólann þaðan sem hann útskrifaðist 1952.
Pabbi eignaðist Willys­jeppa 1946. Kannski eigum við systkinin, ég
og Ingibjörg Kristrún, líf okkar þeim jeppa að þakka. Sumarið 1951 fengu
kennslukonur á Staðarfelli pabba til að aka sér við eitthvert tækifæri
því bílar voru ekki á hverju strái. Ein þeirra var Kristín B. Tómasdóttir
frá Blönduósi, mamma okkar. Hún menntaði sig í Danmörku og réði
sig heim komin á Húsmæðraskólann á Staðarfelli. Jeppaeigandinn
og þáverandi kennaraskólaneminn skrifaði henni mörg bréf þar sem