Breiðfirðingur - 01.04.2016, Blaðsíða 154

BREIÐFIRÐINGUR154
klæddur rauðum kyrtli og ber hvíta kápu á öxlum með spennu framan
á hálsmáli. Lærisveinar sitja hvor sínum megin borðsins og líta báðir
til Jesú3 en snúa baki að áhorfandanum. Jesús horfir upp og út fyrir
myndina, heldur á nýbrotnu brauði í höndum og á borðinu fyrir framan
hann er diskur með brotnum brauðhleif. Lærisveinninn til hægri á
myndinni hefur aðra höndina á brjóstinu í bænarstellingu en hina réttir
hann fram að fatinu með brauðinu á en hinn lærisveinninn leggur
höndina á úlnlið hans eins og til að hindra að hann nái til brauðsins og
draga úr viðbrögðum tilfinninganna. Lærisveinninn hægra megin ber
stóra olífugræna kápu á öxlum en undir henni bláleitan kyrtil sem sjá
má á vinstra framhandlegg sem veit fram að fatinu með brauðinu á.
Lærisveinninn til vinstri er klæddur ryðrauðri kápu og ber brúnleita slá
yfir vinstri öxl. Klæðafellingarnar eru málaðar af mikilli vandvirkni.
Á borðinu er hvítur dúkur sem nær niður fyrir borðbrúnina að framan.
Birtugjafinn er utan við sjálfa myndina og slær áhrifamikilli birtu
hliðhallt ofan frá vinstri. Þannig kemur mesta birtan á mynd Jesú og
eins ljómar birtan á andlitum og höndum lærisveinanna og borðið með
hvíta dúknum og brauðinu og því gerir hvíta kápan sem Jesú ber og
hvíti dúkurinn sitt til að lýsa upp myndina. Baksvið myndarinnar er
dökkt með grænleitum blæ og ekkert annað sést en það sem er innan
ljósflatarins. Hringlaga myndflöturinn sem blasir við áhorfandanum
sýnir Jesú glögglega sem aðalatriði myndarinnar. en atburðurinn er sá
er lærisveinarnir þekkja aftur Jesú leiðtoga sinn, og sem Krist.
Hér er því staðfest með könnun heimilda að Eckersberg hafi málað
altaristöfluna í Bjarnarhafnarkirkju og að hún sé máluð á tímablinu
4. febrúar 1833 til 7. marz 1833. Altaristöflunnar er aðeins stuttlega
getið í danskri kirkjusögu, en á Íslandi gengu sögur um að hún væri af
hollenzkum uppruna, væri jafnvel eftir hollenzka málarann Rembrandt
er uppi var á 17. öld (1606–1669) eða nemendur hans.4
3 Eckersberg kallar lærisveinana Kleofas og Lúkas. Í Biblíunni er aðeins annar þeirra
með nafni, Kleofas, en hinn er ónefndur. Hefur Eckersberg ef til vill sjálfur hugsað sér að
óþekkti lærisveinninn væri sögumaðurinn sjálfur, sá er ritaði guðspjallið.
4 Sagnir voru um að taflan væri gjöf til kirkjunnar frá hollenzkum skipstjóra í þakkarskyni
fyrir að áhöfnin á skipi hans bjargaðist úr sjávarháska og að listamaðurinn sé Rembrandt
van Rijn eða einhver af nemendum hans. Svipaðar þjóðsagnir eru fleiri kunnar hérlendis