Breiðfirðingur - 01.04.2016, Blaðsíða 188

BREIÐFIRÐINGUR188
Því miður drepast teistur einna mest allra fugla í grásleppunetum (Ævar
Petersen 1981, 2002, Frederiksen & Ævar Petersen 1999). Merktar
teistur hafa einnig komið fram við Grænland (Ævar Petersen 1977). Vit­
að er að hluti merkja skilar sér ekki og þannig glatast mikilvægar upp­
lýsingar. Finnendur merktra fugla eru því hvattir til að koma merkjum
til réttra aðila.
Merktar teistur sem fundust í grásleppunetum og beinar athuganir
hafa varpað ljósi á fæðusvæði teista frá Flatey (Ævar Petersen 1981).
Langflestar þeirra fóru vestur frá Flatey að hámarki 15 km leið rétt út fyrir
Oddbjarnarsker. Sumar flugu norður í átt að Prestskeri á norðanverðu
Flateyjarsundi. Enn aðrar flugu þvert yfir sundið til Svefneyjalanda þar
sem þær köfuðu á grunnsævinu umhverfis eyjarnar. Teistur í Flatey fara
því í nær allar áttir frá vörpunum og fer það talsvert eftir því hvar á
eyjunni þær verpa. Teistur fara heldur lengra í fæðuleit en toppskarfar
þó ferðir þeirra jafnist ekkert á við ferðir fýla og rita.
Einungis tvær teistur með GPS­tæki hafa náðst aftur. Teisturnar voru
merktar á útungunartíma í júní en ekki á ungatíma eins og hjá hinum
tegundunum. Þær fóru báðar til vesturs frá Flatey á svipaðar slóðir og
málmmerktir fuglar. Sú sem fór lengra var um 16 km frá varpstað. GPS­
mælingar hafa því hingað til staðfest fyrri þekkingu sem var byggð á
endurfundnum málmmerkjum.
Almennt
GPS­merkingar okkar sýna aðeins fyrstu niðurstöður og þarf að merkja
fleiri fugla til þess að fá betri yfirsýn um fæðuferðir þeirra. Þó má velta
fyrir sér tveimur atriðum sem tengjast rannsóknunum hingað til: (1)
mismunandi ferðamynstri eftir tegundum og (2) ferðum rita og fýla eftir
árum.
Tegundirnar fjórar sem voru rannsakaðar falla í tvo hópa eftir því
hvernig fuglarnir afla sér ætis. Fýll og rita tína fæðu úr yfirborði sjáv­
ar en teista og toppskarfur kafa eftir æti niður á botn. Hversu langt
fugl arnir fara frá varpstað í ætisleit er greinilega tengt fæðuháttum.
Tegundir sem kafa fara mun skemur í fæðuleit en þær sem tína fæðu
úr yfirborði sjávar. Teista og toppskarfur lifa bæði á hryggleysingjum