Ný Dögun - 01.11.1991, Page 51

/Oý Dögun-
jAlme.v\v\ar upplýsmgar
Félagiö var stofnað 08.12.1987, og fékk nafnið Ný Dögun 29.05.1991.
Félagið gefur út fréttabréf, sem er póstsent til félagsmanna.
Starfsemi félagsins fer fram í Safnaðarheimili Laugameskirkju öll þriðjudagskvöld
klukkan 20:00 - 22:00. Á sama tíma er svarað í síma 679-422.
Mánaðarleg fræðsluerinai eru fyrsta þriöjudag í mánuði yfir vertrarmánuðina (október
til maí).
Opin hús eru aðra þriðjudaga (sumarfrí í júlí).
Námskeið eru haldin eftir þörfum.
Árið 1990 komu 1360 manns á samkomur félagsins (540 á fræösluerindi og 820 á opin
hús).
Félagið hafði forgöngu um gerð útvarpsþáttanna „Sorgin gleymir engum" í mars-
apríl 1988 er voru í umsjón sr. Bernharðs Guðmundssonar.
Félagið hélt 118 manna námstefnu um málefni syrgjenda í apríl 1991. Fyrirlestrar
námstefnunnar eru gefnir út í þessu tímariti.
Félagið ætlar að efla útgáfustarfsemi um sorg og sorgarviðbrögð m.a. með gerð
bæklinga, bóka, snælda og myndbanda á næstu árum eftir því sem tök eru á.
Félagið hefur útvegað fyrirlesara fyrir áhugahópa utan (og innan) Reykjavíkur sem
ræða um sorg og sorgarferlið.
Félagið aðstoðar við stofnun systurfélaga utan Reykjavíkur.
Landsbyggðarnefnd Nýrrar Dögunar sér um skipulagningu á fyrirlestrum og
námskeiðumfyrirlandsbyggðina. Hanaskipa: BragiSkúlason,GuðbjörgÞórðardóttir,
Ólöf Helga Þór.
Frá ritstjóra
Fyrir hönd Nýrrar Dögunar vil ég þakka öllum þeim, sem gerðu þessa útgáfu
mögulega. Megi hún verða okkur til góðs.
Bragi Skúlason