Ægir - 01.10.2018, Blaðsíða 96

96
„Tilkoma siglingahermanna á sínum
tíma gjörbreytti náminu hér við skólann
og nú höfum við fengið ný tæki sem eru
auðvitað ennþá fullkomnari en þau sem
fyrir voru. Tækninni í þessu fleygir fram
og þegar við fengum nýju hermana var
þeim komið fyrir í glæsilegum stofum
hér í Sjómannaskólanum þar sem er
komin nútímaleg aðstaða til að taka á
móti nemendum til þjálfunar.“ Þetta
sögðu þeir Vilbergur Magni Óskarsson,
skólastjóri Skipstjórnarskólans og Vél-
tækniskólans og Björgvin Þór Steinsson,
kennari í skipstjórnargreinum þegar við
heimsóttum þá á dögunum.
Hagnýtt véltækninám
Skipstjórnarskólinn er öflugur skóli sem
býður upp á fjölþætt og vandað nám.
Nemendur eru um 180 talsins núna en
þar af eru um 100 manns í fjarnámi. Í
Véltækniskólanum eru nemendurnr tæp-
lega 200 talsins. Skólarnir eru enn á
framhaldsskólastigi og fullnuma ljúka
nemendur D stigi, svokölluðu farmanna-
prófi. Raunar geta menn bætt við sig E
réttindum en þeirra er t.d. krafist til að
geta gegnt stöðu skipherra á varðskip-
um Landhelgisgæslunnar. „Námið er
gríðarlega hagnýtt og gefur möguleika á
störfum mjög víða í þjóðfélaginu. Sér-
staklega er véltækninámið fjölbreytt og
opnar fólki aðgang að störfum um heim
allan því alls staðar eru tæknistörfin
eins og óháð tungumálum eða svæðum,“
segir Vilbergur Magni skólastjóri.
Þrír mismunandi hermar
Hermarnir sem við fengum að skoða eru
þrenns konar; einn er fyrir fjarskipti,
annar fyrir vélarrúm og sá þriðji fyrir
brúna. Í fjarskiptaherminum fá nemend-
ur þjálfun í notkun fjarskiptabúnaðar
um borð í skipum og öðlast almenn og
ótakmörkuð réttindi fjarskiptamanns að
lokum. Vélarúmshermirinn samanstend-
ur af tækjabúnaði eins og fyrirfinnst í
stjórnrými vélarúma skipa og nemendur
fá þjálfun í að keyra vélarúmið og kynn-
ast daglegum rekstri þess. Loks er það
brúarhermirinn en þar fá nemendur
verklega þjálfun í siglingafræði, þjálfun í
notkun ratsjáa til staðsetningar og í að
feta sig áfram í mikilli skipaumferð í
dimmviðri svo dæmi séu tekin.
„Nemendurnir standa í sýndarveru-
leika á stjórnpalli skips og þurfa að taka
ákvarðanir og stýra skipinu alveg eins
og þeir væru um borð í raunverulegu
skipi. Við getum sett upp á skjáinn mis-
munandi siglingaleiðir inn í nokkrar ís-
lenskar hafnir og að auki fjölda erlendra
og getum einnig þjálfað nemendur í sigl-
ingum milli landa, svo og í viðbrögðum
við erfiðum aðstæðum sem geta komið
upp. Þessi tæki eru einstök og kosturinn
við þau er sá að menn mega gera mistök
án þess að afleiðingar hljótist af. Þannig
læra menn og standa betur að vígi þegar
þeir eru komnir um borð í raunveruleg
skip,“ segir Björgvin Þór kennari.
Nýtast við björgunarstörf
Hermarnir sem áður voru í Stýrimanna-
skólanum voru frá Kongsberg og þeir
voru komnir til ára sinna. Að loknu út-
boði við endurnýjun þeirra voru valin
tæki frá Transas í Rússlandi. „Þetta eru
mun fullkomnari tæki en þau gömlu og
notkunarmöguleikarnir afar fjölbreyttir.
Fyrir utanþá valmöguleika sem Björgvin
Þór lýsti er hægt að nýta hermana til
þjálfa nemendur í verkefnum sem snúa
að leit og björgun, það er hægt að æfa
siglingar í ís eða aðstoða annað skip við
að komast inn eða út úr höfn svo dæmi
séu tekin. Síðast en ekki síst er hægt að
tengja mismunandi herma saman og
færa alla stjórnun skipsins úr brú niður í
vélarrúm eða öfugt. Möguleikarnir í
notkun svona tækja eru nær óendanlegir
og það er miklar áskoranir fyrir kennara
og nemendur að ná sem allra mestu út
úr þessum frábæru kennslutækjum,“
segir Vilbergur Magni að lokum.
tskoli.is
Siglt inn í Reykjavíkurhöfn í siglingaherminum, frá vinstri Björgvin Þór Steinsson, kennari í skipstjórnargreinum og Vilberg-
ur Magni Óskarsson, skólastjóri Skipstjórnarskólans og Véltækniskólans.
Hermarnir hafa
gjörbylt náminu
Sjávarútvegur
á 100 ára afmæli fullveldis Íslands