Dagblaðið Vísir - DV - 10.08.2018, Blaðsíða 42

42 LÍFSSTÍLL 10. águst 2018
Sæl Ragga
Mig langar að fá að spyrja þig
einnar spurningar.
Ég er búin að vera gift/í sam-
búð í 14 ár. Maðurinn minn hef-
ur alltaf sagt að hann eigi bara
eina konu og líti ekki á aðrar kon-
ur. Samband okkar hefur alltaf
verið mjög gott, og þó að það
hafi verið hæðir og lægðir í kyn-
lífinu í gegnum árin hefur það
líka alltaf verið gott. Fyrir stuttu
síðan komst ég að því hann hef-
ur verið inni á vefnum einkamál.
is og verið að tala við karlmenn.
Ég fann líka tvær kynferðislegar
myndir af honum í tölvunni.
Hann segist ekki hafa haldið
framhjá, hann hafi bara verið að
leika sér og það sé betra að fífl-
ast í karlmönnum. Mig langar
að spyrja þig hvort þetta sé eðli-
legt, eða getur verið að hann vilji
prófa að vera með karlmanni?
Hann segist aldrei hafa verið
með manni og langi ekki til þess,
en ég er efins því hann á sjaldn-
ast frumkvæði að kynlífi hjá okk-
ur. Ég fer eðlilega að spyrja mig
hvort skýringin sé að hann vilji
frekar menn. Ef þú getur svarað
mér yrði ég mjög þakklát.
Bestu kveðjur,
Guðrún
Komdu sæl
Spurningu þinni er alls ekki auð-
velt að svara – ég get sannarlega
velt upp ýmsum pælingum og
ástæðum fyrir áhuga manns þíns
á kynferðislegum samskiptum
við kynbræður sína, en lykillinn
að kynhneigð hans liggur innra
með honum. Ég get hins vegar
spjallað almennt um áhuga karla
á körlum, þá sérstaklega þeirra
sem líta á sig, og lifa, sem gagn-
kynhneigðir.
Sumir karlmenn eru
kynferðis lega forvitnir um aðra
karlmenn – rétt eins og sumar
konur eru kynferðislega forvitn-
ar um konur. Okkur er tamara
að taka því með stökustu ró ef
gagnkynhneigð kona velur að
eiga kynferðislega upplifun með
annarri konu, en það sama virð-
ist ekki gilda um nákvæmlega
sömu hegðun karla. Lesbísk
ævin týri hafa löngum verið efni
kynóra í máli og myndum – sér-
staklega meðal gagnkynhneigðra
karla, en það sama virðist ekki
eiga við um karlana. Ef við frétt-
um af samkynja ævintýrum karls
sem hefur fram að því birst okk-
ur sem gagnkynhneigður fer
hommabjöllukórinn umsvifa-
laust í gang: „Gvuð er hann gay,
og hefur hann lifað í lygi öll þessi
ár?“ … sem gæti alveg verið, en
þarf þó alls ekki að vera sann-
leikurinn.
En gott og vel – veltum nú upp
nokkrum ástæðum sem gætu
legið að baki tölvubrölts karls
þíns:
Forvitni
Kynferðisleg forvitni er eðli-
leg. Kannski er maðurinn þinn
forvitinn um kynlíf með öðrum
körlum og langar að velta sér
upp úr þannig pælingum með
öðrum körlum. Þetta þarf ekki
að þýða að hann langi nokkurn
tíma að stunda kynlíf með karli
af holdi og blóði.
Fantasíur
Eflaust á maðurinn innra með
sér óra um kynlíf milli karla.
Kynórar eru þó þess eðlis að það
sem kveikir losta þarf ekki að
vera það sama og fólk vill gera.
Löngun til að prófa í alvöru
Kannski langar hann að prófa
að vera með karlmanni. Reynd-
ar segir þú að hann neiti því, og
ég hef enga ástæðu til að halda
að hann sé að segja ósatt. Það er
samt ekkert að því að langa að
prófa – og þarf ekki endilega að
hafa neitt með kynhneigð hans
að gera, hvað þá ást hans á þér.
Losti
Einhverra hluta vegna virðast
margir karlmenn eiga betra með
að losa um losta með nafnlaus-
um kynferðislegum samskiptum
en konur. Áður fyrr var ástæða
þess talin vera meira magn
hormónsins testósteróns hjá
karlmönnum – hormónsins sem
hvetur greddu, drift og árásar-
girni. Nú eru æ fleiri á þeirri
skoðun að ekki sé síður um að
kenna félagsmótun okkar – við
gerum ráð fyrir því að karlmenn
eigi að vera graðir og árásar-
gjarnir, á meðan konur eiga að
vera penar, sýna helst ekki að
þær séu kynverur og verjast fim-
lega ef graðir karlar reyna að fá
þær til lags við sig. Druslustimpl-
un og siðferðilegan tvískinnung
þekkjum við því miður allt of
vel. Fullveðja karlar nútímans
hafa því alist upp við þá (rang)
hugmynd að þeir búi í heimi
þar sem ofgnótt er af karlmann-
legri greddu en skortur á þeirri
kvenlegu. Kannski er það þess
vegna sem maðurinn þinn hef-
ur ákveðið að klæmast við karla
á netinu – það er auðveldara
og skilvirkara. Það er líka þess
vegna sem sumir karlar velja að
fá útrás fyrir greddu með því að
stunda kynlíf með öðrum körl-
um – það er einfalt, menn koma
sér beint að efninu, og oftast án
eftirmála. Kynhneigðin kemur
því ekki endilega við!
Ég vona að þið getið átt
áframhaldandi samtal um þess-
ar pælingar. Kannski vill mað-
urinn þinn deila með þér órum,
og kannski býr eitthvað ennþá
stærra undir eins og kynhneigð
hans. Eina leiðin til að fá botn í
málið er að fríka ekki út heldur
halda samtalinu áfram með um-
burðarlyndi og ást að leiðarljósi.
Gangi þér vel,
Ragga
S. 587 6688 / fanntofell@fanntofell.is / fanntofell.is
OPNUM 14. ÁGÚST
Í NÝJU OG GLÆSILEGU HÚSNÆÐI
AÐ GYLFAFLÖT 6 - 8
Ragnheiður Eiríksdóttir
er hjúkrunarfræðingur
og kynlífsráðgjafi.
raggaeiriks.com
raggaeiriks@gmail.com
ER EIGINMAÐUR GUÐRÚNAR „GAY“?