Ljósmæðrablaðið - 01.07.2010, Síða 37
37Ljósmæðrablaðið - júlí 2010
ýmsum verkefnum. Það fyrsta sem komst
til framkvæmda var grunnnámskeið 17.
nóvember fyrir ljósmæður sem voru að hefja
heimaþjónustu eða vildu skerpa á rekstr-
arumgjörðinni. Á námskeiðinu var farið yfir
helstu atriði í samskiptum við stofnanir á
borð við Landlæknisembættið, Sjúkratrygg-
ingar Íslands, lífeyrissjóði og skattayfir-
völd. Af annarri faglegri þróunarvinnu
má nefna að verið er að skoða sérhæfð
viðmið um heimaþjónustu og vinna bækl-
inga með upplýsingum um heimaþjónustu
til að afhenda sængurkonum. Einnig kom
fagdeildin að vinnu við faglegar lágmarks-
kröfur í heimafæðingum og heimaþjónustu í
sængurlegu, sem væntanlegar eru frá Land-
læknisembættinu.
Ljósmæður fagdeildarinnar hafa setið
fundi með fulltrúum Landspítala vegna
umbóta á tilvísunarleiðum til og frá ljós-
mæðrum í heimaþjónustu. Hluti þeirrar vinnu
snýr að rammasamningum Sjúkratrygginga
Íslands sem nú hefur verið framlengdur til
ágústloka.
Fræðslustarf
Ljósmæðrafélagið hóf einnig samstarf með
Endurmenntun Háskóla Íslands (EHÍ) og
þegar hefur eitt námskeið verið haldið í þeirri
samvinnu og stendur meira til. Fræðslu-
og endurmenntunarnefnd félagsins sér um
samskipti við EHÍ hefur nóg úr að moða
eftir skoðanakönnun meðal félagsmanna um
námskeiðsframboð. Hringborðsumræður voru
haldnar í þrígang s.l. vetur og var aðsókn
dræm sem er synd því þetta fyrirkomulag
hentar einkar vel sem samskiptaform lítillar
fagstéttar. Það er ódýrt og ljósmæður hafa
svo miklu að miðla hver til annarrar.
Ný vefsíða að gjöf
Vefsíða félagsins hefur verið óvirk í lengri
tíma og hefur það valdið félagsmönnum
óþægindum sem stjórn biðst afsökunar á.
Ný vefsíða er í smíðum og er hún gjöf frá
og TM Software og Norðurpólnum ehf,
sem m.a. er í eigu Báru Hildar Jóhanns-
dóttur ljósmóður. Við kunnum þeim bestu
þakkir fyrir. Vefstjóri, Harpa Ósk Valgeirs-
dóttir, hefur lagt nótt við dag í maí við að
yfirfæra efni á síðuna. Við hlökkum til að fá
virka og fallega félagsvefsíðu sem auðveldar
upplýsingastreymi innan félagsins. Við
getum nú þegar verið stoltar af ímynd ljós-
mæðra í netheimum þar sem ljosmodir.is er
með víðlesnustu vefsíðum landsins og eru
þar m.a. nýkomnir fræðslubæklingar sem
auðvelda eiga ljósmæðrum að styðja við
upplýsta ákvarðanatöku skjólstæðinga sinna.
Póstlisti félagsins
Á meðan vefsíða félagsins hefur verið í
endurvinnslu, hefur upplýsingagjöf til félags-
manna farið fram í gegnum póstlistann. Til
að tryggja endurnýjun og vörslu póstlistans,
er hann hafður á google mail þar sem Guðrún
Sigríður Ólafsdóttir ljósmóðir og tæknikona
félagsins, hefur haldið utan um hann. Enn
eru þó margir félagsmenn sem ekki eru á
póstlistanum. Þeir félagsmenn sem ekki fá
fjölpóst frá félaginu, eru vinsamlegast beðnir
um að tilkynna veffang til félagsins.
Ljósmæðrablaðið og Fylgjan
Starfsemi ritnefndar er öflug sem fyrr. Ljós-
mæður gefa enn út tvö vegleg blöð árlega,
sem beðið er af eftirvæntingu hvert vor og
hver jól. Handbók ljósmæðra – Fylgjan kom
nú út í 21. skipti og ber það kannski hógværð
ritstjórans vitni, að ekki var haldið upp á
útgáfu þessa þarflega rits þegar það stóð á
tveimur tugum. Fyrir þær sem ekki hafa enn
uppgötvað nytsemi Fylgjunnar, vil ég benda
á að skoða hana gaumgæfilega og sjá þann
hafsjó af upplýsingum sem þar er. Þar sem
Fylgjan er yfirfarin fyrir árlega útgáfu, vil ég
einnig biðja notendur hennar á að koma með
ábendingar um efni og uppfærslu til ritstjóra
hennar, Elínborgar Jónsdóttur (elvi@simnet.
is) fyrir septemberlok, ef þær eiga að komast
inn í næstu Fylgju, annars eru ábendingar
alltaf vel þegnar.
Breytingar á stjórn og starfsemi
Hvað stjórn félagsins áhrærir höfum við
misst tvo stjórnarmeðlimi á starfsárinu. Í
september sagði Sigrún Valdimarsdóttir af
sér gjaldkerastöðu af persónulegum ástæðum
og tók þá varagjaldkeri, Árdís Kjartansdóttir
fljótlega við störfum hennar. Í mars sagði
Árdís svo af sér gjaldkerastöðu og störfum.
Er þetta í fjórða sinn sem gjaldkeri félags-
ins segir af sér, á þeim fimm árum sem gjald-
kerastarfið hefur verið í núverandi mynd.
Áður var það svo að skrifstofumaður (sem var
alltaf ljósmóðir) og formaður félagsins sáu
um daglegan rekstur félagsins og var þá starf
gjaldkera mun viðaminna en það er nú. Það
er skoðun núverandi stjórnar að núverandi
fyrirkomulag gangi ekki upp og því verði að
breyta. Þess vegna hefur stjórn nú auglýst
eftir skrifstofumanni utan stjórnar, eins og
áður tíðkaðist hjá félaginu. Það er ekkert
launungarmál að átök hafa verið í Ljós-
mæðrafélaginu frá síðustu kjarabaráttu. Til
að reyna að leysa úr þeim ágreiningi boðaði
stjórn félagsins til fundar með fyrrverandi
og núverandi formönnum og starfsmönnum
félagsins undir yfirskriftinni Sáttafundur
um samskipti og vinnubrögð Ljósmæðra-
félags Íslands. Tilgangur fundarins var að fá
tillögur og aðstoð frá reyndum félagskonum
og þeim þremur sem sagt höfðu af sér störfum
vegna óánægju með formann og/eða stjórn
og ræða samskipti og verklag innan félagsins
út frá mismunandi sjónarhornum. Sr. Bragi
Skúlason var fenginn sem utanaðkomandi
fundarstjóri enda er hann reyndur í félags-
störfum og óumdeildur og þekktur meðal
ljósmæðra. Fundurinn var vel sóttur, þar
mættu 14 ljósmæður af þeim 19 sem boðaðar
voru og umræður gáfu stjórn gott veganesti
til uppbyggingar félagsins sem varð kveikjan
að tillögum stjórnar til aðalfundar um skipan
vinnuhópa. Ljósmæðrafélagið okkar hefur
stækkað og tímarnir breyst. Það er ljóst að
nákvæmari vinnuferla skortir í starfsemi
félagsins, sem valdið hefur óþarfa árekstrum
síðustu misseri. Því vill stjórn félagsins nýta
næsta ár til þess að félagsmenn endurskoði
innviði og uppbyggingu félagsins og láti
vilja sinn í ljós um hvernig Ljósmæðrafélag
Íslands á að vera og hvert það á að stefna.
Tillögur stjórnar um fjóra vinnuhópa (Kjara-
stefnuhópur, Fagstefnuhópur, Lagahópur og
Verkferlahópur) sem munu starfa milli aðal-
funda 2010 og 2011 var samþykkt á aðalfundi.
Nú liggur fyrir að skipa í vinnuhópana fjóra
og er það í höndum tímabundinnar uppstill-
inganefndar sem sitja Hildur Kristjánsdóttir,
Steina Þórey Ragnarsdóttir og Valgerður
Lísa Sigurðardóttir en var það fyrirkomulag
einnig samþykkt af aðalfundi. Vinnuhóparnir
munu fara í gegnum alla starfsemi félagsins
hvað varðar daglegan rekstur félagsins, stefnu
félagsins í kjara og réttindamálum, stefnu
félagsins í fagmálum, endurskoða lög félags-
ins, meta nauðsyn siðareglna innan félagsins
og endurskoða eða gera verkferla í félaginu.
Mikil umskipti voru í nefndum og stjórn
félagsins á aðalfundinum. Alger umskipti voru
í fræðslunefnd og mikil í kjaranefnd og inn
komu þrír nýir stjórnarmeðlimir. Stjórn Ljós-
mæðrafélags Íslands þakkar öllum þeim ljós-
mæðrum sem nú láta af störfum fyrir félagið,
þeirra framlag.
Á sjötta tug ljósmæðra vinna sjálfboðavinnu
fyrir Ljósmæðrafélagið, í stjórn, nefndum,
deildum, sem trúnaðarmenn og við ýmsa
útgáfustarfsemi. Í litlu stéttarfélagi skipta
kraftar hverrar og einnar miklu máli og samein-
aðar stöndum við enn sterkari. Sjálfboðavinna
í þágu félags eins og okkar skiptir þar miklu
máli. Án þessara einstaklinga mætti félagið
sín lítils og ég vænti þess að félagsmenn sýni
þessum sjálfboðaliðum þakklæti fyrir störf
þeirra í þágu okkar allra.
Strembnu en viðburðaríku ári í sögu Ljós-
mæðrafélagsins er nú lokið. Það er ljóst að við
þurfum að móta félagið okkar að nútímaþörfum
ljósmæðra og aukinni stærð félagsins, þannig
að Ljósmæðrafélag Íslands verði áfram sterkt
og stöndugt félag. Félagið okkar er langt yfir
persónulegar deilur hafið. Við berum ábyrgð
á einu elsta stéttarfélagi kvenna á Íslandi og
getum ekki látið persónulegan ágreining grafa
undan trúverðugleika þess.
Þær ljósmæður sem lagt hafa félaginu lið í
gegnum árin hafa margoft staðið í mótvindi.
Það var mikill sigur þegar tókst að fá sömu
laun fyrir allar ljósmæður í kjarabaráttunni
1998 og það sameinaði ljósmæður. Sá sigur
var grundvöllur að þeim miklu kjarabótum
sem náðist 10 árum síðar, Á þessum sama
tíma hafa ljósmæður sameinast í Ljósmæðra-
félaginu og kjarafélagafjöldi þess aukist um
tugi prósenta – yfir 95% starfandi ljósmæðra
eru nú kjarafélagar. Við höfum reynt það áður
að sameinaðar stöndum vér, sundraðar föllum
vér.
Guðleug Einarsdóttir
Formaður UMFÍ