Ljósmæðrablaðið - 01.07.2010, Side 43
43Ljósmæðrablaðið - júlí 2010
Fagráð ljósmæðra á Landspítala var stofnað
formlega 17. desember árið 2008. Það er
opið öllum ljósmæðrum á Landspítala og
er með aðsetur á kvenna- og barnasviði.
Á ársfundi fagráðsins er stýrinefnd valin,
en hlutverk hennar er m.a. að móta sýn og
stefnu ljósmóðurþjónustu jafnframt því að
efla rannsóknir og kennslu í ljósmóðurfræði.
Í stýrinefnd sem valin var á 1 árs afmæli
fagráðsins í desember 2009 eru:
• Dr. Ólöf Ásta Ólafsdóttir, forstöðumaður
fræðasviðs og fulltrúi námsbrautar í ljós-
móðurfræði
• Anna Sigríður Vernharðsdóttir, fulltrúi
fagráðs á sviði fæðingarhjálpar, ljósmóðir
MS í sérfræðinámi
• Bára Hildur Jóhannsdóttir, fulltrúi fagráðs
á sviði sængurlegu, aðstoðaryfirljósmóðir
• Gróa Margrét Jónsdóttir, fulltrúi fagráðs á
sviði gæðamála, gæðastjóri
• Hanna Kristín Guðjónsdóttir, fulltrúi
fagráðs sviði heilbrigði kvenna, þróun-
arstofu framkvæmdastjóra hjúkrunar,
meistaranemi
• Rannveig Rúnarsdóttir, fulltrúi yfir-
ljósmæðra á kvenna- og barnasviði,
meistaranemi
• Valgerður Lísa Sigurðardóttir, fulltrúi
fagráðs á sviði meðgönguverndar, ljós-
móðir MS í sérfræðinámi
Starfsemi fagráðsins felst m.a. að skipuleggja
málstofur, ráðstefnur eða málþing í samstarfi
við aðrar mennta- og heilbrigðisstofnanir og
fagfélög. Í samræmi við þetta voru vetur-
inn 2009-2010 í samstarfi við Ljósmæðra-
félag Íslands og námsbraut í ljósmóðurfræði
haldin 8 málþing víða á landinu, undir
heitinu Meðganga og fæðing„ eðlilegasti
hlutur í heimi“. Tilgangurinn var efla ljós-
mæðraandann, hafa samráð og umræðu um
fagleg málefni og stefnu ljósmóðurfræða,
náms og starfs. Það sem efst er á baugi á
miklum breytingartímum í heilbrigðisþjón-
ustunni. Lokaráðstefna var síðan haldin 5.
maí á alþjóðadegi ljósmæðra þar sem áhersla
var lögð á samskipti í víðum skilningi þess
hugtaks. Í hópumræðum og samantekt frá
málþingunum komu fram hugmyndir sem
vonandi munu nýtast vel í stefnumótun ljós-
mæðra um barneignarþjónustu á Íslandi m.a.
til að efla samfellda og heildræna ljósmóð-
urþjónustu í þágu barnhafandi kvenna og
fjölskyldna þeirra, „hvar sem er hér á landi“.
Þótti ráðstefnan takast afar vel og rætt um
að 5. maí ráðstefna ætti að vera árlegur
viðburður í ljósmæðrasamfélaginu.
Sjá nánari lýsingu á aðild og starfssemi ráðs-
ins hér að neðan.
Ólöf Ásta Ólafsdóttir
Fagráð ljósmæðra:
- Er opið öllum ljósmæðrum sem starfa á
Landspítala og er vettvangur til að þróa
og efla ljósmæðraþjónustu, kennslu og
rannsóknir á Landspítala í samstarfi við
námsbraut í ljósmóðurfræði, hjúkrunar-
fræðideild Háskóla Íslands.
- Er með aðsetur á kvenna- og barnasviði
en starfsemi þess tekur til viðfangsefna
á sviði ljósmóðurfræða á Landspítala í
samstarfi við aðrar mennta- og heilbrigðis-
stofnanir.
Stýrinefnd:
- Á ársfundi fagráðs ljósmæðra á Landspít-
ala er stýrinefnd valin sem starfar eftir
skipulagskrá sem ársfundur samþykkir.
Hún skiptir með sér verkum og leggur
fram starfsáætlun fyrir næsta ár.
- Í 7 manna stýrinefnd fagráðsins sitja
forstöðumaður fræðasviðs í ljósmóð-
urfræði á kvenna- og barnasviði sem
er formaður (1), fulltrúi yfirljósmæðra
á kvenna- og barnasviði (1) fulltrúar
ljósmæðra á sviði meðgönguverndar
(1) fæðingarhjálpar (1) og umönnunar
í sængurlegu (1) heilbrigði kvenna (1)
og gæðamála (1). Þessir fulltrúar skulu
jafnan vera með meistaragráðu, í fram-
haldsnámi eða hafa umsjón með sérverk-
efnum.
Hlutverk stýrinefndar er vera
leiðandi í að –
- Móta sýn og stefnu ljósmæðra í þróun
ljósmæðraþjónustu.
- Greina, ákveða áherslur og forgangsraða
verkefnum í samráði við yfirljósmæður/
deildarstjóra og hlutaðeigandi aðila innan
og utan Landspítala.
- Fjalla um fagleg málefni ljósmæðra, að
eigin frumkvæði eða samkvæmt erindum
sem henni er send.
- Efla rannsóknir og kennslu í ljósmóð-
urfræði.
- Stuðla að starfsþróun ljósmæðra.
- Styðja við sérfræðinám í ljósmóðurfræði.
- Efla þverfræðilegt samstarf innan heil-
brigðisvísinda s.s. hjúkrunar og lækninga
á kvenna- og barnasviði, kynheilbrigði,
fæðingar-og kvensjúkdómafræði, barna-
hjúkrunar, barnalækninga og heilsugæsl-
unnar.
Starfsemi fagráðs ljósmæðra/
stýrinefndar felst í –
- Reglulegum samráðsfundum með
yfirljósmæðrum/deildarstjórum og
forstöðumönnun fræðasviða og greina í
ljósmóðurfræði á LSH og H.Í.
- Stofnun samstarfshópa um ýmis verk-
efni er lúta að rannsóknum, kennslu,
símenntun, gæða- og þróunarmálum.
- Málstofum, ráðstefnum og málþingum í
samstarfi við aðrar mennta- og heilbrigð-
isstofnanir og fagfélög s.s. námsbraut í
ljósmóðurfræði við H.Í. og Ljósmæðra-
félag Íslands.
Fagráð ljósmæðra á Landspítala
– fréttatilkynning
Fagráð ljósmæðra á Landspítala
Aðild og skipulag