Ljósmæðrablaðið - 01.07.2010, Side 41

41Ljósmæðrablaðið - júlí 2010
Haustið 2009 stóð meirihluti nýútskrif-
aðra ljósmæðra frammi fyrir því að vera án
atvinnu. Við tókum okkur saman og fórum
að setja niður hugmyndir sem okkur langaði
að vinna að. Ljóst var að við fengjum ekki
vinnu sem ljósmæður innan stofnanna þannig
að eini möguleikinn var að starfa sjálfstætt.
Við höfðum flestar mikinn áhuga á að starfa
við heimaþjónustu og sumar voru mjög
spenntar fyrir heimafæðingum. Ekki leið á
löngu þar til haft var samband við okkur frá
LSH en þar hafði umræða verið í gangi um
heimaþjónustuna og þörf fyrir bætt skipulag
og utanumhald um þá þjónustu. Raddir höfðu
heyrst um þann möguleika að LSH tæki yfir
heimaþjónustuna og óttuðumst við það mjög
og sáum fyrir okkur að möguleikum ljós-
mæðra til að starfa sjálfstætt gæti fækkað
verulega ef svo færi. Eftir miklar vangaveltur
ákváðum við því að vinna af krafti með
þessa hugmynd og sáum fyrir okkur að heil-
mikið væri hægt að bæta skipulag á þjónust-
unnar til þess að tryggja að hún væri alltaf
aðgengileg og eins að auðvelda ljósmæðrum
að starfa við heimaþjónustu. Okkur var
ljóst að ekki yrðu allir jákvæðir í garð þess-
arar hugmyndar en töldum að þegar uppi
væri staðið yrði þetta einungis til hagsbóta
fyrir ljósmæður. Hugmyndin var því kynnt
ljósmæðrum og viðbrögðin voru yfirleitt
jákvæð. Við tókum þetta mjög alvarlega t.d.
fóru þrjár á námskeið um stofnun og rekstur
smáfyrirtækja og gríðarleg vinna var lögð í
gerð viðskiptaáætlunar. Þrátt fyrir jákvæð
viðbrögð á flestum vígstöðvum virðist þetta
ekki ætla að ganga þrautalaust fyrir sig. Eftir
fjölda funda á LSH og með forsvarsmönnum
SÍ virðist hugmyndin ætla að stranda á
því að enginn er tilbúinn til að greiða fyrir
umsýsluna. Það er okkur svo mikið reið-
arslag nú í vor þegar sú umræða kemur upp
að hugsanlega séu yfirvofandi breytingar á
heimaþjónustunni og hugmyndir uppi um
að hún verði e.t.v. sett undir heilsugæsluna.
Við erum þó ekki hættar og ætlum að halda
þessari hugmynd áfram á lofti því bæði er
hún ódýr í rekstri og eins tryggir hún það
að heimaþjónusta ljósmæðra verði áfram
í höndum okkar ljósmæðra þar sem hún á
heima, þjónustan verði tryggð öllum sem á
henni þurfa að halda, alla daga, allan ársins
hring.
Þó svo að mikil vinna hafi farið í þróun
umsýslu heimaþjónustunnar undanfarna
mánuði, fórum við af stað með aðra hugmynd
í upphafi sem við höfum verið að vinna að
samhliða því verkefni í vetur. Hugmyndin
er að bjóða upp á uppá samfellda þjónustu
í barneignaferlinu með áherslu á heimafæð-
ingar. Það er okkar tilfinning að heimafæð-
ingar séu ekki vel kynntar sem valkostur
fyrir heilbrigðar konur í eðlilegri meðgöngu.
Við höfum því unnið að gerð heimasíðu sem
m.a hefur það að markmiði að veita verð-
andi foreldrum upplýsingar um heimafæð-
ingar. Heimasíðan bjorkin.is var svo opnuð
í apríl sl. og hefur fengið ágætis viðtökur og
höfum við tekið við nokkrum fyrirspurnum
um heimafæðingar í gegnum síðuna sem er
í stöðugri þróun. Ljósmæður í mæðravernd
geta því bent skjólstæðingum sínum á
síðuna þegar þær ræða um val á fæðing-
arstað. Undirritaðar ásamt Kristbjörgu
Magnúsdóttur heimafæðingaljósmóður fóru
á fund heilsugæsluljósmæðra hjá miðstöð
mæðraverndar á dögunum. Þar voru ljós-
mæður hvattar til að kynna heimafæðingar
sem raunhæfan valkost þegar farið er yfir
val á fæðingarstað með verðandi foreldrum
í fyrstu heimsókn í mæðravernd. Fórum
við þess á leit að foreldrar fengju með sér
nafnspjald heim þar sem heimasíða Bjark-
arinnar er kynnt en þar verður listi yfir allar
heimafæðingarljósmæður sem það kjósa
ásamt hagnýtum upplýsingum um heimafæð-
ingar. Vel var tekið í þessa bón og á næstu
dögum munu ljósmæður í heilsugæslu fá
afhent þessi nafnspjöld.
Rannsóknir benda til þess að heilbrigðum
konum í eðlilegu ferli farnist betur í ljósmóð-
urstýrðum einingum heldur en hefðbundnum
fæðingardeildum þar sem áhættufæðingar
eru. Því teljum við mikilvægt að reyna
Neyðin kennir naktri konu að spinna
Arney Þórarinsdóttir,
Ljósmóðir
Hrafnhildur Halldórsdóttir,
Ljósmóðir
H U G L E I Ð I N G A R L J Ó S M Ó Ð U R