Ljósmæðrablaðið - 01.07.2010, Blaðsíða 42

42 Ljósmæðrablaðið - júlí 2010
að halda eðlilegum fæðingum sem mest
aðskildum frá áhættufæðingum. Vegna þess
niðurskurðar sem nú á sér stað á LSH auk
skertrar fæðingarþjónustu á kragasjúkra-
húsunum er mikilvægara en nokkru sinni
fyrr að standa vörð um eðlilegar fæðingar.
Það teljum við að sé best gert með sjálfstætt
starfandi einingu sem býður upp á samfellda
þjónustu ljósmóður í barneignaferlinu og
rekin er utan stofnanna. Rannsóknir sýna
að samfelld þjónusta ljósmóður í barn-
eignaferlinu styttir legutíma á spítala,
fækkar inngripum og bætir útkomu fæðinga
auk þess sem ánægja kvenna er meiri.
Hugmyndin er því að þróa þjónustuform sem
kemur til móts við hraustar konur í eðlilegri
meðgöngu og gerir ljósmæðrum kleift að
starfa eftir humyndafræði ljósmæðra sem
lítur á barnaeignarferlið sem eðlilegt lífeðl-
islegt ferli en ekki sjúkdóm. Við teljum slíkri
einingu best borgið utan hátæknisjúkrahúss
en í góðri samvinnu við aðrar sjúkrastofnanir
og heilsugæslu.
Framtíðarsýn okkar er miðstöð sem rekin
er af ljósmæðrum. Þar mun samfelld þjón-
usta ljósmóður í barneignaferlinu vera höfð
að leiðarljósi. Ljósmóðir veitir mæðravernd,
fylgir konunni þar sem hún kýs að fæða hvort
sem er á heimili sínu eða sjúkrahúsi og sinnir
fjölskyldunni í sængurlegu. Í ljósmæðramið-
stöðinni yrði fæðingaraðstaða, þar yrði
boðið uppá námskeið, ýmsar óhefðbundnar
meðferðir o.fl. Vísir að þessari miðstöð er
að fæðast. Við erum að þróa námskeið sem
byrja næsta haust. Við erum búnar að taka á
móti fyrsta heimafæðingarbarninu okkar og
fleiri eru væntanleg í haust.
Nú þegar umræða um niðurskurð er alls-
ráðandi er tækifæri fyrir okkur ljósmæður
að koma á framfæri hugmyndum okkar um
hagkvæma, örugga og sjálfstæða þjónustu
ljósmæðra í barneignaferlinu. Það er svo
mikilvægt fyrir okkur ljósmæður að standa
vörð um skjólstæðinga okkar og þá þjónustu
sem við viljum veita. Jafnframt þurfum við
að standa vörð um sjálfstæði okkar og tryggja
það að ljósmæður hafi áfram þann kost að
starfa sjálfstætt utan stofnanna. Við Bjarkar-
ljósmæður ætlum að líta á þessar aðstæður
sem sóknarfæri og höldum ótrauðar áfram
að þróa okkar hugmyndir með framtíðarsýn-
ina að leiðarljósi. Það er því aldrei að vita
að nema langþráður draumur ljósmæðra um
fæðingarheimili verði að veruleika í nánustu
framtíð.
Fyrir hönd Bjarkarljósmæðra
Hrafnhildur Halldórsdóttir og Arney
Þórarinsdóttir
ÞÚ FÆRÐ DECUBAL
Í NÆSTA APÓTEKI
• Húðin okkar er viðkvæm og veðráttan á Íslandi getur verið húðinni erfið.
• Decubal viðheldur heilbrigði og ferskleika húðarinnar – allt árið um kring.
• Kynntu þér eiginleika Decubal og kveddu þurra húð.
HUGSAÐU VEL UM HÚÐINA
07-2195_Sumarstelpa_Halfsida.ai 5/19/08 1:12:34 PM