Fréttablaðið - 31.01.2019, Blaðsíða 20

Frá degi til dags
ÚTGÁFUFÉLAG: Torg ehf. STJÓRNARFORMAÐUR: Einar Þór Sverrisson FORSTJÓRI: Ingibjörg Stefanía Pálmadóttir ÚTGEFANDI: Kristín Þorsteinsdóttir kristin@frettabladid.is
RITSTJÓRAR: Kjartan Hreinn Njálssson kjartanh@frettabladid.is, Ólöf Skaftadóttir olof@frettabladid.is, MARKAÐURINN: Hörður Ægisson hordur@frettabladid.is FRÉTTABLAÐIÐ.IS: Sunna Karen Sigurþórsdóttir sunnak@frettabladid.is.
Fréttablaðið kemur út í 85.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum
án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Kristjana Björg Guðbrandsdóttir kristjanabjorg@frettabladid.is
MENNING: Kolbrún Bergþórsdóttir kolbrunb@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Halldór
Kolbrún
Bergþórsdóttir
kolbrunb@frettabladid.is

Ekki verður
annað séð en
að vel hafi
tekist til
þetta árið við
veitingu
Íslensku
bókmennta-
verðlaun-
anna.

Garðbæingar
geta verið
stoltir þar
sem sveitar-
félagið lendir
í 1. sæti í sex
af þrettán
viðhorfs-
spurningum.
Á dögunum voru niðurstöður í árlegri þjón-ustukönnun Gallup kynntar þar sem viðhorf íbúa til þjónustu í 19 stærstu sveitarfélög-
unum eru mæld. Garðbæingar geta verið stoltir þar
sem sveitarfélagið lendir í 1. sæti í sex af þrettán
viðhorfsspurningum. Garðabær lendir í fyrsta
sæti þegar spurt er um ánægju íbúa með þjónustu
leikskóla, grunnskóla, þjónustu við barnafjöl-
skyldur, almennt um skipulagsmál og þjónustuna
á heildina litið. Einnig lendir Garðabær í fyrsta sæti
þar sem spurt er um hversu vel eða illa starfsfólk
bæjarins hefur leyst úr erindum íbúa. Garðabær er
í flestum spurningum í efstu sætum og meðaltal úr
öllum spurningum er hærra í öllum tilvikum nema
í einni spurningu í samanburði við önnur sveitar-
félög. Þessar góðu niðurstöður eru fyrst og fremst
framúrskarandi starfsfólki að þakka.
Garðabær hefur nýtt þessa árlegu könnun
Gallup sem tæki til að bæta þjónustu bæjarins.
Á þar síðasta ári voru settir á fót rýnihópar til að
greina hvað mætti bæta í þjónustu við fatlað fólk,
barnafjölskyldur, eldri borgara og við úrlausn
erinda. Eftir þá vinnu var m.a. bætt við starfsmanni
á fjölskyldusviði og uppbygging á búsetukjarna
fyrir fatlað fólk hefur verið í fullum gangi. Niður-
stöður nýrrar könnunar sýna að enn meira þarf að
leggja t.d. í málaflokk fatlaðs fólks. Við viljum gera
enn betur og munum setja aukna vinnu í þann
málaflokk.
Við erum stolt af háu þjónustustigi á sama tíma
og álögum er haldið í lágmarki. Garðabær var það
sveitarfélag sem skoraði hæst í rekstrarsamanburði
í skýrslu Samtaka atvinnulífsins þar sem fjármál
12 stærstu sveitarfélaga landsins voru skoðuð. Þar
kom fram að ánægja íbúa með leik- og grunnskóla
er mest þar sem reksturinn er traustur og skilvirkni
mikil.
Garðbæingar eru almennt kröfuharðir um góða
þjónustu og reglulega berast góðar ábendingar um
bætta þjónustu bæjarins. Alltaf er hægt að bæta
þjónustuna og við viljum gera Garðabæ enn betri!
Góð þjónusta í Garðabæ
Gunnar
Einarsson
bæjarstjóri
Garðabæjar
Ljómandi snjallt!
Síðastliðið þriðjudagskvöld þegar rithöf-undurinn Hallgrímur Helgason tók við Íslensku bókmenntaverðlaunum á Bessastöðum fyrir skáldsögu sína 60 kíló af sólskini sagði hann: „Bókmenntir eru ekki íþróttagrein, en bók-
menntaverðlaun eru hins vegar sport, alveg ágætis
sport.“
Þarna komst rithöfundurinn hugmyndaríki vel
að orði, eins og svo oft áður. Bókmenntaverðlaun
eru vissulega ekki algildur mælikvarði á gæði verka.
Nóbelsverðlaunin eru þar nærtækt dæmi. Lev Tolstoj
hlaut ekki Nóbelsverðlaun í bókmenntum. Þau voru
fyrst veitt árið 1901 en Tolstoj, eitt stærsta nafnið í
bókmenntasögu heims, lifði til ársins 1910. Henrik
Ibsen hlaut heldur ekki verðlaunin og hvorki Virginia
Woolf né James Joyce, svo örfá nöfn séu nefnd. Nokkrir
höfundar, sem umheimurinn hefur steingleymt, hlutu
þau hins vegar. Fæstir kunna til dæmis skil á fyrsta
verðlaunahafanum í bókmenntum, Sully Prudhomme.
Alltaf öðru hvoru skella fjölmiðlar sér í samkvæmisleik-
ina: Hver átti skilið að fá Nóbelsverðlaun í bókmennt-
um en fékk þau ekki? og Hvaða Nóbelsverðlaunahafar í
bókmenntum hefðu ekki átt að hreppa verðlaunin?
Bókmenntaverðlaun verða alltaf umdeild og þar
eru Íslensku bókmenntaverðlaunin ekki undanskilin.
Þar hafa stundum verið teknar einkennilegar ákvarð-
anir, bæði þegar kemur að tilnefningum og verð-
launaveitingu. Við öðru er ekki að búast. Verðlaun og
tilnefningar eru að stórum hluta lotterí en hitta samt
merkilega oft í rétt mark.
Ekki verður annað séð en að vel hafi tekist til þetta
árið við veitingu Íslensku bókmenntaverðlaunanna.
Það hefði til dæmis verið stórundarlegt ef stórvirkið
Flóra Íslands hefði ekki hreppt verðlaunin. Útgáfa
slíks verks er mikilvæg á tímum eins og þessum þegar
maðurinn er að upplifa skelfilegar afleiðingar skeyt-
ingarleysisins sem hann hefur sýnt umhverfinu. Það er
á hans ábyrgð að dýrategundum og plöntum fækkar.
Honum er hollt að horfast í augu við þá staðreynd sem
Hörður Kristinsson, einn höfunda Flóru Íslands, orðaði
svo vel á verðlaunaafhendingunni: „Við mættum hafa
í huga að plöntur komast vel af án okkar en við gætum
aldrei lifað án þeirra.“
Bókmenntaverðlaun vekja athygli á bókmenntum í
heimi þar sem bókin á í harðri samkeppni við aðra miðla
og stundum er eins og hún eigi þar litla möguleika. Um
leið hefur hlutverk barna- og unglingabókahöfunda
aldrei verið mikilvægara. Þegar kemur að Íslensku bók-
menntaverðlaununum þá er þeim bókum gert jafn hátt
undir höfði og fagurbókmenntum og fræðibókum og
ritum almenns efnis fyrir fullorðna. Þannig á það einmitt
að vera. Verulega gleðilegt var að sjá Sigrúnu Eldjárn
hljóta verðlaunin fyrir sína bestu bók til þessa, Silfur-
lykilinn. Í viðtali fyrir nokkrum árum sagði Sigrún að
barnabókahöfundar byggju til lesendur sem síðar meir
myndu lesa bækur fyrir fullorðna. Sjálf hefur hún sinnt
því mikilvæga hlutverki að skapa ótal marga lesendur.
Þjóðinni er óskað til hamingju með rithöfunda sína
og góðar bækur þeirra. 
Ágætis sport
Virkjun umræðunnar
Orkuveita Reykjavíkur hefur
látið þau boð út ganga að bruðl
með hitaveituvatn í frosthörk-
unum gæti orðið til þess að
skrúfað verði fyrir heitt vatn til
sundlauga. Borgin gæti þó þegar
hafa leyst þetta vandamál með
fyrirhuguðum pálmatrjám sem
hafa ært óstöðuga og ofvirka í
athugasemdum, eða eins og Bragi
Valdimar Skúlason bendir á á
Facebook þá hefur ekki „komið
nógu skýrt fram að pálma-
hólkarnir verða knúnir hita úr
kommentakerfum“. Og þar sem
öldungaráð alvitringa heldur til
í heitum pottum sundlauganna
ætti að vera hægur vandi að
kynda þær með tilfinningahit-
anum sem þar kraumar.
Límplástur á svöðusár
Enginn er annars flokksbróðir
í pólitískum leik og Miðflokks-
þingmaðurinn Birgir Þórarinsson
skoraði þriggja stiga körfu á
kostnað laskaðra manna í eigin
liði þegar hann lagði til prentun
límmiða gegn kynferðislegu
ofbeldi: „Ekki á okkar þingi.“
Límmiðar eru þó tvíbent vopn
og skemmst að minnast þess að
Secret Solstice fékk bágt fyrir
miða sem átti að líma yfir glös til
að forðast byrlun nauðgunarlyfja.
Kannski ráð að byrja í eigin ranni
og hafa tilbúna glasalímmiða fyrir
þorrablót Miðflokksins. Á þeim
gæti til dæmis staðið: „Aðgát skal
höfð í nærveru sálar“ eða „Ekki
láta vín breyta þér í svín“.
thorarinn@frettabladid.is
3 1 . J A N Ú A R 2 0 1 9 F I M M T U D A G U R20 S K O Ð U N ∙ F R É T T A B L A Ð I Ð
SKOÐUN
3
1
-0
1
-2
0
1
9

0
4
:3
5
F
B
0
8
8
s
_
P
0
6
9
K
.p
1
.p
d
f
F
B
0
8
8
s
_
P
0
6
0
K
.p
1
.p
d
f
F
B
0
8
8
s
_
P
0
2
0
K
.p
1
.p
d
f
F
B
0
8
8
s
_
P
0
2
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
2
3
1
-7
F
7
C
2
2
3
1
-7
E
4
0
2
2
3
1
-7
D
0
4
2
2
3
1
-7
B
C
8
2
7
5
X
4
0
0
.0
0
1
4
B

F
B
0
8
8
s
_
3
0
_
1
_
2
0
1
9
C
M
Y
K