Litli Bergþór - 01.07.2016, Síða 46

46 Litli-Bergþór
hvað mikið hafi breyst síðan 1972 þegar hún kom fyrst
að rekstri á svæðinu. „Ferðamönnum byrjaði að fjölga
upp úr 1980“ segir hún „og 1986 hófum við rekstur á
hótelinu. Síðan höfum við stækkað þetta í skrefum og
erum hvergi nærri hætt; erum t.d. nú að reisa nýtt hótel
á svæðinu“.
Póst og fjarskiptastofnun heimilaði í febrúar
Íslandspósti ohf. að fækka dreifingardögum í
dreifbýli úr 5 í viku, í 2 aðra vikuna og 3 hina vikuna.
Þetta hefur vakið mikla óánægju hjá dreifbýlisbúum
og var Byggðaráð Bláskógabyggðar meðal þeirra
sem lýstu yfir óánægju sinni með þessa skerðingu á
þjónustu.
Í janúar var ákveðið í byggðaráði að veita 15-17 ára
unglingum undanþágu til reynslu fram á vor til
að nýta líkamsræktarsalinn í Íþróttamiðstöðinni
í Reykholti gegn fullorðinsgjaldi, að því tilskyldu
að foreldri eða forráðamaður sé með viðkomandi í
tækjasalnum til eftirlits og öryggis.
Sveitarstjórn ákvað í
janúar að sameina Blá-
skógaveitu og Þjónustu-
og framkvæmdasvið
Bláskógabyggðar, undir
heitinu, Framkvæmda-
og veitusvið Bláskóga-
byggðar.
Auglýstar voru tvær
100% stöður hjá hinu nýja
sviði, þ.e. sviðsstjóri og
starfsmaður Framkvæmda-
og veitusviðs. Alls bárust
12 umsóknir um starf
sviðsstjóra Framkvæmda-
og veitusviðs Bláskógabyggðar og var Bjarni D.
Daníelsson, viðskiptafræðingur og skólabílstjóri,
búsettur í Miðdal, ráðinn í starf sviðsstjóra í apríl.
Sveitarstjórn kynnti í febrúar frumtillögur að
uppbyggingu hótels á lóð sláturhússins í Laugarási
á vegum Norverks ehf. Rífa á núverandi gisti- og
veitingahús en í staðinn á að byggja nýtt 90-150
herbergja hótel sem getur verið allt að 6.000 fm auk
nokkurra raðhúsa.
Sveitarstjórn samdi við Guðmund Daníelsson um
frumhönnun og kostnaðargreiningu á lagningu
ljósleiðarakerfis um Bláskógabyggð.
Foreldraráð leikskólans Álfaborgar lagði til við
sveitarstjórn að sumarfríslokun leikskólans yrði
stytt úr sex vikum í fjórar. Því var hafnað þar
sem ekki var gert ráð fyrir slíkum kostnaðarauka
í núverandi fjárhagsáætlun. Sveitarstjórn fól þó
skólastjórum leikskólanna í sveitinni að leggja mat
á kostnað slíkra breytinga og útfæra hugmyndir um
framkvæmd hennar.
Sigríður Magnea Kjartansdóttir og Gústaf Sæland, Íþróttafólk
ársins 2015 hjá Umf. Bisk.
Bjarni D. Daníelsson.
Sveitarstjórn veitir 180.000 kr. til lagfæringa á nýja
kirkjugarðinum í Skálholti og verður það skráð sem
menningartengt verkefni.
Umf. Bisk. valdi Sigríði Magneu Kjartansdóttur og
Gústaf Sæland íþróttamenn Biskupstungna ársins
2015 en bæði voru þau tilnefnd fyrir glímu.
Sigurvegari uppsveitadeildar Loga, Smára og
Trausta þ. 8. apríl varð að þessu sinni liðið frá
Hrosshaga/Sunnuhvoli með 217 stig og var Sólon
Morthens í Hrosshaga stigahæsti knapinn með 81,5
stig.
Viljayfirlýsing um áframhaldandi starfsemi Háskóla
Íslands á Laugarvatni var samþykkt af sveitarstjórn.
Um er að ræða mótvægisaðgerðir í kjölfar ákvörðunar
Háskóla Íslands um að flytja nám í íþrótta- og
heilsufræði til Reykjavíkur. Þetta er samstarfsverkefni
Háskóla Íslands, forsætisráðuneytis, mennta- og
menningarmálaráðuneytis, Háskólafélags Suðurlands
og Bláskógabyggðar.
Skráning á fornleifum í Skálholti fer fram í sumar.
Til þessa verkefnis hefur Fornleifastofnun fengið styrk
úr Fornleifasjóði og mun sveitarstjórn einnig veita
500.000 kr. til verksins. Heildarkostnaður er metinn
á 2,1 milljónir.
Svavar Njarðarson hefur óskað eftir að stækka
byggingarreit við Gullfosskaffi til suðurs.
Helstu niðurstöður ársreiknings Bláskógabyggðar
fyrir rekstrarárið 2015 voru: Tekjur umfram gjöld
voru rúml. 82 millj. króna, skuldir 628 millj. og
skuldahlutfall 58%. Sveitarstjórn samþykkti samhljóða
ársreikninginn og fagnaði góðri rekstrarniðurstöðu
síðasta árs.