Dagblaðið Vísir - DV - 01.02.2019, Page 33

1. febrúar 2019 FRÉTTIR 33
Æsingur vikunnar:
Á
föstudaginn í síðustu viku
greindi DV frá því að Gunn­
ar Bragi Sveinsson, þing­
maður Miðflokksins, hefði
logið til um minnisleysi sitt varð­
andi kvöldið örlagaríka á barnum
Klaustri í nóvember. Daginn eftir
ætlaði fréttastofa Bylgjunnar að
toppa það og sagði að Gunnar Bragi
hefði einnig sagt ósatt um bindindi
sitt eftir Klaustursmálið. Fréttin var
illa unnin og kom það á daginn að
allt sem þar var sagt var uppspuni
frá rótum. Upp hófst mikill æsingur
meðal stuðningsmanna Gunnars
Braga, sem var viðbúið í kjölfar fyrri
Klaustursæsings. Á mánudaginn
var Gunnar Bragi orðinn fórnar­
lamb vondra fjölmiðla og flestir,
ef ekki allir, voru búnir að gleyma
æsingnum sem átti sér stað í vik­
unni á undan.
Nýr æsingur blossaði upp á
þriðjudagskvöldið. Þá var greint frá
því í kvöldfréttum RÚV að til stæði
að planta tveimur pálmatrjám utan­
dyra í nýrri íbúðabyggð sem mun
rísa austan við Sæbrautina. Yrðu
þau inni í sérstökum hitastýrðum
glerbúrum. Um er að ræða listaverk
eftir þýsku listakonuna Karin Sand­
er. Hjálmar Sveinsson, borgarfull­
trúi og formaður dómnefndarinn­
ar sem valdi verkið, mætti stoltur
í fréttatímann og sagði að verkið
mundi verða kennileiti fyrir nýja
hverfið. Undir lok fréttarinnar kom
fram að kostnaðurinn við pálma­
trén tvö verði um 140 milljónir.
Hver veit nema stór hluti virkra
í athugasemdum, með takmarkaða
samúð með listum og meirihlut­
anum í Reykjavík, hafi kastað upp
kvöldverðinum. Aðrir fjölmiðlar
voru aðeins nokkrar mínútur að
grípa töluna 140 milljónir á lofti
og birta fréttir. Fyrir hádegi á mið­
vikudaginn var kapphlaup um
að hæðast að pálmatrjánum. Var
meirihlutinn sakaður um óráðsíðu,
bruðl og fíflagang. Meira að segja
Landgræðslan hæddist að borgar­
yfirvöldum og rifjaði upp stráin
frægu í Nauthólsvík. Garðyrkju­
maður sagði í viðtali við DV að það
væri verið að „kvelja“ plöntur.
Eftir hádegi fóru aðstandendur
pálmatrjánna að tjá sig um málið.
Fulltrúar Samfylkingarinnar,
sem gátu ekki þvegið hendur sín­
ar af málinu, sögðu að lóðarhafar
myndu greiða fyrir verkið með
innviðagjaldi. Rök sambærileg því
og að segja að Marel sé að borga
rekstrarkostnað menntaskóla í
gengum innheimtu skatta. Það
skapaðist nokkur úlfúð innan Sam­
fylkingarinnar vegna málsins, sak­
aði Kristín Soffía Jónsdóttir borgar­
fulltrúi grasrót flokksins um að
taka þátt í æsingnum. Logi Einars­
son, formaður flokksins, maldaði í
móinn. Ólöf Kristín Sigurðardóttir,
safnstjóri Listasafns Reykjavíkur,
sem stóð að samkeppninni um
verkið, sagði það ekki dýrt og
raunhæft verð fyrir útilistaverk.
Æsingurinn var að mestu leyti bú­
inn um kvöldið, en hélt áfram á síð­
um Morgunblaðsins og mun líkleg­
ast gera það áfram fram yfir helgi.
Nema til komi ný vending í málinu.
Annars sjáum við pálmatrén ekki
fyrr en í næsta áramótaskaupi.
Pálmatrén
Raðauglýsingar