Morgunblaðið - Sunnudagur - 02.09.2018, Qupperneq 4

4 MORGUNBLAÐIÐ SUNNUDAGUR 2.9. 2018
„Við erum í dauðafæri!“
Það yrði rosalega stórt skref aðkomast í lokakeppni HM oghefði mikla þýðingu; ekki bara
fyrir kvennaknattspyrnu heldur ís-
lenska knattspyrnu yfirhöfuð. Þetta
yrði þá fjórða árið í röð sem íslenskt
landslið skilaði sér inn á stórmót, EM
eða HM. Það er ekki lítið afrek og
engum blöðum um það að fletta að ís-
lensk knattspyrna er komin á kortið í
alþjóðlegu samhengi.“
Þetta segir Guðrún Inga Sívertsen,
varaformaður Knattspyrnusambands
Íslands (KSÍ), en íslenska kvenna-
landsliðið getur sem kunnugt er
tryggt sér farseðilinn á HM í Frakk-
landi næsta sumar með sigri á Þjóð-
verjum á Laugardalsvelli í dag, laug-
ardag.
Jafntefli þýddi að íslenska liðinu
myndi nægja sigur gegn Tékkum í
lokaleik riðilsins á þriðjudaginn kem-
ur til að komast á HM en tap fæli að
öllum líkindum í sér tvöfalt umspil
um laust sæti á HM.
„Það er flóknara mál að komast í
lokakeppni HM en EM og Evrópa
mætti að ósekju eiga þar fleiri sæti.
En þannig er það ekki og markmiðið
er að sjálfsögðu að klára dæmið gegn
Þjóðverjum. Við erum í dauðafæri!“
segir Guðrún Inga.
Spurð hvort hún sé sannfærð um
að markmiðinu verði náð svarar vara-
formaðurinn: „Að sjálfsögðu. Ég hef
óbilandi trú á liðinu. Stelpurnar okk-
ar munu gera allt sem í þeirra valdi
stendur til að vinna leikinn og þurfa á
allri okkar hvatningu að halda. Þjóðin
áttar sig á því og í fyrsta skipti er
uppselt á kvennalandsleik á Íslandi.
Takmarkið var að fylla Laugardals-
völlinn og ég hefði orðið verulega
svekkt hefði það ekki tekist. Þetta
hefði ég ekki þorað að segja fyrir
tveimur til þremur árum – hefði lík-
lega verið álitin galin – en þetta er
enn ein staðfestingin á því hversu
langt liðið hefur náð og hvernig þjóð-
in hugsar til stelpnanna okkar.“
Það er svo sem engin nýlunda að
kvennalandsliðið vinni frækna sigra;
liðið hefur tekið þátt í þremur sein-
ustu lokamótum EM og árið 2013 fór
liðið alla leið í átta liða úrslit. „Ís-
lenskri kvennaknattspyrnu hefur
verið lyft á hærri stall með því að taka
þátt í þessum mótum og árangurinn
2013 stendur auðvitað upp úr. Leik-
mennirnir eru fyrirmyndir, jafnt inn-
an sem utan vallar,“ segir hún.
Hafa nýtt tækifærin vel
Það er gömul saga og ný að stórmót
séu góður „sýningargluggi“ og hafa
margir íslenskir leikmenn í framhald-
inu fengið tækifæri til að spreyta sig í
atvinnumennsku erlendis. „Stelp-
urnar hafa nýtt tækifæri sín vel; eflst
og þroskast í útlöndum,“ segir Guð-
rún Inga en leggur þó áherslu á, að
ekki sé ástæða til að fara utan, bara
til að fara utan. „Þar á ég við að liðin
sem stelpurnar eru að fara í þurfa að
vera betri en liðin hér heima og það
er alls ekki sjálfgefið, þar sem ís-
lenska deildin er orðin mun sterkari
en hún var og liðin jafnari. Það sjáum
við til dæmis á öflugum erlendum
leikmönnum sem hingað koma og
leika hér jafnvel ár eftir ár. Það
myndu þær aldrei gera nema vegna
þess að deildin er sterk.“
Árangur eins og íslensku landsliðin
hafa verið að ná verður vitaskuld ekki
hristur fram úr erminni og Guðrún
Inga segir KSÍ reglulega fá fyrir-
spurnir: Hvernig farið þið eiginlega
að þessu? Þessi pínulitla þjóð. „Við
svörum þessu alltaf á þá leið að þetta
sé vinna og aftur vinna. Við erum með
menntaða þjálfara niður í yngstu
flokkana, bæði í stúlkna- og drengja-
flokki, auk þess sem aðstaðan hjá að-
ildarfélögum KSÍ er alltaf að verða
betri með tilkomu gervigrasvalla og
knattspyrnuhúsa. Auðvitað erum við
lítil þjóð og allt það en þegar á hólm-
inn er komið erum við alltaf ellefu á
móti ellefu inni á vellinum. Alveg
sama hver andstæðingurinn er.“
Spurð hvenær HM-draumurinn
hafi fyrst vaknað fyrir alvöru segir
Guðrún Inga að stórir draumar hafi
alltaf verið fyrir hendi frá því 22
stelpur hlupu fyrst út á völl á Íslandi.
„Við eigum að setja markið hátt. Það
er einfaldlega í eðli okkar Íslendinga.
Ætli það hafi samt ekki verið eftir að
liðið komst fyrst á EM árið 2009 að
maður fór fyrir alvöru að gæla við að
þessi draumur gæti orðið að veru-
leika.“
Að sögn Guðrúnar Ingu yrði það
sérstakt afrek að fara upp úr þessum
riðli en hann þótti fyrirfram mjög erf-
iður. Nægir þar að nefna Þjóðverja,
eina alsterkustu knattspyrnuþjóð
heims. „Eftir sigurinn í Þýskalandi
vissum við að þetta yrði í okkar hönd-
um og að úrslitastundin myndi renna
upp hér heima í byrjun september.
Nú er komið að henni. Allur undir-
búningur hefur verið góður; nú veltur
þetta á frammistöðunni á vellinum.
Áfram Ísland!“
Elín Metta Jensen, nr. 15,
gerði eitt mark og
Dagný Brynjarsdóttir,
nr. 10, tvö í 3:2-sigrinum
á Þýskalandi í fyrra.
Ljósmynd/A2 Peter Hartenfelser
Íslenska kvennalandsliðið í knattspyrnu er í dauðafæri að tryggja sér sæti í lokakeppni HM í fyrsta sinn en liðið tekur á móti
Þjóðverjum í dag og Tékkum á þriðjudag í undankeppninni. Guðrún Inga Sívertsen, varaformaður KS Í, hefur fulla trú á liðinu.
Mikið hefur
mætt á Frey
Alexanders-
syni, lands-
liðsþjálfara
kvenna, að
undanförnu
en í sumar
tók hann
einnig við
starfi aðstoðarþjálfara karla-
landsliðsins, auk þess sem
hann eignaðist barn á dög-
unum.
Guðrún Inga hefur engar
áhyggjur af honum. „Freyr er
gífurlega duglegur og metn-
aðarfullur og þetta var gert
með samþykki allra. Það
græða allir á þessari tengingu
milli kvenna- og karlaliðsins
enda erum við ein stór fót-
boltafjölskylda. Það hefur lengi
verið góð samvinna milli lið-
anna og tveir síðustu landsliðs-
þjálfarar karla, Lars Lagerbäck
og Heimir Hallgrímsson, lágu
ekki á sínu liði þegar kvenna-
liðið fór á EM í Svíþjóð og Hol-
landi. Stelpurnar njóta góðs af
vinnu Freys með strákunum –
og öfugt.“
Hún segir þetta sýna róman-
tíkina í íslenskri knattspyrnu
en samvinna sem þessi sé alls
ekki algeng úti í hinum stóra
heimi.
Ein stór
fjölskylda
Freyr
Alexandersson
Guðrún Inga segir íslensku
knattspyrnulandsliðin ekki
bara sækja innblástur og
styrk hvort til annars, heldur
ekki síður til afreksfólks í
öðrum íþróttagreinum, eins
og handknattleik, körfu-
knattleik, frjálsum, golfi og
sundi, svo dæmi sé tekið.
„Fátt sameinar þjóðina
betur en góður árangur í
íþróttum. Handboltinn hefur
yljað þjóðinni lengi og hver
er ekki stoltur af sundfólkinu
okkar sem náð hefur frábær-
um árangri gegnum tíðina?
Og nú erum við komin með
kylfinga á heimsmælikvarða,
bæði konur og karla,“ segir
varaformaður KSÍ.
Guðrún Inga Sívertsen, varaformaður
KSÍ, er bjartsýn á sigur um helgina.
Morgunblaðið/Valli
Afrekin hvatning
’
Ég er alltaf bjartsýn; stelpurnar munu
leggja sig 110% fram. Draumurinn er að
vera á HM í Frakklandi næsta sumar.
Guðrún Inga Sívertsen, varaformaður KSÍ.
INNLENT
ORRI PÁLL ORMARSSON
orri@mbl.is