Morgunblaðið - 17.11.2018, Blaðsíða 41

DÆGRADVÖL 41
MORGUNBLAÐIÐ LAUGARDAGUR 17. NÓVEMBER 2018
Stjörnuspá
21. mars - 19. apríl 
Hrútur Í dag er hætt við togstreitu við
fólk með völd. Eðlileg sanngirni er sjálf-
sögð en svo þurfa menn að passa sitt.
Gættu orða þinna.
20. apríl - 20. maí 
Naut Þú hefur hugsjónir og vilt vinna að
umbótum í heiminum. Þú býrð bæði yfir
frumleika og hugmyndaauðgi og kannt að
meta frelsi.
21. maí - 20. júní 
Tvíburar Það er einhver fiðringur í þér.
Leitaðu eftir hverju tækifæri til að gjalda
góðmennsku sem þér hefur verið sýnd
nýlega.
21. júní - 22. júlí 
Krabbi Þótt hart sé gengið eftir svari frá
þér, skaltu taka það rólega og velta hlut-
unum vandlega fyrir sér. Það getur tekið
tímann sinn að vinna aðra á sitt band.
23. júlí - 22. ágúst 
Ljón Samskipti þín við vini þína gætu
gengið eitthvað stirðlega í dag. Reyndu
að leysa vandamálið með því að prófa
nýja aðferð.
23. ágúst - 22. sept. 
Meyja Þú þarft að standa á rétti þínum
en gæta þess um leið að gera ekki meira
úr hlutunum en nauðsyn krefur.
23. sept. - 22. okt. 
Vog Gættu þess að ganga ekki svo harka-
lega fram að þú eigir á hættu að fá allt
saman í hausinn aftur. Eldmóðurinn gæti
breyst í óánægju.
23. okt. - 21. nóv.
Sporðdreki Láttu þér ekki bregða þótt
gömul mál dúkki upp og þú þurfir að
eyða tíma í að koma þeim á hreint. Þótt
bjartsýni sé góð máttu ekki láta hana
leiða þig í gönur.
22. nóv. - 21. des.

Bogmaður Gefðu þér tíma til þess að
velta fyrir þér samböndum þínum og vina
þinna. Vandamálin munu gufa upp og
sambönd þín við yfirmenn þína og sam-
starfsfólk batna.
22. des. - 19. janúar 
Steingeit Láttu ekki smáatriðin taka þig
heljartökum þannig að þú náir ekki að
klára nokkurn skapaðan hlut. Vertu bjart-
sýnn en hafðu varann á þér.
20. jan. - 18. febr. 
Vatnsberi Ef þú gætir þess að hafa allt á
hreinu, þá máttu vænta þess að þér verði
umbunað fyrir vel unnin verk. Leyfðu lífs-
gleði þinni að njóta sín.
19. feb. - 20. mars

Fiskar Þú vekur athygli annarra hvað
sem þú tekur þér fyrir hendur í dag.
Skoðaðu vandlega þau tilboð sem þér
hafa borist.
Gátan er sem endranær eftirGuðmund Arnfinnsson:
Þjóðskáldið bjó þarna lengi.
Þetta er ótiltekið mengi.
Öskufok, sem eyddi löndum.
Ótalmörg á sjávarströndum.
Guðrún Bjarnadóttir leysir gát-
una þannig:
Guðmundur skáld átti son á Sandi.
Sandar í heimi myndast og eyðast.
Öskufokssandur eyðir landi.
Á ótal sandkorn strandlök breiðast.
Sjálfur skýrir Guðmundur gát-
una þannig:
Bragsnillingur bjó á Sandi.
Birtist þarna sandur manna.
Áður sandfok eyddi landi.
Er þar grúi sandkornanna.
Þá er limra:
Einn andríkur óðinshani
var alltaf á harða spani,
hann skrifaði ljóð,
oft skínandi góð,
í sandinn um villta svani.
Síðan er ný gáta eftir Guðmund:
Vont er þetta veðurfar,
vindasamt og eilíft rok,
gjarnan þá við gáturnar
glíma má í vikulok:
Fræknastur í flokknum er.
Fer sér jafnan hægt á reitum.
Á sér konu kæra ver.
Kallast bústólpi í sveitum.
Í Vísnahorni 10. október misrit-
aðist gáta Guðmundar með því að
smáorðið „með“ skaust inn í aðra
hendinguna svo að hún varð mein-
ingarleysa. Þar stóð „hún er með
skeifu framan á“ í staðinn fyrir „
hún er skeifu framan á“. Viku síðar
eða 17. október var gátan rétt,
þannig:
Hún er stór og hún er smá.
Hún er skeifu framan á.
Stafar henni fnykur frá.
Fram sig teygir út í sjá.
Í orðskýringum um tá stendur
m.a.: „fremsti hluti skeifu, skeifu-
bugða“. Guðmundur og lesendur
Vísnahorns eru beðnir afsökunar á
þessum mistökum.
Kötturinn Jósefína Meulengracht
Dietrich yrkir gagaraljóð:
Gjafarans er gæskan slík
að gaf mér bæði tönn og kló,
og augu sem að engum lík
eru full af birtu og ró.
Halldór Blöndal
halldorblondal@simnet.is
Vísnahorn
Skrifað í sandinn
Í klípu
„ÞAÐ ER GOTT AÐ HAFA
EINKAÞJÁLFARA.“
eftir Mike Baldwin eftir Jim Unger
„ERTU ´OPINN´?“
Hermann
Ferdinand
Hrólfur hræðilegi
Grettir
... að muna alltaf
hvernig þú leist út
þennan dag.
KATTA-
BALLETT
SJÁÐU, HELGA! ÉG ER
Í BAÐI!
JÁ, JÁ ÉG HÉLT AÐ ÞAÐ MYNDI
GLEÐJA ÞIG!
FYRIRGEFÐU! MÉR
LEIÐIST BARA AÐ
SJÁ ANNAÐ ÁR
LÍÐA HJÁ!
Víkverji hefur oft velt því fyrir sérhvernig á því standi að ekki sé
urmull af mállýskum á Íslandi. Í Evr-
ópu er návígið mikið en þó eru mál-
lýskur margar og fjölbreytni mikil,
þótt jafnt og þétt dragi úr. Í Þýska-
landi má oft heyra glöggt hvaðan fólk
er. Það má reyndar líka heyra á Ís-
landi hvort sá sem mælir er að norð-
an eða vestan, en munurinn er mun
meiri á milli þess hvernig fólk talar
eftir því hvort það er frá Berlín,
Hannover, Köln eða München, jafn-
vel svo mikill að erfitt getur verið fyr-
ir þann sem talar eina mállýskuna að
skilja þegar hin er töluð. Svo mikill
verður munurinn ekki í íslensku.
Langt í frá.
x x x
Mest mun þó fjölbreytnin vera íPapúu Nýju-Gíneu. Þar er talað
841 tungumál auk litríks samskipta-
máls. Í frétt fréttaveitunnar AFP um
tungumálafjölbreytni segir að hún sé
hvergi meiri en þar. Sum þessara
tungumála tali aðeins nokkrar hræð-
ur, jafnvel ein stórfjölskylda, en önn-
ur tali milljónir manna dreifðar um
héruð og svæði. Þessa miklu fjöl-
breytni rekja sérfræðingar til veiks
stjórnvalds, djúpra dala, gróðurs,
sem nánast ógerningur er að komast
í gegnum, og rúmlega 600 eyja. Á
þeim búa um átta milljónir manna.
Það eru færri en búa á Spáni og láta
Spánverjar sér nægja 12 tungumál.
x x x
Í frétt AFP segir að mörg tungumál-anna hafi þróast án utanaðkom-
andi áhrifa í tugþúsundir ára og megi
kalla Papúu Nýju-Gíneu Galapagos-
eyjar málvísindanna. Daglega megi
gera ráð fyrir að í daglegu lífi þurfi
íbúarnir að tala þrjú til fimm tungu-
mál og þeir skilji margar mállýskur
til viðbótar. Samskiptamálið nefnist
tok pisin og er eitt af þremur opin-
berum tungumálum landsins. Tok
pisin er 80-85% enska, en í málinu er
einnig að finna þýsku og portúgölsku
og má einnig finna áhrif frá Taívan
og úr súlú, sem talað er víða í suð-
austurhluta Afríku. Íslenska er ekki
auðveld, en búseta hér krefst í það
minnsta ekki fjöltyngi, þótt heila-
leikfimin sem henni fylgir kunni að
vera æskileg. vikverji@mbl.is
Víkverji
Játið að Drottinn er Guð, hann hefur
skapað oss og hans erum vér, lýður
hans og gæsluhjörð.
(Sálm: 100.3)