Morgunblaðið - 04.12.2018, Blaðsíða 4

4
MORGUNBLAÐIÐ ÞRIÐJUDAGUR 4. DESEMBER 2018
FATNAÐUR Á ALLA
FJÖLSKYLDUNA
Borgartún 3, sími 847 1660, www.bambus.is, bambus@bambus.is
bambus.is bambus.is • Opið mánudaga og fimmtudaga frá kl. 10-14
úr lífrænni ull og silki
Kíktu á
netverslun okkar
bambus.is
Jólaopnun
9. desember
kl. 13-15
Veður víða um heim 3.12., kl. 18.00
Reykjavík -5 alskýjað
Hólar í Dýrafirði -3 skýjað
Akureyri -12 léttskýjað
Egilsstaðir -7 léttskýjað
Vatnsskarðshólar -4 léttskýjað
Nuuk -3 skýjað
Þórshöfn -1 léttskýjað
Ósló 6 súld
Kaupmannahöfn 9 rigning
Stokkhólmur 5 þoka
Helsinki -1 snjókoma
Lúxemborg 9 skúrir
Brussel 12 skúrir
Dublin 6 léttskýjað
Glasgow 4 léttskýjað
London 10 skúrir
París 11 léttskýjað
Amsterdam 12 léttskýjað
Hamborg 10 léttskýjað
Berlín 10 heiðskírt
Vín 3 þoka
Moskva -6 heiðskírt
Algarve 17 heiðskírt
Madríd 7 þoka
Barcelona 15 heiðskírt
Mallorca 20 heiðskírt
Róm 14 skýjað
Aþena 10 léttskýjað
Winnipeg -8 snjókoma
Montreal 1 rigning
New York 12 rigning
Chicago 0 rigning
Orlando 26 léttskýjað
 4. desember Sólarupprás Sólsetur
REYKJAVÍK 10:54 15:43
ÍSAFJÖRÐUR 11:32 15:15
SIGLUFJÖRÐUR 11:16 14:57
DJÚPIVOGUR 10:31 15:05
VEÐUR KL. 12 Í DAG
Á miðvikudag SA-átt með snjókomu og síðar rign-
ingu S- og SV-til. Stöku él austast en hægari breyti-
leg átt og skýjað með köflum N-til. Hiti 0-5 stig með
SV- og S-ströndinni, frost 0-12 stig annars staðar.
Breytileg átt 3-8 m/s og snjókoma eða él fyrir hádegi en yfirleitt úrkomulítið síðdegis.
Frost 2 til 18 stig, kaldast NA-til, en mildast við SV- og S-ströndina.
Stefán Gunnar Sveinsson
sgs@mbl.is
Forsætisnefnd Alþingis ákvað á
fundi sínum í gær að taka Klaustur-
málið svonefnda til athugunar sem
mögulegt siðabrotamál, auk þess
sem nefndin ákvað að leita álits siða-
nefndar Alþingis, sem starfar sam-
kvæmt 16. grein siðareglna þing-
manna. Aðeins hefur einu sinni verið
leitað áður til nefndarinnar. Bað
Steingrímur J. Sigfússon, forseti Al-
þingis, þjóðina alla afsökunar í sér-
stakri yfirlýsingu í upphafi þing-
fundar og hét því að tekið yrði á
málinu.
Þingmennirnir Ólafur Ísleifsson
og Karl Gauti Hjaltason, sem reknir
voru úr Flokki fólksins fyrir helgi,
tilkynntu jafnframt að þeir hefðu
ákveðið að eiga samstarf sem óháðir
þingmenn utan flokka og sendu
skriflega ósk þess efnis til forseta
Alþingis, um að til þess yrði litið í
störfum þingsins.
Samstaða í forsætisnefnd
Forsætisnefnd Alþingis hóf fund
rétt um kl. 11.30 í gær og stóð fund-
ur nefndarinnar í um tvær klukku-
stundir. Sagði Inga Sæland, for-
maður Flokks fólksins og
áheyrnarfulltrúi í nefndinni, í sam-
tali við mbl.is í gær að hún væri af-
skaplega glöð með samstöðuna á
fundinum.
Samþykkti forsætisnefnd þar að
taka málið til umfjöllunar, en í bók-
un nefndarinnar var meðal annars
samþykkt að nefndin myndi sækjast
eftir skriflegri greinargerð um málið
frá þeim sex þingmönnum sem um-
fjöllunin hefur snúið að.
Þá fól nefndin forseta Alþingis og
eftir atvikum skrifstofu þingsins „að
ganga svo frá málum næstu daga að
erindið fái sem skjótasta meðferð í
siðanefndinni þannig að forsætis-
nefndin geti tekið endanlega afstöðu
til málsins eins og henni er skylt
samkvæmt siðareglunum og þing-
sköpum Alþingis.“
Þá bókaði nefndin að ummæli
Gunnars Braga Sveinssonar, fyrr-
verandi utanríkisráðherra um skip-
an sendiherra væru „framkvæmd-
arvaldsathafnir sem snúa að
ákvörðunum sem hann tók tveimur
árum áður en siðareglur fyrir al-
þingismenn tóku gildi“, auk þess
sem ljóst væri að forsætisnefnd
fjallaði ekki um siðareglur ráðherra.
Óverjandi og óafsakanlegt
Þingfundur hófst klukkan 15. Hóf
forseti Alþingis þingfund á stuttri
yfirlýsingu, sem flutt var að höfðu
samráði við formenn allra þing-
flokka. Sagði hann þar að orðbragð-
ið sem sannanlega virtist hafa verið
viðhaft á upptökunum væri „óverj-
andi og óafsakanlegt. Ekki síst er
það með öllu óverjandi og úr takti
við nútímaleg viðhorf hvernig þarna
var fjallað um konur og hlut kvenna
í stjórnmálum og einnig fatlaða og
hinsegin fólk. Það er löngu tímabært
og lýðræðisskipulaginu lífsnauðsyn-
legt í nútímanum að útrýma öllu
ómenningartali af því tagi úr stjórn-
málum og þar verðum við öll að
leggja okkar af mörkum.“
Þá bað Steingrímur þá þingmenn
sem ekki áttu hlut að máli, og sér-
staklega þá og aðra sem nafngreind-
ir voru í upptökunni auk aðstand-
endur þeirra afsökunar. „Ég vil
biðja starfsfólk okkar, konur, fatl-
aða, hinsegin fólk og þjóðina alla af-
sökunar,“ sagði Steingrímur. Bætti
hann við að forseti liti svo á að trú-
verðugleiki þingsins lægi við að tek-
ið yrði á málinu í fullu samræmi við
alvarleika þess, og hét hann því að
það yrði gert.
Morgunblaðið/Eggert
Yfirlýsing Steingrímur J. Sigfússon, forseti Alþingis, hóf þingfund í gær á sérstakri yfirlýsingu um Klausturmálið.
Baðst afsökunar
 Klausturmálið tekið fyrir á fyrsta fundi Alþingis eftir að
það kom upp  Karl Gauti og Ólafur hyggjast starfa saman
Morgunblaðið/Hari
Siðabrotamál Forsætisnefnd fundaði vegna Klausturmálsins og samþykkti
hún að taka málið til athugunar vegna mögulegra brota á siðareglum.
Steingrímur J. Sigfússon, forseti Al-
þingis, biðlaði í lok ræðu sinnar í
gær til þingmanna um að þeir
myndu hlífa sjálfum sér og þjóðinni
við frekari umræðu í þingsal um
Klausturmálið að svo stöddu.
Virtu þingmenn þau tilmæli að
mestu, en tvær óundirbúnar fyrir-
spurnir til ráðherra lutu að öngum
málsins.
„Hvað gerum við nú?“
Annars vegar beindi Logi Einars-
son, formaður Samfylkingarinnar,
fyrirspurn til Katrínar Jakobs-
dóttur forsætisráðherra um það
hvernig hægt væri að ávinna aftur
traust og virðingu í stjórnmálum
eftir uppákomu síðustu viku. Sagði
Logi að spurning sín væri sára-
einföld: „Hvað gerum við nú?“
Sagði forsætisráðherra meðal
annars í svari sínu að hún teldi það
mjög mikilvægt að forsætisnefnd
hefði ákveðið að taka á málinu með
þeim hætti sem hún hefði gert og
bætti við að það skipti gríðarlegu
máli að þingið brygðist við málinu
og tæki þær siðareglur sem þing-
menn hefðu sjálfir sett sér til um-
ræðu og hvernig hægt væri að
tryggja að þeim yrði betur fylgt í
framtíðinni.
Stutta svarið er nei
Þá spurði Þórhildur Sunna
Ævarsdóttir, þingflokksformaður
Pírata, Bjarna Benediktsson fjár-
málaráðherra um samskipti hans
við Gunnar Braga Sveinsson, þá-
verandi utanríkisráðherra, varðandi
skipun Geirs H. Haarde í embætti
sendiherra.
Sagði fjármálaráðherra að Gunn-
ar Bragi hefði tilkynnt sér á einum
fundi þeirra að hann hefði ákveðið
að skipa Geir sendiherra. Hefði
Gunnari Braga þótt við hæfi að
segja Bjarna það, þar sem um var
að ræða fyrrverandi formann Sjálf-
stæðisflokksins, og tók Bjarni
ákvörðuninni fagnandi.
Þórhildur Sunna spurði þá hvort
ráðherra hefði vitneskju eða grun
um eitthvað sem gæti gefið Gunnari
Braga væntingar um skipun í sendi-
herrastöðu af hálfu Sjálfstæðis-
flokksins. Sagði Bjarni að stutta
svarið við spurningunni væri nei.
„Ekki á grundvelli neinna lof-
orða sem hann hefur fengið“
Bætti hann svo við að almennt
svar væri það að hugsanlega hefði
Gunnar Bragi einhverjar væntingar
um skipan í utanríkisþjónustunni,
þar sem hann væri fyrrverandi
utanríkisráðherra og margir slíkir
hefðu endað einhvers staðar í utan-
ríkisþjónustunni. Vísaði ráðherra í
nokkur dæmi þess efnis, en neitaði
því að á fundum sínum með Gunnari
Braga hefði komið fram eitthvað
sem gæfi tilefni til slíkra væntinga.
„Hann hefur kannski einhverjar
væntingar í ljósi reynslu sinnar til
þess að eitthvað slíkt geti gerst í
framtíðinni, en það er ekki á grund-
velli neinna loforða sem hann hefur
fengið.“
Fyrirspurnir
um traust og
sendiherrastöður
 Angar Klausturmálsins ræddir
í óundirbúnum fyrirspurnum
Þau Una María Óskarsdóttir og
Jón Þór Þorvaldsson tóku sæti á
Alþingi í gær fyrir Miðflokkinn, en
þau eru varamenn Gunnars Braga
Sveinssonar og Bergþórs Óla-
sonar. Steingrímur J. Sigfússon,
forseti Alþingis, las við upphaf
þingfundar í gær upp samhljóða
bréf frá Gunnari Braga og Berg-
þóri, þar sem sagði að þeir óskuðu
eftir að varamenn sínir tækju sæti
sín á þingi, þar sem þeir hefðu af
persónulegum ástæðum ákveðið
að taka sér launalaust leyfi frá
þingstörfum um ótilgreindan tíma.
Una María og Jón Þór hafa bæði
áður setið á þingi, og bauð forseti
Alþingis því þau velkomin til starfa
að nýju.
Leyfi um ótilgreindan tíma
VARAMENN MIÐFLOKKSINS TAKA SÆTI Á ÞINGI
Jón Þór
Þorvaldsson
Una María
Óskarsdóttir
Klausturmál á Alþingi