Morgunblaðið - 04.12.2018, Blaðsíða 10
10 FRÉTTIRInnlent
MORGUNBLAÐIÐ ÞRIÐJUDAGUR 4. DESEMBER 2018
i
Hreinsum sófaáklæði
og gluggatjöld
STOFNAÐ 1953
Bankastræti 12 | Sími 551 4007 | skartgripirogur.is
Hálsmen
10.900,-
Hálsmen
8.900,-
Hálsmen
8.900,-
Hálsmen
9.900,-
Hringur
8.900,-
Hringur
8.900,-
Hringur
8.900,-
Eyrnalokkar
5.500,-
Eyrnalokkar
5.500,-
Kostnaður við flutning og dreifingu
raforku hefur hækkað um 2,6
-19,4% síðan í ágúst 2016, sam-
kvæmt samanburði sem ASÍ lét
gera. Mest hefur raforkukostnað-
urinn hækkað hjá Norðurorku,
19,4% en minnst hjá Rafveitu
Reyðarfjarðar, 2,6%. Veitur er eina
fyrirtækið sem hefur lækkað sínar
gjaldskrár en þar hefur raforku-
kostnaður lækkað um 6,6%. Á sama
tímabili hefur orkusala hækkað um
7,7-13,4%, mest hefur hún hækkað
hjá Orku náttúrunnar, um 13,4%,
en minnst hjá Orkubúi Vestfjarða,
um 7,7%. Allt að 96% verðmunur er
á flutningi og dreifingu raforku
milli fyrirtækja en tiltölulega lítill
munur er á hæsta og lægsta verði
orkusala eða 9,17%.
Mest hækkun raforku hjá Norðurorku
Guðni Einarsson
Sigtryggur Sigtryggsson
Veturinn hefur aldeilis gert vart við
sig fyrir norðan. Í gær var 18°C
frost á Akureyrarflugvelli og allt á
kafi í snjó í bænum.
Snjódýpt á Akureyri undanfarna
daga hefur slegið tvö mánaðarmet. Í
gærmorgun mældist snjódýptin 105
sentimetrar, sem er það mesta sem
hefur mælst þar í desember, að sögn
Trausta Jónssonar, veðurfræðings á
Veðurstofu Íslands. Næst mest
mældist dagana 7.-9. desember
1965, 100 sentimetrar.
Að morgni föstudagsins 30.
nóvember mældist snjódýptin á
Akureyri 75 sentimetrar og var það
mesta snjódýpt sem þar hefur mælst
í nóvembermánuði. Næstmest snjó-
dýpt mældist þar 22. og 23. nóvem-
ber 1972, 70 sentimetrar.
Trausti benti á að snjódýptarmæl-
ingar væru mjög ónákvæmar og
nýju metin væru innan óvissumarka
ofan við eldri met.
Elín Björk Jónasdóttir, veður-
fræðingur hjá Veðurstofunni, sagði
ekki útlit fyrir að mikið bættist við
snjóinn fyrir norðan næstu daga,
þótt gæti gert stöku él. Útlit var fyr-
ir að það yrði áfram kalt og hægviðri
í dag. Snjórinn veldur hraðari út-
geislun og eykur það á kuldann. Á
morgun kemur lægð upp að landinu
og hún mun hræra við stöðunni. Bú-
ast má við slyddu eða rigningu sunn-
an- og suðaustanlands á fimmtudag.
Snjóað gæti á Austfjörðum. Á föstu-
dag virðist ætla að verða norð-
austlæg átt og þá gæti gert él fyrir
norðan.
Morgunblaðið/Þorgeir Baldursson
Skafið Skafa þurfti snjó af bílunum. Margar götur hafa verið illfærar venjulegum bílum.
Snjódýptarmet sett á Akureyri
Ekki hefur áður mælst meiri snjódýpt í nóvember og desember en nú Ekki er útlit fyrir að það
bætist við snjóinn næstu daga Kalt var fyrir norðan í gær og mældist 18°C frost á flugvellinum
Morgunblaðið/Þorgeir Baldursson
Hreinsun Stórvirkar vinnuvélar unnu við að hreinsa helstu umferðaræðar Akureyrar.
Morgunblaðið/Þorgeir Baldursson
Blásið Litlir snjóblásarar komu sér vel við að hreinsa snjó af gönguleiðum
og við heimahús. Snjóblásarar hafa verið mikil þarfaþing undanfarið.
Morgunblaðið/Hafþór Hreiðarsson
Snjókyngi Snjónum kyngdi niður á Húsavík. Hér sjást húsin Hallandi, Hlið-
skjálf og Móberg. Trén voru að sligast undan snjófarginu á greinunum.