Morgunblaðið - 31.12.2018, Side 48

48 MORGUNBLAÐIÐ TÍMAMÓT 31.12. 2018
ERLENDAR SKOPMYNDIR
Sádí-arabískar konur fengu heimild til að aka löglega í fyrsta sinn í sögu lands-
ins hinn 24. júní þegar stjórnvöld afléttu áratugalöngu banni. Ríkið var það síð-
asta í heimi sem leyfði konum ekki að keyra.
Mohammad bin Salman, krónprins Sádí-Arabíu, studdi við afnám bannsins
og hefur staðið fyrir öðrum umbótum í ríkinu. Engu að síður er baráttufólk fyrir
auknum réttindum kvenna enn handtekið reglulega í Sádí-Arabíu.
BLEIBEL/Daily Star – Líbanon
Júní
Konur í Sádí-Arabíu fá að keyra bíl
Andrés Manuel López Obrador lýsti yfir sigri hinn 1. júlí í forsetakosningunum í
Mexíkó. Varð hann fyrsti vinstrimaðurinn til þess að leiða landið í meira en þrjá-
tíu ár. López Obrador, sem oft er kenndur við skammstöfunina á nafni sínu,
AMLO, hlaut 53% atkvæða og lofaði að hefja nýtt tímabil í mexíkóskum stjórn-
málum, auk þess sem hann myndi standa í hárinu á Donald Trump Bandaríkja-
forseta. Í sigurræðu sinni lofaði hann að berjast gegn spillingu á æðstu stöð-
um, takast á við skipulagða glæpastarfsemi og tækla landlæga fátækt í Mexíkó.
CHAVEZ/El Tiempo – Hondúras
Júlí
López Obrador tekur við völdum í Mexíkó
Því var lekið í upphafi ágústmánaðar að Google ætlaði sér að setja á laggirnar
ritskoðaða útgáfu af leitarvélinni sinni í Kína. Ollu tíðindin hneykslan og reiði frá
mannréttindasamtökum og starfsmönnum fyrirtækisins. hin breytta leitarvél
myndi ekki finna efni og leitarorð sem kínverska ríkisstjórnin hefði bannað.
Verkefnið hófst í upphafi 2017 og markaði þáttaskil fyrir Google, þar sem fyrir-
tækið hafði lokað á leitarvél sína í Kína árið 2010 til þess að mótmæla ritskoðun
í landinu.
VAN DAM/Landsmeer – Holland
Ágúst
Kínverjar ritskoða netið
Recep Tayyip Erdogan Tyrklandsforseti og Vladimír Pútín Rússlandsforseti sam-
þykktu 17. september að mynda herlaust svæði í Idlib-héraði í Sýrlandi. Leiðtog-
arnir gerðu það til þess að koma í veg fyrir átök á milli sýrlenska stjórnarhersins
og uppreisnarmanna, en óttast var að Bashar al-Assad Sýrlandsforseti hygðist
láta til skarar skríða gegn síðasta vígi uppreisnarmanna í landi. Erdogan vonaði
að með því að leyfa stuðningsmönnum uppreisnarmanna að dveljast í herlausa
svæðinu mætti koma í veg fyrir flóttamannavanda, sem næði til Tyrklands.
BLEIBEL/Daily Star – Líbanon
September
Tekist á um örlög Idlib-héraðs
Þýska lögreglan handtók sex manns sem grunaðir voru um að hafa myndað
hryðjuverkahóp öfgahægrimanna í Chemnitz hinn 1. október. Sjöundi mað-
urinn sem handtekinn hafði verið í september var talinn leiðtogi hópsins. Sak-
sóknarar grunuðu að mennirnir, sem voru allir þýskir ríkisborgarar milli tvítugs
og þrítugs, hafi ætlað að ráðast á útlendinga og pólitíska andstæðinga. Hand-
taka hópsins kom í kjölfar þess að þýskur maður var stunginn til bana í Chem-
nitz, en tveir innflytjendur voru handteknir fyrir morðið. Mótmæli hófust í kjölfar-
ið, sem breyttust í átök milli öfgahópa og lögreglunnar, auk þess sem umræða
um flóttamannamál í Þýskalandi hófst á ný. GRAFF/Dagbladet - Noregur
Október
Lögreglan handtekur grunaða hryðjuverkamenn