Morgunblaðið - Sunnudagur - 23.12.2018, Blaðsíða 37

Þetta er dásamlegt líf, er mynd sem margir leitast við að horfa á um jólin.
RÚV Margir eru vitaskuld á þönum að kvöldi Þorláksmessu
enda ekki seinna vænna að hnýta seinustu hnútana fyrir jólin.
Fyrir þá sem eru búnir að öllu er margt vitlausara en að slappa
af og hvíla lúin bein fyrir framan sjónvarpið. RÚV verður með
tvær myndir í kvöld, sú fyrri kallast Kæri leynijólasveinn og
mun það vera rómantísk gamanmynd um Jennifer, sem snýr aft-
ur til heimabæjar síns yfir hátíðarnar til að annast föður sinn.
Við komuna þangað taka að berast henni rómantísk jólakort frá
leyndum aðdáanda. Aðalhlutverk leika Tatyana Ali, Bill Cobbs
og Jordin Sparks. Síðan er komið að Þetta er dásamlegt líf sem
er klassísk jólamynd með James Stewart og Donnu Reed í aðal-
hlutverkum. Verndarengill kemur uppgefnum kaupsýslumanni
til bjargar á jólunum og sýnir honum hvers virði líf hans er.
Jólaþema í sjónvarpinu
Úr myndinni Kæri leynijólasveinn sem RÚV sýnir.
23.12. 2018 MORGUNBLAÐIÐ SUNNUDAGUR 37
Eins skemmtilegur og Andriokkar á flandri er nú fölnarhann því miður í saman-
burði við þýska skapgerðarleikar-
ann Tom Schilling. Sá ágæti mað-
ur ferðast nefnilega ekki bara um
hvippinn og hvappinn, heldur einn-
ig í tíma.
Schilling hafði ekki fyrr lokið
störfum sem njósnari í Vestur-
Berlín sumarið 1974, þar sem hann
dró konu og aðra á tálar, þeirra á
meðal Sögu okkar úr Brúnni, en
hann birtist í seinnastríðsdrama á
RÚV, Frönsku svítunni, og var þá
kominn aftur til ársins 1940. Eins
og hendi væri veifað.
Þar var Schilling heldur ógeð-
felldur nasisti sem skaut upp koll-
inum ásamt sveit sinni í fásinninu í
litlu þorpi skammt frá París. Flutti
inn á guðhrædda fjölskyldu og
byrjaði fljótt að fara á fjörurnar
við bóndakonuna á bænum. Bónda
til mikillar mæðu. Að vonum. Hvað
er þetta annars með Schilling; má
maðurinn ekki mæta konu án þess
að draga hana á tálar?
Öllu lauk því náttúrulega með
ósköpum, bóndi skaut Schilling til
bana í hlöðunni, flúði svo inn í
skóg, með nasistagerið á hælunum.
Tókst þó að leynast fyrir atbeina
Michelle Williams, þeirrar vönduðu
konu, og komast á endanum und-
an.
Enginn saknaði Schillings.
Konan sem Schilling fór á fjör-
unar við þarna í sveitinni var eng-
in önnur en Ruth Wilson, úr hinum
drepleiðinlegu þáttum The Affair.
Hvað er það annars við hana? Það
reyna allir menn við hana og
bregðast henni svo á endanum
með einum eða öðrum hætti.
Wilson var einnig í lykilhlutverki
í mergjuðustu lögguþáttum seinni
tíma, Luther, þar sem hún lék
snældugeggjaða velgjörðarkonu
okkar manns, Luthers, sem er
mesti kappi sem sögur fara af í
sjónvarpi. Á eftir Kunta Kinte.
Í Frönsku svítunni var Wilson á
hinn bóginn ósköp venjuleg kona,
vinnulúin móðir sem missti bónda
sinn út í óvissuna. Enginn veit
hvort fundum þeirra bar nokkurn
tíma saman á ný. Og ekki dugar að
fá Tom Schilling til að stíga upp í
tímavélina og kanna málið.
Hann er steindauður.
Tom Schilling, Michelle Williams og Ruth Wilson í Frönsku svítunni.
BBC Films
Í MÖRG HORN AÐ LÍTA HJÁ TOM SCHILLING
Táldragandi
tímaflakkari
Tom Schilling sem austur-þýskur
Rómeó-njósnari í Undir sama himni.
ZDF
Á skjánum
Orri Páll
Ormarsson
orri@mbl.is
Síðumúla 22 | Sími 517 0404 | serefni.is
Opið: 8-18 virka daga 10-14 á laugardögum
Spiced Honey
litur ársins 2019
Smiðjuvegi 4C | 200 Kópavogur | Sími 587 2202 | hagblikk@hagblikk.is | hagblikk.is
HAGBLIKK
Álþakrennur
& niðurföll
Þakrennurnar eru frá GRÖVIK VERK í Noregi
Þær eru einfaldar í uppsetningu
HAGBLIKK
Ryðga ekki
Brotna ekki
Litir á lager:
Svart, hvítt, ólitað, rautt
silfurgrátt og dökkgrátt