Fréttablaðið - 17.04.2019, Page 6

BOÐUN TIL
Aðalfundar ORF Líftækni hf. 2019
Stjórn ORF Líftækni hf.
Kópavogi, 17. apríl 2019
Dagskrá:
1. Setning fundar, skipun fundarstjóra og fundarritara
2. Hefðbundin aðalfundarstörf, m.a.
• Skýrsla stjórnar og kynning á starfsemi félagsins
• Kynning á reikningum félagsins
• Ársreikningur lagður fram til samþykktar
• Ákvörðun um meðferð rekstrarhagnaðar eða taps
• Kosning stjórnar og endurskoðanda
• Ákvörðun um greiðslur til stjórnarmanna og endurskoðanda
• Tillaga stjórnar að starfskjarastefnu
3.
• Heimild til útgáfu hluta vegna kauprétta framlengd
4. Kynning forstjóra
Tillaga um breytingu á samþykktum:
5. Kynning framkvæmdastjóra rannsókna- og nýsköpunarsviðs
6. Önnur mál
Aðrar upplýsingar
Endanleg dagskrá svo og öll skjöl sem lögð verða fyrir aðalfundinn,
þ.m.t. ársreikningur félagsins og allar tillögur, verða hluthöfum
tiltæk á skrifstofu félagsins tveimur vikum fyrir aðalfund.
ORF Líftækni hf., kt. 420201-3540, boðar hér með til aðalfundar
félagsins fimmtudaginn 2. maí næstkomandi kl. 16:30 í höfuðstöðvum
félagsins, Víkurhvarfi 7, 203 Kópavogi.
Við lok fundar verður boðið upp á léttar veitingar.
Hafin er sameiginleg rafræn atkvæðagreiðsla um nýjan kjara-
samning Starfsgreinasambands Íslands við Samtök atvinnulífsins
fyrir störf á almennum vinnumarkaði sem undirritaður var hinn
3. apríl 2019.
Atkvæðisrétt eiga allir félagsmenn í aðildarfélögum SGS sem
vinna eftir þessum samningi og greiddu félagsgjöld til einhvers
aðildarfélaga SGS í janúar/febrúar 2019.
Kynningarefni hefur verið sent út samkvæmt kjörskrá.
Fái einhver sem telur sig eiga atkvæðisrétt ekki sent kynningar-
efnið, getur viðkomandi snúið sér til skrifstofu síns stéttarfélags,
og fengið sig færðan á kjörskrá og greitt atkvæði, enda leggi
viðkomandi fram launaseðil sem sanni afdregin félagsgjöld í
janúar/febrúar 2019.
Tekið er við kjörskrárkærum samkvæmt framansögðu til kl. 16.00
þriðjudaginn 23. apríl en þá lýkur atkvæðagreiðslu um samn-
inginn.
Félagsmenn eru eindregið hvattir til að nýta réttindi sín og greiða
atkvæði.
Ítarlegar upplýsingar eru á heimasíðu SGS, www.sgs.is og einnig
á síðum einstakra aðildarfélaga – Félagsmönnum er ráðlagt að
kynna sér þær vel.
Reykjavík, 8. apríl 2019
Kjörstjórn SGS
Nýr kjarasamningur
á almennum vinnumarkaði
Rafræn atkvæðagreiðsla stendur yfir
LÖGREGLUMÁL Frumvarp heilbrigð-
isráðherra um neyslurými felur í
sér þekkingarleysi á hlutverki lög-
reglu, samkvæmt umsögn lögreglu-
stjórans á höfuðborgarsvæðinu við
frumvarpið. Umsögnin er mjög
gagnrýnin á frumvarpið og tekur
ríkissaksóknari undir hana í sinni
umsögn um málið sem birtist á vef
Alþingis í gær.
Í greinargerð frumvarpsins segir
að vissulega fari það eftir mati lög-
reglu hverju sinni hvort gripið verði
til refsivörsluaðgerða gegn einstakl-
ingi sem er með efni á sér á leið til
neyslurýmis, ýmist með aðvörun,
haldlagningu efna, sekt eða ákæru.
Lagt er til að sveitarfélög geri form-
legt eða óformlegt samkomulag
við lögregluna um hvernig eigi að
standa að löggæslu í grennd við
neyslurými.
Alvarlegar athugasemdir eru
gerðar við framangreint orðalag
í umsögn lögreglustjórans. Lög-
regla eigi ekkert mat um hvort hún
láti yfir höfuð til sín taka þegar
afskipti eru höfð af einstaklingi
sem hefur á sér fíkniefni. Þannig sé
aðvörun ekki formlegt úrræði sem
lögregla hafi val um að beita og þess
sé hvorki getið í lögum né verklagi
lögreglu. Þvert á móti sé lögreglu
skylt samkvæmt lögreglulögum
að stöðva ólögmæta háttsemi og
fylgja málum eftir í samræmi við
lög um meðferð sakamála eða
önnur lög. Það varði lögreglumenn
refsiábyrgð að gæta ekki lögmætra
aðferða við meðferð máls og á þeim
hvíli skylda til að hefja lögreglu-
rannsókn hvenær sem þess gerist
þörf út af vitneskju eða grun um
refsivert athæfi.
Í umsögninni er einnig vakin
athygli á því að í frumvarpinu
sé ekki að finna undanþágu frá
ákvæði í fíkniefnalöggjöfinni sem
banni vörslu og meðferð fíkniefna
á íslensku forráðasvæði. Samkvæmt
orðanna hljóðan gerir frumvarpið
ráð fyrir að neysla efnanna sé refsi-
laus í neyslurými en ekkert í frum-
varpstextanum sjálfum geri ráð
fyrir að varsla efnanna verði refsi-
laus. Vekur lögreglustjóri athygli á
að til þessa hafi sjálf neysla fíkni-
efna ekki verið talin refsiverð og
hafi menn ekki verið sóttir til saka
fyrir það eitt að neyta fíkniefna
heldur hafi menn einungis verið
sóttir til saka fyrir vörslu þeirra.
Ekki sé gerð undanþága í frum-
varpinu frá refsiheimild þess efnis
sem fyrr segir.
Lögreglustjóri telur að verði
frumvarpið óbreytt að lögum muni
það ekki hrófla við skyldu lögreglu
til að haldleggja ólögleg ávana- og
fíkniefni og gera þau upptæk sem
skylt sé samkvæmt ákvæðum laga
um ávana- og fíkniefni, sem skyldi
lögreglu til að gera upptæk til ríkis-
sjóðs þau efni sem lögin taki til og
aflað hafi verið á ólögmætan hátt
eða eru á annan hátt í ólögmætri
vörslu.
Í frumvarpinu er gert ráð fyrir
refsileysi starfsmanna neyslurýmis
og kveðið á um að þeir verði ekki
sóttir til saka látist einstaklingur
undir þeirra eftirliti. Er vísað til
þess að neyslurýmið eigi að vera
refsilaust rými. Lögreglustjór-
inn lýsir efasemdum um að texti
greinargerðar um refsileysi starfs-
mannanna haldi enda taki frum-
varpið eingöngu til fíkniefnalög-
gjafarinnar. Taka verði af tvímæli
í frumvarpinu um að sérhver refsi-
verður verknaður verði refsilaus í
neyslurýminu enda augljóslega ekki
markmiðið.
Þá er ónákvæm lýsing í frumvarp-
inu á hugtakinu neysluskammti
einnig gagnrýnd í umsögninni en
gert er ráð fyrir að neytandi megi
hafa einn neysluskammt með sér
í neyslurými hvert sinn. Skilgrein-
ingin geti skipt máli bæði vegna
fyrirhugaðs refsileysis vörslu en
einnig vegna mögulegrar ábyrgðar
eða ábyrgðarleysis starfsmanns í
eftirliti, deyi notandi af of stórum
skammti.
adalheidur@frettabladid.is
Lögregla veitir svarta
umsögn um neyslurými
Úr umsögn lögreglustjórans
Það er rétt að taka fram að lögreglustjóri
er ekki með umsögn sinni að hafa skoðun
á réttmæti neyslurýma og sjónarmið um
skaðaminnkun hafa mikið vægi. Engu að
síður telur lögreglustjóri sér skylt að benda á
framangreind atriði til að varpa ljósi á þá van-
kanta sem eru á frumvarpinu eins og það er
sett fram. Verði það óbreytt að lögum þá er
réttur neytandans ekki tryggður til neyslu
á neysluskammti eins og markmið fum-
varpsins gerir ráð fyrir og óvíst um refsileysi
starfsmanna neyslurýmis.
Sigríður Björk Guðjóns-
dóttir er lögreglustjóri á
höfuðborgarsvæðinu.
Þjónusta við fólk með fíknisjúkdóma hefur verið veitt af Rauða krossinum um árabil. FRÉTTABLAÐIÐ/EYÞÓR.
Frumvarpið lýsir skiln-
ingsleysi á hlutverki
lögreglu, segir í um-
sögn lögreglustjórans á
höfuðborgarsvæðinu.
Réttur neytandans
sagður ótryggur og
refsileysi starfsmanna
rýmisins sömuleiðis.
Ríkissaksóknari tekur
undir gagnrýnina.
Ríkissaksóknari
veitti einnig umsögn:
Ofangreint mál hefur á engum
stigum verið unnið í samráði við
ríkissaksóknara og var embætt-
ið ekki á meðal þeirra 94 aðila
sem fengu umsagnarbeiðni frá
velferðarnefnd.
Hins vegar telur ríkissak-
sóknari rétt að taka undir þær
athugasemdir við frumvarpið
sem fram koma í umsögn lög-
reglustjórans á höfuðborgar-
svæðinu, dags. 13. apríl 2019,
og koma því skýrt á framfæri að
ríkissaksóknari telur ekki rétt
að samþykkja frum-
varpið á meðan
ekki liggur fyrir
hvaða breyt-
ingar verða á
heimildum og
skyldum lög-
reglu og ákæru-
valds við lögfest-
ingu frumvarpsins.
(Dagsett 16.
apríl 2019.)
1 7 . A P R Í L 2 0 1 9 M I Ð V I K U D A G U R6 F R É T T I R ∙ F R É T T A B L A Ð I Ð
1
7
-0
4
-2
0
1
9

0
7
:2
4
F
B
0
6
4
s
_
P
0
5
9
K
.p
1
.p
d
f
F
B
0
6
4
s
_
P
0
5
4
K
.p
1
.p
d
f
F
B
0
6
4
s
_
P
0
0
6
K
.p
1
.p
d
f
F
B
0
6
4
s
_
P
0
1
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
2
D
4
-9
D
2
8
2
2
D
4
-9
B
E
C
2
2
D
4
-9
A
B
0
2
2
D
4
-9
9
7
4
2
7
5
X
4
0
0
.0
0
1
5
B

F
B
0
6
4
s
_
1
6
_
4
_
2
0
1
9
C
M
Y
K