Fréttablaðið - 17.04.2019, Blaðsíða 22

1,4
milljarðar króna er mark-
aðsvirði hlutar VÍS í Kviku
banka.
Vátryggingafélag Íslands hefur minnkað  hlut sinn í Kviku banka um liðlega  1,6 pró-
sent af hlutafé fjárfestingabankans,
samkvæmt nýjum hluthafalista, og
er nú þriðji stærsti hluthafi bank-
ans með 6,45 prósenta eignarhlut.
Miðað við núverandi hlutabréfa-
verð hefur VÍS því selt í Kviku fyrir
nærri 350 milljónir króna.
Þá er Lífeyrissjóður starfsmanna
ríkisins A-deild, stærsti lífeyrissjóð-
ur landsins, kominn í hóp tuttugu
stærstu hluthafa fjárfestingabank-
ans með 1,34 prósenta hlut. Hefur
sjóðurinn tvöfaldað eignarhlut sinn
í Kviku frá áramótum.   
Hlutur VÍS, sem kom fyrst inn í
eigendahóp Kviku í ársbyrjun 2017,
er metinn á ríf lega 1,4 milljarða
króna miðað við núverandi gengi
hlutabréfa í bankanum en um er að
ræða stærstu einstöku fjárfestingar-
eign félagsins.
Hluthafafundur tryggingafélags-
ins samþykkti sem kunnugt er síð-
asta sumar að lækka hlutafé félags-
ins með 1,8 milljarða króna greiðslu
til hluthafa í formi bréfa í Kviku.
Við greiðsluna fór eignarhlutur VÍS
í bankanum úr 21,8 prósentum í 9,6
prósent en síðan þá hefur hluturinn
minnkað enn frekar.
Á meðal umsvifamestu hlut-
hafa VÍS eru félög í eigu hjónanna
Svanhildar Nönnu Vigfúsdóttur,
stjórnarmanns í tryggingafélaginu,
og Guðmundar Arnar Þórðarsonar
með samtals ríf lega sjö prósenta
hlut. Félag þeirra er einnig í hópi
stærstu eigenda Kviku banka með
7,7 prósenta eignarhlut og þá situr
Guðmundur Örn í stjórn bankans.
Hlutabréf í Kviku banka, sem var
skráður á aðallista Kauphallarinnar
í lok síðasta mánaðar, hafa hækkað
um liðlega 40 prósent í verði frá ára-
mótum. Er markaðsvirði bankans í
dag nærri 22 milljarðar króna.
Bréfin ruku upp um hátt í níu
prósent á mánudag eftir að bank-
inn greindi frá því að afkoma fyrsta
ársfjórðungs hefði verið umtalsvert
betri en gert hafði verið ráð fyrir. Er
útlit fyrir að hagnaður Kviku verði
á bilinu 830 til 880 milljónir króna.
Helsta ástæða bættrar af komu er
sú að þóknanatekjur voru umfram
áætlun, einkum vegna þess að
markaðsaðstæður voru hagfelldar
á fyrsta fjórðungi ársins.  – kij
VÍS selur í Kviku fyrir 350 milljónir
Íslensk ar smásölu keðju r skoða möguleikann á að minnka þjónustustig til að bregðast við þeim launa-hækkunum sem nýr kjara-samningur kveður á um.
Tvær af þremur stærstu keðjum
landsins segjast reiðubúnar að
endurskoða opnunartíma verslana.
Gunnar Egill Sigurðsson, fram-
kvæmdastjóri verslunarsviðs Sam-
kaupa, segir í samtali við Markað-
inn að hlutfall launakostnaðar hjá
Samkaupum hafi vaxið ört á síðustu
fimm árum. „Við höfum ekki svig-
rúm til þess að taka á okkur þessar
hækkanir án þess að bregðast
við með einhverjum hætti,“ segir
Gunnar Egill en að hans mati felst
stærsta tækifærið til hagræðingar í
þjónustustiginu.
„Þjónustustigið á Íslandi er mjög
hátt miðað við það sem gengur og
gerist í kringum okkur. Ef við skoð-
um til dæmis opnunartíma verslana
í Þýskalandi þá eru þær flestar lok-
aðar á sunnudögum. Við þurfum að
endurskoða hversu margar versl-
anir þurfa að vera opnar allan sólar-
hringinn,“ segir hann en alls eru tíu
verslanir á vegum Samkaupa opnar
allan sólarhringinn.
Samkaup muni ekki leggja upp
með fækkun starfsfólks ef kjara-
samningarnir verða samþykktir
en lækkun þjónustustigs hafi óhjá-
kvæmilega í för með sér minni eftir-
spurn eftir vinnuafli.
Þá segir Gunnar Egill lítið svig-
rúm til þess að f leyta hækkunum
út í verðlagið en hækkanir frá fram-
leiðendum og heildsölum setji þó
þrýsting á verðið. „Hækkanirnar
munu því brjótast fram í verðlag-
inu upp að vissu marki vegna þess
að við erum nú þegar farin að fá til
okkar hækkanir frá framleiðendum
og heildsölum. Ef innkaupaverðið
hækkar þá hækkar söluverð á öllum
smásölumarkaðinum. Við erum
að hafna því að framleiðendur og
heildsalar fleyti kostnaðinum beint
á verslunina án þess að skoða hag-
ræðingarkosti eins og við erum að
gera,“ segir Gunnar Egill.
Atvinnuleysi sögð líklegri
útkoma en verðbólga
Eggert Þór Kristófersson, forstjóri
Festar, sem rekur Krónuna, N1, og
ELKO, segir einnig að fyrirtækið
sé að skoða styttingu á opnunar-
tímum. Þá sé viðbúið að segja þurfi
upp starfsfólki ef kjarasamning-
arnir verða samþykktir. „Það er því
miður ekki hægt að bregðast við
með öðrum hætti,“ segir Eggert Þór.
„Það eru í sjálfu sér aðeins tvær
leiðir. Annaðhvort fer launahækk-
unin út í verðlagið eða fyrirtækin
hagræða og fækka starfsfólki,“
segir Eggert Þór en hann telur að nú
séu aðstæður þannig að launahækk-
anir séu líklegri til að koma fram í
atvinnustigi en verðlagi.
„Það er engin spurning að áður
fyrr fóru allar launahækkanir út
í verðlagið. Verðlagið rauk af stað
og þannig voru miklar hækkanir
leiðréttar með gengisfellingu krón-
unnar. Nú hefur staðan hins vegar
breyst. Seðlabankinn er með risa-
vaxinn gjaldeyrisforða og erlend
staða þjóðarbúsins er sterk. Það eru
því engar líkur á að krónan fari að
veikjast mikið og þess vegna held
ég að þessar launahækkanir brjótist
frekar fram í atvinnustiginu.“
Þjónustustig líði fyrir launahækkanir
Íslenskar smásölukeðjur skoða möguleikann á því að minnka þjónustustig til þess að geta staðið undir launahækkunum. Forstjóri
Festar telur líklegt að hækkanirnar brjótist fram í atvinnustigi fremur en verðbólgu. Hagkaup hyggst ekki breyta opnunartímum.
Þorsteinn Friðrik
Halldórsson
tfh@frettabladid.is
Ýtir undir sjálfvirknivæðingu
Stærstu smásölufyrirtækin,
Samkaup, Festi og Hagar, hafa
öll komið fyrir sjálfsafgreiðslu
í völdum verslunum. Finnur
Árnason, forstjóri Haga, sagði í
miðopnuviðtali við Markaðinn
í mars að sjálfsafgreiðslukassar
væru í níu verslunum Haga og að
stefnt væri að því að þeir yrðu
í 18 verslunum á þessu ári. „Um
34-52 prósent afgreiðslna fara
þar í gegn sem er meira en við
bjuggumst við,“ sagði Finnur.
Krónan, sem er undir hatti
Festar, hefur aukið sjálfvirkni-
væðingu afgreiðsluferla á síðustu
misserum. Eggert Þór segir að
launahækkanir ýti undir sjálf-
virknivæðinguna. „Það verður
fýsilegra að fjárfesta í tækni
þannig að færri hendur komi að,“
segir hann.
Við þurfum að
endurskoða hversu
margar verslanir þurfa að
vera opnar allan sólarhring-
inn.
Gunnar Egill
Sigurðsson,
framkvæmda-
stjóri verslunar-
sviðs Samkaupa
Það eru engar líkur
á að krónan veikist
mikið og þess vegna held ég
að þessar launahækkanir
brjótist fram í
atvinnustig-
inu.
Eggert Þór
Kristófersson,
forstjóri Festar
Smásölukeðjur leita leiða til að bregðast við launahækkunum. Verslunum sem eru opnar allan sólarhringinn getur fækkað. Fréttablaðið/Ernir
Hyggjast ekki stytta opnunar-
tíma í verslunum sínum
Smásölukeðjan Hagkaup rekur tvær
verslanir sem eru opnar allan sólar-
hringinn. Gunnar Ingi Sigurðsson,
framkvæmdastjóri Hagkaupa, seg-
ist ekki gera ráð fyrir breyttu þjón-
ustustigi gagnvart viðskiptavinum.
„Við þurfum að leggja okkur
meira fram við að hagræða í rekstr-
inum. Eins og staðan er í dag höfum
við ekki í hyggju að breyta opnun-
artímunum. Í þessum rekstri sem
öðrum eru allir möguleikar skoð-
aðir,“ segir Gunnar.
Hafin er atkvæðagreiðsla meðal
aðildarfyrirtækja Samtaka atvinnu-
lífsins um kjarasamninga við verka-
fólk og verslunarmenn fyrir tíma-
bilið 2019-2022. Hún stendur yfir til
24. apríl. Kjarasamningurinn felur í
sér sérstaka áherslu á kjarabætur til
tekjulágs launafólks þar sem launa-
hækkanir samningsins eru allar í
formi krónutöluhækkana á kaup-
taxta og föst mánaðarlaun fyrir
dagvinnu. Launahækkanir til þeirra
sem starfa á töxtum nema 90 þús-
und krónum á samningstímanum.
1 7 . A P R Í L 2 0 1 9 M I Ð V I K U D A G U R4 MARKAÐURINN
1
7
-0
4
-2
0
1
9

0
7
:2
4
F
B
0
6
4
s
_
P
0
4
3
K
.p
1
.p
d
f
F
B
0
6
4
s
_
P
0
3
8
K
.p
1
.p
d
f
F
B
0
6
4
s
_
P
0
2
2
K
.p
1
.p
d
f
F
B
0
6
4
s
_
P
0
2
7
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
2
D
4
-A
7
0
8
2
2
D
4
-A
5
C
C
2
2
D
4
-A
4
9
0
2
2
D
4
-A
3
5
4
2
7
5
X
4
0
0
.0
0
1
6
B

F
B
0
6
4
s
_
1
6
_
4
_
2
0
1
9
C
M
Y
K