Morgunblaðið - 21.02.2019, Page 45

UMRÆÐAN 45
MORGUNBLAÐIÐ FIMMTUDAGUR 21. FEBRÚAR 2019
HEYRNARSTÖ‹INKringlunni • Sími 568 7777 • heyra.is
Hlustaðu
á hjartað þitt
Beltone Trust™ heyrnartækin gera þér kleift að heyra jafnvel minnstu smáatriði
– sem stundum reynast þau mikilvægustu. Við hjá Heyrnarstöðinni leggjum allan
okkar metnað í að veita góða þjónustu og bjóða upp á hágæða heyrnartæki.
Komdu í ókeypis heyrnarmælingu og fáðu heyrnartæki lánuð til reynslu.
Beltone Trust
™
lega sneitt hjá fyrri yfirlýsingum um
tengingu við sögu Reykjavíkur og
upphaf bæjarins, sem verður þó að
teljast a.m.k. ein ástæðan fyrir dvöl
ferðamanna í borginni.
Það kemur sem sé hvergi fram í
þessum viðtölum að verið er að
brjóta lög með því að byggja í kirkju-
garði, – að fluttir hafi verið tugir
beinagrinda, les líkamsleifa, úr garð-
inum til geymslu annars staðar og að
gamall kirkjugarður, væntanlega
elsti kirkjugarðurinn í Reykjavík,
verði aðkoma að hótelanddyri. Það
sem heldur ekki kemur fram er að
borgarbúum er alls ekki öllum um-
hugað um að kirkjugarðurinn verði
hóteltorg, fjölmargir hafa mætt á
mótmælafundi gegn þessum gjörn-
ingi, lögbrotið hefur verið kært og
margir hafa birt greinar með rök-
stuðningi gegn þessari meðferð á
kirkjugarðinum. Um afstöðu Reykja-
víkurborgar, þ.e. borgarstjórnar
verður minna sagt, þar hvílir eins og
oft áður rykský yfir meiningunni
þangað til séð verður hvernig vind-
arnir blása.
Og það sem að lokum kemur
hvergi fram í þessum viðtölum er vilji
til þess og frumkvæði að því að finna
viðunandi lausn á þessu máli, rót-
tæka lausn, sem komið getur í veg
fyrir að lög verði brotin, að friðhelgi
kirkjugarðsins verði rofin, sem miðar
að því að sögu Reykjavíkur og Reyk-
víkinga verði sýndur sómi ekki bara í
byggingarhlutum heldur með varð-
veislu sýnilegra og þekktra minja og
mannvistarleifa svo koma megi í veg
fyrir að ósátt verði um langa framtíð
um þennan stað. Er það ekki væn-
legra til markaðssetningar?
Höfundur er arkitekt.
stefan@argos.is
Nýlega barst inn á
mitt heimili með rusl-
póstinum nýtt hverfis-
skipulag fyrir Ártúns-
holt, Árbæ og Selás,
sem virðist vera áróð-
ursplagg borgar-
stjórnarmeirihlutans
fyrir hugðarefni sínu
um þéttingu byggðar
og þar með að troða
fleiri íbúum inn í
þessi hverfi en þar er pláss fyrir
og þau eru upphaflega hönnuð
fyrir.
Hér er um gróin hverfi að ræða,
sem nú eru uppi áform um að út-
andskota með nýframkvæmdum
við 1.729 íbúðir ásamt tilheyrandi
raski í borgarhverfunum. Bæta
skal hæðum ofan á fjölbýlishús
gegn því að í þau verði sett lyfta,
einbýlishús á að gera að tvíbýlis-
húsum og raðhús að fjölbýlis-
húsum. Götur, sem nú þegar er ill-
færar, á að gera ófærar en götur,
sem eru í lagi á að gera illfærar
en í því hefur núverandi borg-
arstjórnarmeirihluti nokkra
reynslu. Lítill gaumur er gefinn að
því að aukinn íbúafjöldi komist
leiðar sinnar. Hliðstæð áform eru í
undirbúningi fyrir önnur hverfi
borgarinnar.
Það er góðra gjalda vert að gera
borgarhverfi vænlegri til búsetu
með lagfæringum en að kollvarpa
eldra skipulagi kann að reynast
svik við þá íbúa, sem hverfin
byggja. Réttur misviturra borgar-
yfirvalda til að breyta því skipu-
lagi, sem var forsenda fyrir fjár-
festingum íbúa í hverfinu, hlýtur
að teljast vafasamur
svo ekki sé meira
sagt.
Breytingar á bygg-
ingum eru að jafnaði
óhagkvæmari en að
byggja upp frá
grunni. Nauðsynlegt
samþykki allra eig-
enda kann og að valda
vandamálum. Kvisti
og bíslög á að leyfa á
einbýlishúsum og rað-
húsum sem raska
heildaryfirbragði og
grónu skipulagi en falla betur að
fáránlegum hugmyndum meirihlut-
ans. Er þá ekki langt í þaklyft-
ingar, aukahús á lóðum eða jafnvel
bakhús til að koma enn fleira fólki
fyrir og þóknast þar með hug-
myndum meirihlutans um hvernig
fólk skuli haga heimilum sínum.
Og sem fyrr eiga aldraðir, blindir,
haltir og lamaðir að hjóla eða fara
í strætó.
Allur þessi óskapnaður og allt
þetta forræðisflan meirihlutans er
síðan sett í myndrænan skrautbún-
ing með miklum fagurgala og sagt
að þetta taki mið af óskum íbúa.
Fátt virðist fjær sanni.
Skipulagsmistök meirihlutans
eru raunar æpandi um gervallt
höfuðborgarlandið og eru nú orðin
til umtalsverðrar bölvunar fyrir
íbúa þess. Er því full ástæða til að
tortryggja þau áform, sem hér eru
uppi. Ekki verður vandræðalaust
komist um höfuðborgina á álags-
tímum enda engar marktækar úr-
bætur gerðar á umferðarmálum í
áratug. Þétting byggðar virðist
misráðin og skapa fleiri vandamál
en hún leysir. Íbúðir í kvosinni
óseljanlegar á því verði, sem í boði
er. Borgarlínan illa hugsuð og
sennilega glapræði. Flugvallarbrölt
meirihlutans er til stórskaða fyrir
alþjóð enda flugvöllurinn á þeim
stað, sem hann er, eini raunhæfi
kosturinn fyrir höfuðborgina til að
hafa flugvöll. Hagkvæmir kosti
fyrir lagningu Sundabrautar úr
myndinni vegna þéttingar byggð-
ar, fjármálasukk og óráðsía er í
yfirstjórn borgarinnar, skuldasöfn-
un fordæmalaus, braggamálið
keyrir út yfir allan þjófabálk með
sínum rándýru puntstráum frá
Danaveldi. Síðasta skipulagsafrek
meirihlutans eru áform um ofvaxin
puntstrá í pálmalíki umlukin gler-
hjúp, tákngervingur þess að meiri-
hlutinn ber enga virðingu fyrir
ráðdeild og skynsemi og lærir lítt
af fyrri afglöpum.Yfir öllu þessu
rugli trónir borgarstjórinn með
stuðningi meirihlutans fastur í
eðjupytti með aur upp fyrir axlir,
ábyrgur fyrir fjármálamisferli og
skjalaundanskotum þannig að alla
heilvita menn setur hljóða. En hin-
ir virðast ráða ferðinni í skipulags-
málum höfuðborgarinnar.
Það ætti að vera augljóst hverj-
um hugsandi manni, að skipulag
borgarhverfa er bezt gert áður en
þau eru byggð. Að endurskipu-
leggja hverfi eftir að þau eru
byggð hlýtur að vera á endi-
mörkum fáránleikans.
Með skírskotun til ofangreinds
hlýtur að vera kominn tími á nú-
verandi borgarstjórnarmeirihluta
samfylkingarflokkanna. Kórónan á
afglaparöðinni eru óraunhæf áform
hans um þéttingu byggðar í grón-
um hverfum borgarinnar. Bezta
leiðin til að koma í veg fyrir fleiri
skipulagsmistök er að fella úr sessi
hinn þegar fallna borgarstjóra og
að binda enda á núverandi meiri-
hlutasamstarf. Því miður er langt í
næstu kosningar en vegna hins
ótrúlega fjölda flokka virðist Sam-
fylkingunni takast að halda velli
með því að fjölga flokksbrotahækj-
um eftir því sem fylgið dalar.
Nú er endurtekin mistök í
skipulagsmálum bætast við fjár-
málaóreiðu og dæmalausa skatt-
píningu í höfuðborginni fyrirverður
greinarhöfundur, sem er inn-
fæddur Reykvíkingur, af for-
eldrum sem báðir voru innfæddir,
sig fyrir að búa í þessari borg ótt-
ans, þar sem virðingin fyrir rétti
og tilveru einstaklingsins er fótum
troðin af meirihlutavaldinu í
borgarstjórn Reykjavíkur. Horfnar
eru þær taugar, sem hann löngum
bar til fæðingarstaðarins. Flest
bendir til að búsetan væri betur
komin annars staðar, þar sem
stjórn sveitarfélagsins væri betur
hagað. Samkvæmt mælingum virð-
ist það vera víðast hvar.
Áróðursplagg borgarstjórnar-
meirihlutans um nýtt hverfaskipu-
lag fyrir Ártúnsholt, Árbæ og Sel-
ás fer því á sinn stað með
ruslpóstinum.
Eftir Sverri
Ólafsson » Það ætti að vera aug-
ljóst hverjum hugs-
andi manni, að skipulag
borgarhverfa er bezt
gert áður en þau eru
byggð.
Sverrir Ólafsson
Höfundur er viðskiptafræðingur.
sverrirolafs@simnet.is
Reykjavík, borg skipulagsslysa