Morgunblaðið - 21.02.2019, Síða 61

DÆGRADVÖL 61
MORGUNBLAÐIÐ FIMMTUDAGUR 21. FEBRÚAR 2019
Góð þjónusta í tæpa öld 10%afslátturfyrir 67 áraog eldri
Flugvallarþjónusta
BSR sér um að skutla þér út á flugvöll og aftur heim þegar þú ferð til útlanda.
5-8 manneskjur
19.500 kr.
1-4 manneskjur
15.500 kr.
Verð aðra leið:
Stjörnuspá
21. mars - 19. apríl 
Hrútur Þú hefur þörf fyrir ró og næði í
dag. Reyndu að minnka álag sem mest,
þér hættir til að hlaða of mörgum verk-
efnum á þig. Sumarið mun bjóða upp á
ævintýri.
20. apríl - 20. maí 
Naut Mundu sjaldan veldur einn þá tveir
deila. Smá ósætti kemur upp næstu vikur
en ekki taka það of alvarlega. Æskuvinur
hefur samband.
21. maí - 20. júní 
Tvíburar Takist þér að bæta andann innan
fjölskyldunnar eða heimilisins í dag þá er
það dágott dagsverk. Notaðu innsæi þitt til
að meta stöðuna í ástamálunum.
21. júní - 22. júlí 
Krabbi Það er ekki sjálfselska að næra
sköpunarþrána eins og margir vilja telja
þér trú um. Ef þú skipuleggur þig betur þá
getur þú sinnt öllu sem þig langar til.
23. júlí - 22. ágúst 
Ljón Það er engin ástæða til að láta hug-
fallast, þótt það verkefni, sem þú fæst við,
reynist eitthvað snúnara en þú áttir von á.
Hættu að afsaka þig, vertu bara eins og þú
ert.
23. ágúst - 22. sept. 
Meyja Það er engin ástæða til að draga
sig í hlé þótt hugmyndir þínar slái ekki í
gegn. Vinir þínir munu koma þér á óvart.
23. sept. - 22. okt. 
Vog Dagurinn í dag er alveg kjörinn fyrir
afþreyingu og sprell með smáfólkinu. Ekki
setja öll eggin í sömu körfuna. Félagslíf þitt
tekur fjörkipp.
23. okt. - 21. nóv.
Sporðdreki Sparsemi er dyggð en níska
ekki. Láttu aðra ekki þvæla þér í verkefni
sem þú innst inni ert mótfallin/n.
22. nóv. - 21. des.

Bogmaður Þú lætur í minni pokann til að
bæta upp eitthvað sem gerðist fyrir stuttu.
Rómantíkin svífur yfir vötnum og þér finnst
þú hafa hitt sálufélagann.
22. des. - 19. janúar 
Steingeit Farðu þér hægt í umgengni við
hitt kynið. Oft er flagð undir fögru skinni.
Þér verður boðið í brúðkaup sem verður
síðar á árinu.
20. jan. - 18. febr. 
Vatnsberi Þér liggur ekki lífið á að velja
næsta skref í viðkvæmu máli. Hafðu hug-
fast að ef þú ert tilbúin/n til að gefa af þér,
færðu það margfalt til baka.
19. feb. - 20. mars

Fiskar Þig vantar félaga til þess að fram-
kvæma með þér það sem þig dreymir um.
Gættu þess að fá nóga hvíld, þér hættir til
að sofa of lítið.
Eftir 12 ára útivist kom Þor-steinn Erlingsson heim til Ís-
lands sumarið 1895 og fór víða um
Suðurland, Borgarfjörð og Vestur-
land til að athuga bæjarrústir frá
söguöld. Dr. Valtýr Guðmundsson
fól honum þetta starf, sem kostað
var af auðmanni í Bandaríkjunum
sem þóttist hafa fundið rústir af
skálum hinna fornu Vínlandsfara
við Karlsá (Charles River), sem skil-
ur Cambridge frá Boston. Þótti
nauðsynlegt að athuga bæjarrústir
hér á landi til samanburðar. Í grein
Þorsteins Antonssonar í Lesbók
Morgunblaðsins 20. júní 1987 segir.
„Í dagbókum úr þessari Íslandsferð,
oft ritaðar úti við, t.d. í áningarstað
uppi á heiði, eru tvær vísur, blýants-
krot í bókum sem varla standa út út
hnefa; leiðin lá yfir Þingmannaheiði
og yrkir Þorsteinn:
Ekki er hún gamla tóa traust,
tarna er ljótur staður,
slarki ég þetta þrautalaust
þá er ég gæfumaður.
Þegar aftur er komið ofan fyrir
heiðarbrúnina yrkir Þorsteinn:
Þess eins bið ég guð ef ég á nokkra sál
og ef hann vill hirta hana í reiði
að senda hana í ís eða bik eða bál
en bara ekki á Þingmannaheiði.“
Ég held ég hafi áður sagt frá því í
Vísnahorni að í Þyrnum föður míns
er miði þar sem hann hefur skrifað
þessa stöku:
Þegar að vill heimur herja
og hjartað gerist ljóðaþyrst
alltaf Þyrnar Þorsteins verða
það sem höndin grípur fyrst.
Auðvitað naut ég þessa. Og
kannski hafa þetta verið fyrstu vís-
urnar sem faðir minn kenndi mér
eftir Þorstein:
Heyrðu snöggvast, Snati minn,
snjalli vinur kæri,
heldurðu ekki hringinn þinn
ég hermannlega bæri?
Lof mér nú að leika að
látúnshálsgerð þinni;
ég skal seinna jafna það
með jólaköku minni.
Jæja þá, í þetta sinn
þér er heimil ólin.
En hvenær koma, kæri minn,
kakan þín og jólin?
Þetta er óvenjuleg og skondin
vetrarstemmning hjá Magnúsi Geir
Guðmundssyni:
Kuldatíðin krumlusterka kreistir Frón.
Víða leggur vatn og lón,
virkilega fögur sjón.
Halldór Blöndal
halldorblondal@simnet.is
Vísnahorn
Bara ekki á
Þingmannaheiði
„ég er glaÐur, bara ekki
ByssuglaÐur.”
„hvaÐ viltu í hádegismatinn?”
Ferdinand
Hrólfur hræðilegi
Grettir
... að sjá glitta í
gullhjartað hans.
Í klípu eftir Mike Baldwin eftir Jim UngerHermann
SPARK!ROP – OG ÉG HÆTTI ALDREI AÐ VERA
KRÚTT!
ÉG HATA
ÞIG
HITINN HÉRNA INNI VAKTI MIG! OPNAÐIRÐU
GLUGGANN EINS OG ÉG BAÐ ÞIG UM?
ÉG
OPNAÐI
HANN!
ÞETTA ER
VANDAMÁLIÐ!
Víkverji er að mála nýju íbúðinasína. Fyrir fram hljómar það að
mála eins og eitt stykki íbúð eins og
maður geti bara smellt fingrunum
og þá sé nýr litur kominn á stofuna.
En nei. Það er ekki þannig. Svo illa
vildi til að fyrri eigandi var með laxa-
bleika veggi, enVíkverji er meira
svona fyrir að hafa veggina sína
hvíta. Þremur umferðum síðar er
íbúðin núna orðin föl-laxableik, og
Víkverji þarf að fara að kaupa meiri
málningu á veggina.
x x x
Svo er það hitt að Víkverji er ekkibeint málarameistari. Það,
ásamt þeirri staðreynd að hann er
með netta fullkomnunaráráttu,
þýðir einfaldlega að hann mun lík-
lega geta farið umferð eftir umferð
og alltaf séð á veggjunum hversu illa
hann málaði. Sér Víkverji fyrir sér
að íbúðin verði búin að minnka um
tvo fermetra hið minnsta þegar
málarastörfum lýkur, og má íbúðin
varla við því að minnka frekar.
x x x
Á endanum sér Víkverji fyrir sérað hann muni búa í þriggja fer-
metra fölfölfölfölfölfölbleikri músar-
holu, þar sem hann mun rétt svo
geta bograð um fyrir öllum lögunum
af málningu sem hann hefur sett á
loft og veggi íbúðarinnar. Sem betur
fer er Víkverji ekki hár í loftinu,
þannig að þetta sleppur allt saman.
x x x
Að öðru. Víkverji er farinn aðstunda það að hafa bara Bítla-
lagið „Hey Jude“ í gangi í geislaspil-
aranum í bílnum sínum. Lagið, sem
er sjö mínútna langt, reynist oft
grunsamlega heppilegt fyrir þann
innanbæjarakstur sem Víkverji
stundar. Þannig býr Víkverji tæpum
tveimur „Hey Jude“-um frá vinnu-
stað sínum, og líkamsræktarstöðin
hans er einu „Hey Jude“-i frá heim-
ilinu.
x x x
Það sem gerir lagið líka heppilegttil þessa aksturs er að skipting
lagsins við upphaf fjórðu mínútu
dettur oft skemmtilega inn. Hver fer
ekki að syngja af gleði þegar hann
sér vinnustað sinn? vikverji@mbl.is
Víkverji
Jesús sagði: „Hver sem ber ekki sinn
kross og fylgir mér getur ekki verið
lærisveinn minn“
(Lúk: 14.27)