Fréttablaðið - 20.07.2019, Blaðsíða 8

Fjöldamorð í Japan
Lögreglan í japönsku borginni Kyoto rannsakaði í gær framleiðsluhús teiknimyndaframleiðslufyrirtækisins Kyoto Animations sem brann á fimmtu-
dag. Lögreglu grunar að 41 árs gamall karlmaður sem sakaði fyrirtækið um ritstuld hafi kveikt í byggingunni og drepið 33 starfsmenn. NORDICPHOTOS/AFP
Fæst án lyfseðils í öllum apótekum www.florealis.is
Notkun fyrir konur, 18 ára og eldri: 2 töflur 2–4 sinnum á dag. Ekki nota Lyngonia
ef þú ert með einhverja truflun á nýrnastarfsemi. Notið ekki lengur en viku. Lesið
vandlega upplýsingar á umbúðum og fylgiseðli fyrir notkun lyfsins. Leitið til
læknis eða lyfjafræðings sé þörf á frekari upplýsingum um áhættu og auka–
verkanir. Sjá nánari upplýsingar um lyfið á www.serlyfjaskra.is.
Lyngonia við vægum
þvagfærasýkingum
Einstök lausn án sýklaly a
JAPAN Taro Kono, utanríkisráð-
herra Japans, kallaði sendiherra
Suður-Kóreu á fund til sín í gær. Þar
húðskammaði Japaninn sendiherr-
ann Nam Gwan-pyo fyrir að Suður-
Kórea hafi ekki samþykkt kröfu
Japana um að þriðji aðili dæmdi í
áratugagamalli deilu ríkjanna.
Málið snýst um bætur fyrir þá
Kóreumenn sem voru látnir vinna
nauðungarvinnu þegar Japan hélt
Kóreuskaganum frá 1910 til 1945.
Suðurkóreskur dómstóll úrskurð-
aði svo á síðasta ári að tvö japönsk
fyrirtæki þyrftu að greiða bætur en
Japansstjórn lítur svo á að málið
hafi verið til lykta leitt með undir-
ritun sáttmála árið 1965
Að sögn Kono höfðu Japanar
gefið Suður-Kóreumönnum frest
til fimmtudagsins til þess að sam-
þykkja kröfuna. Reuters greindi frá
því á fimmtudaginn að Japan íhug-
aði að leita til Alþjóðadómstólsins
og ekki lítur út fyrir að ríkin muni
útkljá málið án aðstoðar.
Sagði Kono að Suður-Kórea ætti
að leiðrétta úrskurð dómstólsins
hið fyrsta. „Það sem suðurkóresk
stjórnvöld gera nú er í raun að grafa
undan stoðum alþjóðasamfélagsins
eins og það hefur verið frá lokum
síðari heimsstyrjaldar.“
Nam svaraði fyrir ríki sitt og sagði
Suður-Kóreu vinna nótt sem nýtan
dag að því að skapa umhverfi þar
sem hægt væri að útkljá mál sem
þessi á þann hátt sem báðum ríkj-
um þætti þóknanlegur og myndi
ekki skaða tengsl ríkjanna. Suður-
Kórea hefði nú þegar lagt fram til-
lögur um hvernig hægt væri að ná
sáttum.
„Heyrðu mig nú,“ sagði Kono þá.
„Við höfum nú þegar sagt Suður-
Kóreumönnum að tillaga þeirra sé
algjörlega óásættanleg. Hún myndi
ekki laga ástandið þar sem brotið er
gegn alþjóðalögum. Það er gríðar-
lega ósvífið að leggja fram slíka til-
lögu á ný og þykjast ekki vita það,“
sagði ráðherrann en hvorugur
mannanna greindi frá því hvað fólst
í tillögunni.
Á sama tíma og þessi deila stend-
ur sem hæst hefur Japan þrengt
reglur um útf lutning á vörum til
Suður-Kóreu. Stjórnvöld í Japan
segja málin ótengd en þau hafa
reitt marga Suður-Kóreumenn til
reiði.
Þannig greindi Reuters frá því
í gær að verslunareigendur hefðu
fjarlægt allar japanskar vörur úr
hillum sínum og slökkviliðið í höf-
uðborginni Seúl sagði frá því að 78
ára gamall karlmaður hefði lagt bíl
sínum fyrir utan japanska sendiráð-
ið í gær og kveikt í bílnum meðan
hann sat í honum. Karlmaðurinn
lést af sárum sínum en greint hefur
verið frá því að faðir hans var einn
þeirra sem var látinn vinna nauð-
ungarvinnu í síðari heimsstyrjöld.
thorgnyr@frettabladid.is
Kastast í kekki á milli
Japans og Suður-Kóreu
Mikið ósætti er á milli Japans og Suður-Kóreu vegna úrskurðar um bætur
fyrir nauðungarvinnu síðustu aldar. Utanríkisráðherra Japans skammaði
suðurkóreska sendiherrann. Karlmaður stytti sér aldur í mótmælaskyni.
Utanríkisráðherrann og sendiherrann funduðu í gær. NORDICPHOTOS/AFP
Deilan snýst um bóta-
greiðslur til þeirra Kóreu-
manna sem látnir voru
vinna nauðungarvinnu á
síðustu öld.
BRETLAND Næsti forsætisráðherra
Breta, hvort sem það verður Boris
Johnson eða Jeremy Hunt, þarf að
drífa í því að taka ákvörðun um
þátt kínverska tæknirisans Huawei
í 5G-væðingu fjarskiptanets lands-
ins. Þessi afstaða var afrakstur
fundar upplýsinga- og
ör yg g ismá la nef nd a r
breska þingsins í gær.
Huawei hefur sætt
harðri gagnrýni og
þungum ásökunum
í Bandar ík junum.
Þar hefur fyrirtækið
verið sett á svartan
lista, í viðskiptabann,
og verið sakað um
að stunda njósnir fyrir kínversk
stjórnvöld. Bandaríkjamenn hafa
biðlað til bandamanna sinna um að
stunda ekki viðskipti við kínverska
risann.
Breska þjóðaröryggisráðið, sem
fráfarandi forsætisráðherra, Ther-
esa May, hefur stýrt, ákvað í apríl
að Huawei fengi ekki að koma að
mikilvægustu þáttum fjarskipta-
uppbyggingarinnar en endanleg
ákvörðun í málinu liggur hins vegar
ekki enn fyrir. Leiðtogaskiptin
hafa tafið ferlið, að því er
Reuters greinir frá.
„ S v o m i k i l v æ g
ák vörðun þar f nast
vandlegrar umhugs-
unar. En þessi mikla
töf er nú að valda
verulegum skaða. Hún
skaðar tengsl okkar
við umheiminn og því
er áríðandi að taka
ákvörðun,“ sagði í yfirlýsingu frá
nefndinni.
Þá sagðist nefndin enn fremur
telja heppilegast að f leiri aðilar
kæmu að 5G-væðingunni til að
fyrirbyggja árásir. – þea
Afstöðuleysi Bretlands í
Huawei-máli skaðlegt
GRIKKLAND Jarðskjálfti, 5,3 stig,
skall á g rísku höf uðborg inni
Aþenu í gær.
Samkvæmt gríska miðlinum
Kathimerini bárust engar til-
kynningar um alvarleg meiðsli eða
alvarlegt tjón á eignum en upptök
skjálftans voru um 23 kílómetra
norðvestur af borginni.
Rafmagn fór af og fjarskiptanet
urðu óvirk í ýmsum hverfum
borgarinnar eftir að skjálftinn
reið yfir. Að sögn breska ríkis-
útvarpsins, BBC, voru áhrifin mest
í miðborginni. Þurfti því að kalla út
slökkvilið til þess að bjarga fólki
– milli tíu og tuttugu manns – sem
hafði lokast inni í lyftum vegna raf-
magnsleysisins.
„Það er engin ástæða til þess að
hafa áhyggjur. Byggingar höfuð-
borgarinnar eru hannaðar til
þess að standa af sér mun öf lugri
skjálfta en þennan,“ sagði Efthym-
ios Lekkas, yfirmaður jarðskjálfta-
varnastofnunar Grikklands.
Biðlaði hann jafnframt til íbúa
Aþenu og nærliggjandi bæja að
örvænta ekki.
Þetta var fyrsti jarðskjálftinn
sem Aþenubúar finna fyrir frá því
í september 1999. Samkvæmt þeim
sérfræðingum sem BBC vitnaði til
átti skjálftinn nú upptök á nærri
sama stað og skjálftinn þá, það er
að segja við Parnitha-fjall.
Skjálftinn sem reið yfir fyrir
tuttugu árum var hins vegar mun
skaðlegri. 143 fórust og tugir þús-
unda bygginga skemmdust. – þea
Jörð skalf í
Aþenuborg
2 0 . J Ú L Í 2 0 1 9 L A U G A R D A G U R8 F R É T T I R ∙ F R É T T A B L A Ð I Ð
2
0
-0
7
-2
0
1
9

0
5
:0
2
F
B
0
7
2
s
_
P
0
6
8
K
.p
1
.p
d
f
F
B
0
7
2
s
_
P
0
6
5
K
.p
1
.p
d
f
F
B
0
7
2
s
_
P
0
0
5
K
.p
1
.p
d
f
F
B
0
7
2
s
_
P
0
0
8
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
3
7
3
-E
E
2
4
2
3
7
3
-E
C
E
8
2
3
7
3
-E
B
A
C
2
3
7
3
-E
A
7
0
2
7
5
X
4
0
0
.0
0
1
5
A

F
B
0
7
2
s
_
1
9
_
7
_
2
0
1
9
C
M
Y
K