Náttúrufræðingurinn - 2019, Qupperneq 56

Náttúrufræðingurinn
56
Rithöfundurinn og málarinn Errol
Fuller er einn þeirra sem hafa kannað
Geirfuglabókina. Stórvirki hans, Geir-
fuglinn,4 tekur við af öðru stórvirki,
geirfuglabók Symingtons Grieves sem
fyrst kom út árið 1885.5 Fuller segir í
sínu riti (bls. 378):
Áhugafólk um geirfuglinn hefur
yfirleitt ekki gert sér grein fyrir gildi
Geirfuglabókar Wolleys. Hún er ein
af merkustu heimildum sem völ er
á um líf og dauða geirfuglsins. Án
hennar hefðu nöfn eins og Vilhjálmur
Hákonarson, Sigurður Ísleifsson, Ketill
Ketilsson, Jón Brandsson og Sigríður
Þorláksdóttir horfið sporlaust á vit
gleymskunnar. Það er fyrst og fremst
John Wolley að þakka að varðveist
hefur haldgóð vitneskja um síðasta
leiðangurinn í Eldey í júní 1844.
Geirfuglinn sem Fuller tók saman er
ríkulega myndskreytt bók í stóru broti,
greinargott og ýtarlegt yfirlit um flest
það sem vitað er um geirfuglinn, og um
fuglshamina og eggin sem varðveist
hafa og til eru á söfnum víða um heim,
sögu þeirra og örlög.
TUNBRIDGE WELLS
Það var líklega geirfuglabók Fullers
sem vakti athygli mína á Geirfuglabók
Wolleys. Ég nota tækifærið þegar ég
held til Cambridge fyrir skömmu að
kanna skjöl sem varða Íslandsferð Wol-
leys og Newton, félaga hans, og tek járn-
brautarlest til Tunbridge Wells, skammt
fyrir sunnan London, þar sem Fuller býr.
Ég þarf að ræða við hann um síðustu geir-
fuglaferðirnar frá Suðurnesjum og dag-
bækur Wolleys. Fuller hefur aldrei komið
til Íslands en hann þekkir furðu vel til
geirfuglaskerja. Ég hafði spurnir af því að
Fuller hefði málað athyglisverðar myndir
af geirfuglum og ætti mikið safn minja
um geirfugla. Allt þetta langar mig að sjá.
Safn Fullers, ef safn skyldi kalla, er ekki
opið almenningi, en Fuller fellst á að veita
mér viðtal og sýna mér verk sín og safn.
Það er sunnudagur þegar mig ber
að garði, í byrjun desember, ys og þys
á lestarstöðvunum. Fuller tekur á móti
mér á stöðinni í Tunbrigde Wells og
leiðir mig inn í furðuveröld sem hann
hefur skapað á heimili sínu. Ég verð
ekki fyrir vonbrigðum. Einbýlishús
hans er þrjár hæðir og þar verður hvergi
þverfótað fyrir munum sem hann hefur
sankað að sér um ævina. Í fljótu bragði
sé ég ekkert skipulag í safninu og ég
efast stórlega um að eigandinn haldi
nákvæma skrá um hlutina sem skipta
þúsundum; á öllum hæðum ægir saman
uppstoppuðum fuglum, sjaldgæfum
eða útdauðum, fuglseggjum, uppstopp-
uðum öpum og fiskum, fornmunum,
glerskápum, hljóðfærum, steingerv-
ingum, höggmyndum, dýrabeinum,
bókum, handritum, skjölum og mál-
verkum. Í einum glerskápnum eru tugir
uppstoppaðra kólibrífugla sem hafa
verið haganlega festir á trjágreinar. Á
vegg í baðherbergi eru tveir risavaxnir
humrar í glerskápum, eins og þeir hafi
Geirfuglseggið í stofuskáp Errols Fullers. Ljósm. Gísli Pálsson.