Dagblaðið Vísir - DV - 01.03.2019, Blaðsíða 46

46 FERÐALÖG 1. mars 2019
Átta skemmtilegir hlutir
til að upplifa í
F
áar borgir búa yfir jafnmikl-
um töfraljóma og Havana
enda er saga borgarinn-
ar, og landsins, um margt
einstök. Havana er að breytast
hratt um þessar mundir og í ör-
væntingarfullri þrá til þess að
ná að upplifa borgina áður en
allt yrði breytt dögunum skellti
greinarhöfundur sér í ferðalag til
Kúbu ásamt fjölskyldu sinni. Hér
verða teknar saman nokkrar ráð-
leggingar og ábendingar til þess
að njóta Havana í botn.
Til stuðnings kúbversku
þjóðinni
Beint flug frá Bandaríkjunum
til Havana hófst í ágúst 2016.
Strangt tiltekið mega Bandaríkja-
menn, sem og einstaklingar sem
eru að ferðast frá Bandaríkjun-
um, ekki ferðast til Kúbu sem
ferðamenn. Ferðalangar þurfa
að uppfylla nokkur skilyrði, til
dæmis vera blaðamenn eða ferð-
ast af mannúðarástæðum. Á flug-
miðum okkar var skráð að við
værum að ferðast til stuðnings
kúbversku þjóðinni. Það kunni ég
vel að meta og hugsaði ég oft til
þess þegar kúbverskir sölumenn
og götulistamenn voru að plata
af manni krónurnar. Þá var tek-
ið fram að ekki mætti skipta við
hótel í eigu ríkisins, sem eru eig-
inlega öll hótel borgarinnar, og
því er ágætt að hafa það í huga.
Staðfestingarpappírarnir um það
voru þó ekki skoðaðir hjá okkur
í þessari för. Undirritaður forð-
ast við hvert tækifæri að hafa út-
prentaða flugmiða með í för og
notast yfirleitt við rafræna miða.
Það er þó ráðlagt að hafa papp-
írana til taks í þessari för því við
vorum krafin um staðfestingu á
að við ættum bókaða brottför frá
eyjunni.
Peningamálin eru flóknari á
Kúbu en víðast hvar annars stað-
ar. Tveir gjaldmiðlar eru í gangi,
kúbverskir pesóar fyrir heima-
menn (CUP) og kúbverskir pesóar
fyrir ferðamenn (CUC). Best er að
nota síðarnefnda gjaldmiðilinn
eingöngu en gengi hans er tengt
dollara – 1 CUC fyrir 1 USD. Þegar
komið er með peninga í dollur-
um inn í landið er þó tekinn 10%
skattur af aurunum sem og 4%
þóknun. Því er í raun viðunandi
að fá 0,86 CUC fyrir 1 USD hjá
hótelum og gjaldeyrisbröskurum
sem eru víða um borgina. Helstu
svikin sem ferðamenn lenda í er
að borga fyrir vörur eða þjónustu
með CUC og fá skiptimyntina til
baka í CUP en gengi þess miðils
er margfalt lægra. Það er ágætt að
vera vakandi fyrir því.
Við gistum á litlu gistiheimili í
Vedado-hverfi sem hét Elegancia
Suites og óhætt er að mæla með.
Aðeins fimm herbergi eru í boði
og þjónustan er afar persónuleg
og góð. Þetta er í raun eins og af-
slappaður griðastaður í þessari
ágengu borg og fær hæstu með-
mæli frá greinarhöfundi.
Havana er ótrúlega litrík og
lífleg borg og andstæðurnar eru
stundum lygilegar. Ef glæsihýsum
borgarinnar hefði verið haldið
við væri borgin líklega eins sú fal-
legasta og tilkomumesta í heimi.
Niðurníðslan sem blasir við á
hverju götuhorni hefur þó sinn
sjarma og gerir að verkum að Ha-
vana er paradís ljósmyndara. Það
er afar öruggt að rölta um borgina
og þrátt fyrir ágenga sölumennsku
og einstaka betlara þá eru Ha-
vanabúar einstaklega brosmildir
og hjálplegir í hverri raun.
Hér koma nokkrar hugmyndir
að skemmtilegum uppátækjum í
borginni.
Einn frægasti bar Havana-borgar er „El Floridita“ þar sem
Ernest Hemingway sat að sumbli tímunum saman og full-
yrti að besti daiquiri-kokteill veraldar væri framreiddur þar.
Hemingway situr enn við barinn því forláta stytta af rithöf-
undinum laðar nú að þyrsta ferðamenn. Þó að allt við stað-
inn æpi á mann að um túristagildru sé að ræða þá svífur þar
enn mikill sjarmi yfir vötnum. Því er að mörgu leyti algjör-
lega nauðsynlegt að setjast þar niður og bragða á einum
daiquiri. Jafnvel þó að verðið sé tvöfalt á við annars staðar og
margir staðir bjóði upp á betri útgáfu!
Í Vedado-hverfi borgarinnar er kirkjugarðurinn El Cementerio de
Cristobal Colon, sem var stofnaður árið 1876. Þetta er einn merki-
legasti kirkjugarður Suður-Ameríku og svipar nokkuð til La Recoleta
í Buenos Aires. Í Colon-garði eru um 500 hundruð grafhýsi, hvert
öðru glæsilegra, enda kepptust auðugir menn um að reisa sér að-
eins glæsilegri hvílustað en nágranninn. Eftir göngutúr um daginn er
kjörið að ganga um Vedado-hverfið og skoða ótrúleg glæsihýsin sem
prýða hverfið, mörg hver þó í niðurníðslu.
Stóri bróðir er víða á Kúbu og því eru
margir veitingastaðir í eigu ríkisins.
Sem mótvægi við þá eru svokallaðir
„paladar“ – veitingastaðir í einkaeigu.
Oft er um litla fjölskyldurekna staði að
ræða en sá stærsti og flottasti er La-
Guardia við Concordia-stræti. Aðkom-
an að staðnum er ansi sérstök – fyrsta
hæðin er í niðurníðslu og þegar gengið
er upp á að aðra hæð blasir við glæsi-
legur veislusalur. Hann er þó alveg
tómur fyrir utan nokkra stóla á strjáli.
Áfram er haldið upp á þriðju hæðina
og þar er glæsilegur veitingastaður sem
er einn sá vinsælasti í Havana. Vert
er að hafa í huga að nauðsynlegt að
panta með talsverðum fyrirvara borð.
Greinarhöfundur sendi fyrirspurn í
tölvupósti með löngum fyrirvara og
fékk þá sjálfkrafa svar um að staðfesting
gæti dregist því netsambandið ytra
væri svo stopult. Jákvætt svar barst svo
þremur vikum síðar!
Úti um alla borg má sjá Coco-taxa en um er að ræða bifhjól
sem er klætt með hlífðarskel sem minnir á hálfa kókoshnetu.
Þaðan er nafnið dregið. Hjólin eru yfirleitt ódýrari en leigu-
bílar og frábær valkostur þegar verið er að stökkva á milli
staða í borginni. Það er þrælskemmtilegt að sitja aftan á hjól-
inu og láta vindinn leika um hárið.
Hótel Nacional er frægasta hótel Kúbu og stendur á tignarlegum og
áberandi stað við El Malecon-breiðstrætið. Hótelið er í eigu ríkis-
ins og er eiginlega stofnun út af fyrir sig. Þar hafa mörg launráðin
verið brugguð. Það er engu líkt að setjast út í hótelgarðinn, panta sér
mojito og horfa yfir strandlengjuna.
Eitt af einkennismerkjum Havana eru amerísku glæsi-
kerrurnar frá miðri síðustu öld sem prýða götur bæjarins.
Nánast á hverju horni borgarinnar stendur til boða að kaupa
sér far í slíkri kerru og það er algjörlega nauðsynlegur hluti
af heimsókn til Havana. Gjaldið er hærra en fyrir hefðbund-
in leigubíl en hverrar krónu virði. Hægt er að fara í lengri eða
skemmri skoðunarferðir í slíkum bílum eða bara láta skutla
sér upp á hótel. Það er óviðjafnanleg reynsla að sitja í slíkum
vagni og bruna niður títtnefnt El Malecon-stræti.
Havana
Björn Þorfinnsson
bjornth@dv.is Havana er litrík
með afbrigðum
Heimsæktu
hina dauðu
Snæddu
kvöldverð á
LaGuardia
Mojito á Hótel
Nacional
Drekktu með
Hemingway
Á rúntinn í amerískri glæsikerru
Skelltu þér í Coco-taxi