Dagblaðið Vísir - DV - 01.03.2019, Blaðsíða 54

54 PRESSAN 1. mars 2019
að vitnis burður hennar næðist á
upptöku. Þá snöggreiddist Hildur
aftur og sagði hátt:
„Ég er ekki þroskaheft.“
Þá heyrðist frá vinkonu hennar
sem sat meðal áheyranda:
„Heyr, heyr.“
Meðal annarra spurninga var
hvort hún myndi eftir að hafa
farðað fórnarlambið. Svaraði þá
Hildur: „Geturðu lýst þessu nán-
ar. Meinarðu hvernig ég málaði
hann?“ Hún sagðist svo hafa gef-
ið sér góðan tíma í að farða hann,
enda hefði hann verið með sér-
þarfir. Hún sagðist svo sjálf vera
fórnarlamb ofbeldis og að hún
vildi ekki tengjast „svona fólki“.“
Á meðal þeirra sem báru vitni í
málinu var hárgreiðslumaðurinn
og stílistinn Karl Berndsen. Hann
var beðinn um að lýsa sinni að-
komu að málinu.
Hann hefði komið inn á Bjútí-
bar og þá séð ungan mann sitja í
sófa frammi í biðstofu.
„Þeir voru komnir inn þegar ég
kom. Annar þeirra lá í sófanum
frammi á biðstofu og mér fannst
það mjög undarlegt. Þeir voru
einu viðskiptavinirnir á stofunni
og ég veitti þeim kannski sérstaka
eftirtekt út af útliti þeirra.“
Hann sagði þá þannig útlít-
andi að þeir væru ekki eftirsóknar-
verðir kúnnar. Aðspurður sagðist
hann ekki hafa tekið eftir áverk-
um á fórnarlambinu og ekki tekið
eftir því að það væri þar gegn eig-
in vilja.
„Þeir litu út fyrir að vera vinir,“
sagði Karl.
Farsi Kio Briggs
Í september árið 1998 kom til
landsins frá Bretlandi maður að
nafni Kio Briggs. Hann átti eftir að
verða einn dáðasti sakamaður á Ís-
landi. Hann var dæmdur í héraðs-
dómi í sjö ára fangelsi fyrir smygl
á rúmum 2000 e-töflum. Hann var
síðan sýknaður í Hæstarétti.
Kio Briggs harðneitaði að hafa
vitað um töflurnar í töskunni og
sagðist vera kominn til Íslands til
að leita sér að plássi á togara. Var
hann viss um að töflunum hefði
verið laumað í íþróttatösku hans. Í
bókinni Ísland í aldanna rás segir:
„Þá höfðu fundist í vasa á
stuttbuxum í tösku hans
teikningar af aðstæðum
í komusalnum í Leifs-
stöð. Inn á teikningarnar
var merkt hvar löggæslu-
menn hefðu aðsetur. En
Kio Briggs stóð enn fastur
á sínu og sagðist aldrei
hafa séð þessar teikn-
ingar áður né heldur
stuttbuxurnar.“
Á meðan Kio Briggs
beið dóms varð hann
fjölmiðlastjarna á Ís-
landi. Í Ísland í aldanna
rás segir:
„Ótal viðtöl voru tek-
in við hann og vöktu þau
mikla athygli. Maður-
inn var enda fjallmyndarlegur og
tilfinningaríkur með ágætum og
ekki laust við að ýmsir hrærðust
til meðaumkunar þegar hann lýsti
því fjálglega hve kramið hjarta
hans væri yfir því að hafa setið svo
lengi saklaus í fangelsi.“
Þann 30. júní 1999 var kveðinn
upp dómur yfir Kio Briggs í hér-
aðsdómi. Farið var ítarlega yfir
málið og meðal annars mátaði
Kio Briggs frammi fyrir dómnum
stuttbuxur þær sem teikningarnar
af Leifsstöð höfðu fundist í. Hélt
hann því fram að þær væru of
stórar á sig sem sannaði að hann
ætti ekkert í þessum buxum. Þar
eð Kio Briggs var maður afar há-
vaxinn var vont að vita hvaða tröll
kynni þá að hafa átt þessar stutt-
buxur. En eftir að hafa virt Kio fyrir
sér íklæddan stuttbuxunum var
niðurstaða dómaranna sú ein að
því yrði ekki slegið föstu að full-
yrðing hans væri röng. Má segja að
þarna hafi verið leikinn sami leik-
ur og í máli O.J. Simpson í Banda-
ríkjunum sem látinn var máta leð-
urhanska í réttarsal. Í stuttu máli,
þá var Kio Briggs sýknaður. Í Ís-
land í aldanna rás segir:
„Kio Briggs brást ekki aðdáend-
um sínum með óhaminni gleði
sinni í réttarsalnum þegar sýknu-
dómurinn hafði verið kveðinn
upp.“ Hrópaði hann upp yfir sig af
gleði og féll í fang lögmanns síns
sem virtist þykja framganga skjól-
stæðingsins heldur vandræðaleg.
Kio Briggs var einnig sýknaður í
Hæstarétti. Hann fór síðan fram á
bætur fyrir að hafa setið í marga
mánuði í gæsluvarðhaldi. Líklegt
er að Kio Briggs hefði fengið ein-
hverjar bætur, en það breyttist allt
þegar hann var handtekinn í Dan-
mörku fyrir að smygla e-töflum.
Helgi Jóhannesson, lög-
maður Kio Briggs, sagði
í samtali við DV um mál-
ið að sýknudómurinn
yfir Kio væri eitt af hans
mestu afrekum á ferlin-
um. Helgi sagði:
„Þetta var og er enn
mjög í minnum haft og
hef ég oft sagt að þetta
sé næstfrægasta saka-
mál Íslandssögunnar á
eftir Njálsbrennu. Enn
þann dag í dag, 19 árum
síðar, eru menn að minn-
ast á þetta mál enda vakti
málið og ákærði mikla
athygli hér á landi á þess-
um tíma.“
Auðir bleðlar sem breytast í
evrur
Sunday Osemwengie og Nosa Ehi-
orobo, Nígeríumenn búsettir á
Spáni, voru stöðvaðir á Keflavíkur-
flugvelli með 100 þúsund evrur í
reiðufé 17. mars árið 2006. Í þeirra
fórum fundust einnig hvítir miðar
í peningaseðlastærð, joð, vaselín,
einnota hanskar, álpappír og flú-
orlampi.
Þeir voru ákærðir fyrir fjársvik
og dæmdir til 15 mánaða fangels-
isvistar þann 28. apríl sama ár fyrir
að hafa haft peningana af íslensk-
um feðginum sem þeir höfðu ver-
ið í sambandi við fyrir komuna.
Faðirinn pantaði leiguíbúð fyrir þá
og dóttirin greiddi fyrir kvöldverð.
Þann dag lögðu þau níu milljónir
króna inn á reikning sem voru
teknar út í evrum samdægurs.
Sögðust mennirnir geta þrefaldað
fjárhæðina með efnahvarfi en
innan löggæslunnar er talað um
„Black Money Fraud“. Dómurinn
fór ekki fyrir Hæstarétt.
Sveinn Andri og Vilhjálmur
H. voru verjendur Nígeríu-
mannanna. Þeir voru ákærðir og
dæmdir fyrir fjársvik með því að
hafa sannfært íslenska fjölskyldu
um að mörg búnt af hvítum bleðl-
um væru í raun evrur sem aðeins
þyrfti að hafa í bréfpoka og sprauta
í pokann tilteknum vökva sem þeir
voru með, þá myndi hvíta duftið
fara af evrunum.
Um væri að ræða eina milljón
evra sem þeir sannfærðu Ís-
lendingana um að kaupa á 100.000
evrur. Það tæki efnið átta klukku-
stundir að hvarfast í burtu. Það
var akkúrat sá tími sem félagarn-
ir töldu sig þurfa til að komast úr
landi.
Dómarinn í málinu hafði á orði
að væri heimska refsiverð, þyrftu
fórnarlömbin í málinu að dúsa
lengi í fangelsi.
Ástþór og tómatsósan
Ástþór Magnússon, forsetafram-
bjóðandinn fyrrverandi, sprautaði
úr tómatsósu í húsakynnum Hér-
aðsdóms Reykjavíkur í maí 2005.
Veittist Ástþór að ljósmyndara DV
og sprautaði úr tómatsósuflösku í
átt til hans.
„Við þurfum að taka á þessu
tómatsósumáli,“ sagði Barbara
Björnsdóttir, skrifstofustjóri Hér-
aðsdóms Reykjavíkur. Ástþór kom
fyrir héraðsdóm þegar tekið var til
aðalmeðferðar m ál sem Lögreglu-
stjórinn í Reykjavík höfðaði gegn
honum. Ástþóri var gefið að sök
að hafa þrifið stafræna myndavél í
eigu Flugblaðs Iceland Express og
mölbrotið hana inni á skemmti-
staðnum Glaumbar.
Ljósmyndari DV var í hér-
aðsdómi og þegar hann hugðist
mynda Ástþór á leið inn í dóm-
sal rann á Ástþór æði. Hann veitt-
ist að ljósmyndaranum vopnað-
ur Hunt’s-tómatsósubrúsa og hóf
að sprauta í átt til ljósmyndarans.
Starfsfólk dómsins segir að gólf
og veggir hafi verið „löðrandi“ í
tómatsósu, svo langan tíma tók
að þrífa upp eftir forsetaframbjóð-
andann fyrrverandi.
Þetta var ekki í fyrsta skipti sem
framkoma Ástþórs í dómsölum
vekur athygli. Ekki heldur fyrsta
skiptið sem tómatsósa kemur við
sögu. Hann mætti eitt sinn útbíað-
ur í tómatsósu þegar hann þurfti
að svara fyrir tölvupóst þar sem
hann varaði við mögulegum árás-
um hryðjuverkamanna á Ísland.
Eitt sinn mætti Ástþór í hér-
aðsdóm klæddur í jólasveinabún-
ing en athygli vakti að í það skiptið
hafði hann samband við blaða-
ljósmyndara og lét vita af fyrirhug-
uðu uppátæki sínu í von um að
það yrði fest á mynd.
Afstaða Ástþórs til ljósmynda-
töku í húsakynnum héraðsdóms
hafði þarna breyst því í næstu tvö
skipti sem hann mætti þangað,
veittist hann að ljósmyndurum. n
Mottur setja punktinn yfir i-ið á heimilinu.
Persía er sérdeild innan Parka með stök teppi og mottur.
Við bjóðum upp á sérvalin handhnýtt austurlensk teppi og fjölbreytt
úrval af vönduðum vélofnum gervi- og ullarteppum.
Bjóðum aðeins það besta fyrir þig.
Parki ehf. • Dalvegi 10-14 • 201 Kópavogi • www.parki.is • parki@parki.is • sími: 595 0570
VIÐARPARKET • UTANHÚSSKLÆÐNINGAR • VÍNYLPARKET • FLÍSAR • HURÐIR • TEPPI • KERFISLOFT • HARÐPARKET • INNRÉTTINGAR
Karl Berndsen