Dagblaðið Vísir - DV - 01.03.2019, Blaðsíða 62

62 FÓKUS 1. mars 2019
q
20% afsláttur!
www.igf.isFlokkaðu HÉR
af flokkunarílátum
út febrúar
FLISSAR EKKI Í GEGNUM FERTUGSALDURINN
L
eikarinn Steinþór Hróar Steinþórsson, sem er
þekktur sem Steindi jr., er hættur að sprella.
Að minnsta kosti í bili. Samkvæmt til­
kynningu á Instagram ætlar hann að
einbeita sér að nýrri heimildaseríu um fólk­
ið í landinu sem sýnd verður næsta haust.
Mun leikarinn taka að sér nýtt og alvar­
legra hlutverk hjá Stöð 2.
„Góðir landsmenn. Allt mitt líf hef­
ur snúist um grín, ég hef skrifað og leik­
ið í ótal sjónvarpsþáttum, áramótaskaup­
um og öðru gríntengdu efni. Nú er kominn
tími til að breyta til og hætta þessu eilífðar
sprelli. Það er ekki manni á mínum aldri
sæmandi að ætla að flissa sig í gegnum
fertugsaldurinn,“ ritar Steindi, en
það þarf vart að kynna
þann urmul af
sjónvarpsefni
sem leikarinn
hefur birst í,
líkt og Stein­
danum
okkar og
áramótaskaupinu.
„Núna langar mig að venda kvæði mínu í kross,
leggja trúðsnefið á hilluna í bili og fá að
kynnast ykkur, fólkinu í landinu.
Fólkinu sem ræktar radísur í
glugganum heima hjá sér, mál­
ar geymsluna sína í flippuðum
lit, safnar skiptimiðum og álfelg­
um og maxar visakortin sín á
Tenerife á hverju sumri,“ skrif­
ar Steindi sem sem landaði
Edduverðlaunum í fyrra fyrir
dramatískt hlutverk sitt í Und­
ir trénu.
„Þetta fólk vil ég hitta í nýrri
sjónvarpsseríu sem verður sýnd
á stöð 2 á næstunni. Sjáumst
á skjánum eða jafn­
vel fyrr því hver
veit nema ég
banki upp á
hjá þér með
myndavél
og míkró­
fón. Ást
og hlýja,
Steinþór.“
SÓLLILJA OG JÓN VIÐAR HÆTT SAMAN
S
tjörnuparið Jón Viðar
Arnþórsson og Sóllilja
Baltasarsdóttir er hætt
saman eftir tveggja ára
ástarsamband. Það vakti mikla
athygli þegar parið hóf að draga
sig saman á sínum tíma, ekki síst
vegna þrettán ára aldursmunar.
Jón Viðar hafði þá nýlega skil­
ið við barnsmóður sína, leikkon­
una Ágústu Evu Erlendsdóttur.
Hann er ekki síst kunnur fyrir
samstarf sitt við bardagakappann
Gunnar Nelson og saman stóðu
þeir að einu vinsælasta íþróttafé­
lagi landsins, Mjölni. Sóllilja hefur
getið sér gott orð sem hönnuður
og ljósmyndari.
Parið kom saman að gerð
Ófærðar 2 sem faðir Sóllilju,
Baltasar Kormákur, hafði veg og
vanda að. Sóllilja fór þar með lítið
hlutverk björgunarkonu og Jón
Viðar kom við sögu sem sérsveitar­
maður í síðasta þætti sjónvarps­
seríunnar.
Á dögunum var greint frá því
að Baltasar Kormákur og eigin­
kona hans til tuttugu ára, Lilja
Pálmadóttir, væru skilin að borði
og sæng. Feðginin geta því eflaust
veitt hvort öðru stuðning á þessum
krossgötum í lífi þeirra.
FJÖLGUN HJÁ BIRGITTU LÍF
L
angþráð tímamót eru
framundan um helgina hjá
World Class­prinsessunni
Birgittu Líf. Þá mun hún fá
hvolpinn Baby Bellu í hendurnar.
Áður átti Birgitta Líf tíkina Bellu
sem drapst fyrir nokkru síðan.
Var hún harmdauði öllum sem til
hennar þekktu. Reikna má með að
Baby Bella muni verða augasteinn
móður sinnar.