Dagblaðið Vísir - DV - 14.06.2019, Blaðsíða 18
18 UMRÆÐA
Sandkorn
14. júní 2019
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
Aðalnúmer: 512 7000
Auglýsingar: 512 7050
Ritstjórn: 512 7010
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson
Framkvæmdastjóri: Karl Garðarsson Ritstjóri: Lilja Katrín Gunnarsdóttir
Fréttastjóri: Kristinn Haukur Guðnason Prentun: Landsprent Dreifing: Árvakur
Suðurlandsbraut 14
2. hæð
108 Reykjavík
FRÉTTASKOT
512 7070
ABENDING@DV.IS
A
llar líkur eru á að Boris Johnson verði næsti formaður Íhalds-
flokksins í Bretlandi og þar með forsætisráðherra landsins
þar sem flokkurinn leiðir ríkisstjórn. Boris hefur verið fráfar-
andi forsætisráðherra, Theresu May, óþægur ljár í þúfu og fer
fremstur í flokki Brexit-sinna.
Johnson fékk langflest atkvæði í annarri umferð atkvæðagreiðslu
flokksins og eru nú aðeins sjö frambjóðendur eftir. Johnson fékk alls
114 atkvæði en í öðru sæti var Jeremy Hunt með 43. Nýr formaður tek-
ur við þann 22. júlí næstkomandi. En hver er Boris Johnson?
Nefndur eftir sovéskum flóttamanni
Fullt nafn hans er Alexander Boris de Pfeffel Johnson. Hann er fæddur
þann 19. júní árið 1964 á Manhattan-eyju í New York. Foreldrar hans
eru albreskir en Johnson er engu að síður með tvöfalt ríkisfang, breskt
og bandarískt. Hann var nefndur Boris eftir sovéskum flóttamanni
sem foreldrar hans þekktu.
Johnson er af efnuðu fólki kominn og gekk í fínan einkaskóla. Fimm
ára gamall flutti hann með fjölskyldu sinni til Lundúna en um tíma bjó
fjölskyldan í Brussel þar sem faðir hans, Stanley, starfaði fyrir Evrópu-
ráðið. Sem barn glímdi hann við heyrnarskerðingu en gekk þó einstak-
lega vel í tungumálanámi.
Eins og margir ungir menn á framabraut gekk Johnson í bæði Eton
og Oxford. Þar varð hann vinsæll og þótti einstaklega vel máli farinn.
Hann lék ruðning, gekk í bræðralag og varð forseti stúdentafélagsins.
Á háskólaárunum kynntist hann Allegru Mostyn-Owen, sem var af
aðalsættum, og fljótlega trúlofuðust þau. Eftir útskrift árið 1987 giftu-
st Johnson og Mostyn-Owen en hjónabandið varði aðeins í sex ár. Árið
1993 kvæntist hann lögmanninum Marinu Wheeler en þau standa nú
í skilnaði. Johnson á alls fimm börn.
Uppáhaldsblaðamaður Margrétar Thatcher
Eftir útskrift hófst ferill Johnson sem blaðamaður og þar átti hann eft-
ir að verða áberandi og umdeildur. Árið 1987 var hann rekinn frá dag-
blaðinu The Times eftir að hafa falsað tilvitnun en fékk þá starf hjá The
Daily Telegraph, sem gjarnan er flokkað á hægri vængnum. Þar byrjaði
hann að láta stjórnmálaskoðanir sínar í ljós, sérstaklega efasemdir um
veru Bretlands í Evrópusambandinu. Varð hann að uppáhaldsblaða-
manni forsætisráðherrans Margaret Thatcher. Á níunda áratugnum
var Johnson þekktur fyrir pólitíska pistla sína og sýndi áhuga á að
bjóða sig sjálfur fram til embættis.
Árið 2001 var Johnson kjörinn á breska þingið og endurkjörinn árið
2005. Á sínum þingmannsferli komst hann nokkrum sinnum í slúður-
blöðin fyrir meint framhjáhöld og barneignir utan hjónabands.
Klaufalegur borgarstjóri
Johnson var óvænt kjörinn borgarstjóri Lundúna árið 2008 og bar sig-
urorð af „Rauða“ Ken Livingstone. Kosningabaráttan byggðist á að ná
til úthverfafólks og beita sér fyrir fækkun glæpa og uppfærðu vegakerfi.
Ýmis ummæli voru hins vegar dregin fram í dagsljósið sem verða að
teljast rasísk og niðrandi í garð samkynhneigðra.
Árið 2012 var hann endurkjörinn en þá var hann orðinn þekktur
utan landsteinanna. Fólki fannst eitthvað sniðugt við þennan ljós-
hærða og úfna klaufabárð sem elskaði ruðning.
Beið síns tíma
Johnson kom aftur inn á þingið árið 2015, en þá hafði David Camer-
on forsætisráðherra gefið loforð um þjóðaratkvæðagreiðslu um veru
landsins í Evrópusambandinu. Johnson hljóp að sjálfsögðu á „Brexit-
-vagninn“ gegn formanninum.
Eftir að úrslit kosninganna voru ljós hrökklaðist
Cameron frá völdum og nýr forsætisráðherra,
Theresa May, gerði Johnson að utanríkisráð-
herra. En vandræði stjórnarinnar með að
leysa hnútinn hafa engum dulist og harð-
línu Brexit-sinnar eins og Johnson óánægð-
ir með stefnu May. Í júlí í fyrra sagði
Johnson af sér embætti. Síðan þá
hefur hann setið á meðal „bak-
bekkjunga“ eða valdalítilla þing-
manna og beðið eftir að stóll-
inn hryndi undan May. Það
er nú að raungerast og tími
Johnson að renna upp. n
Nýtt umferðarmerki
Drög að reglugerð um
breytingu á reglugerð um um-
ferðarmerki og notkun þeirra
voru birt á samráðsgátt og er
nú umsagnarfrestur liðinn.
Engar umsagnir bárust og
verður nú unnið úr málinu.
Samkvæmt drögunum verður
nýju umferðarmerki bætt við
í 13. grein sem fjallar um veg-
vísa. Á umrætt merki að nota
til að gefa til kynna að um-
ferð á veg sem merkið er við
fari um ferðamannaleið sem
tengir saman við áhugaverða
áfangastaði sem hafa sögulegt,
menningarlegt eða fagurfræði-
legt gildi.
Merkið verður rétthyrndur fer-
hyrningur, 500 millimetrar á
breidd og 600 millimetrar á
hæð. Á því verður merki við-
komandi ferðamannaleiðar á
hvítum grunni og með brúnum
ramma.
Sjálfstæðisflokkurinn
heldur ESB-dyrunum
opnum
Bráðlega fagnar umsókn Ís-
lands að Evrópusambandinu
tíu ára afmæli sínu en hún var
samþykkt á Alþingi þann 16.
júlí árið 2009 en var síðan sett
á ís. Árið 2013 komst Sjálfstæð-
isflokkurinn í ríkisstjórn og
hefur verið þar síðan og hefur
formaðurinn, Bjarni Benedikts-
son, lýst því yfir að umsóknin
verði ekki stöðvuð án þjóðarat-
kvæðagreiðslu.
Eins og frægt er fór Gunnar Bragi
Sveinsson, þáverandi utanríkis-
ráðherra Framsóknarflokksins,
í erindisleysu árið 2015 til að
stöðva umsóknina.
Nú eru þrír flokkar, sem allir
eru á móti aðild, að minnsta
kosti á pappírunum, að sam-
bandinu við völd og samkvæmt
könnunum nýtur umsókn-
in ekki velvildar þjóðarinnar.
Engu að síður kemst málið ekki
á dagskrá. Ætla má að forysta
Sjálfstæðisflokksins vilji því
halda dyrunum opnum þar til
réttar aðstæður skapast.
LOF & LAST – Erik Hamrén og Miðflokkurinn
Erik Hamrén
Lof vikunnar fær Erik Hamrén landsliðsþjálfari karlalandsliðsins í knattspyrnu.
Alger viðsnúningur hefur orðið á gengi liðsins undanfarið. Eftir tvo góða sigra í
júní á Laugardalsvelli á liðið skyndilega góða möguleika á að komast upp úr
riðlinum í undankeppni Evrópumeistaramótsins. Þegar illa gekk fékk Hamrén
harða gagnrýni og því er verðskuldað að hann fái lofið núna.
Miðflokkurinn
Aftur stefnir í málþóf á Alþingi í boði Miðflokksins. Þingmenn flokksins raða sér nú á
mælendaskrá í umræðu um frumvarp um loftslagsmál og tilgangurinn er augljós, rétt
eins og í umræðunni um þriðja orkupakkann. Virðist þetta gert til þess eins að
reyna að rífa upp fylgið í kjölfar Klaustursmálsins. Það gekk vel í upphafi en
hefur nú snúist í andhverfu sína. Aðgerðir gera því ekkert nema að minnka
virðingu þeirra sjálfra.
M
Y
N
D
: E
Y
Þ
Ó
R
/D
V
Austurvöllur Heitur dagur fyrir menn og dýr.
Boris færist nær