Dagblaðið Vísir - DV - 21.06.2019, Blaðsíða 18

18 UMRÆÐA
Sandkorn
21. júní 2019
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
Aðalnúmer: 512 7000
Auglýsingar: 512 7050
Ritstjórn: 512 7010
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson
Framkvæmdastjóri: Karl Garðarsson Ritstjóri: Lilja Katrín Gunnarsdóttir
Fréttastjóri: Kristinn Haukur Guðnason Prentun: Landsprent Dreifing: Árvakur
Suðurlandsbraut 14
2. hæð
108 Reykjavík
FRÉTTASKOT
512 7070
ABENDING@DV.IS
Foreldrar í fangelsi
S
vokallað tálmunarfrumvarp
hefur reglulega skotið upp
kollinum í umræðunni síð-
ustu misserin. Í stuttu máli
felst það í því að foreldri sem tálm-
ar umgengni hins foreldrisins við
barn geti verið sektað eða fang-
elsað í allt að fimm ár. Frumvarp-
ið hefur verið harðlega gagnrýnt
af stofnunum og samtökum sem
vinna með börnum. Hópurinn
Aktívistar gegn nauðgunarmenn-
ingu segir til að mynda í umsögn
um frumvarpið að ef þetta frum-
varp yrði að lögum yrði það kúg-
unartæki ofbeldismanna. Samtök
um kvennaathvarf, Umboðsmað-
ur barna og Barnavernd draga í efa
að það að fangelsa annað foreldrið
fyrir tálmun geri illt verra þar sem
með því sé verið að takmarka um-
gengni þess foreldris við barnið.
Þeir sem styðja frumvarpið
grípa ávallt til þeirra raka að nú-
verandi fyrirkomulag sé ekki nógu
gott og tryggi ekki að barn njóti
samvista við báða foreldra sína
eins og kveðið er á um í barnasátt-
mála Sameinuðu þjóðanna. Mér
finnst hins vegar langt frá því að
vera nóg að taka aðeins þá grein
í sáttmálanum út fyrir sviga, því
þessi sáttmáli, sem Íslendingar
hafa ákveðið margoft að beinlín-
is hundsa, inniheldur svo mikið,
mikið meira.
Jú, vissulega á barn rétt á að
umgangast báða foreldra sína
nema, og það er stórt NEMA, það
stríði gegn hagsmunum barnsins.
Það eru nefnilega ekki allir foreldr-
ar góðir, því miður. Sumar mæð-
ur eru vondar og sumir feður eru
vondir. Sumir foreldrar eru góðir
en ekki hæfir til að ala upp börn,
til dæmis vegna geðraskana eða
fíknar. Sumir foreldrar nota börn
sem vopn í forræðisdeilum því
það er tap að glata barni. Og það
vill enginn tapa og vera lúser.
Eitt sinn kom maður að máli við
mig sem átti börn með konu sem
beitti hann ofbeldi. Hann gat ekki
fært sönnur á ofbeldið því það var
mestmegnis andlegt. Hún hafði
lagt hendur á hann einu sinni en
honum fannst ummerkin ekki
réttlæta læknisheimsókn, hvað þá
áverkavottorð. Hann var þjakað-
ur af skömm. Við skilnaðinn lét
hann hafa sig út í að gera forsjár-
samning við barnsmóðurina sem
þýddi að börnin nutu jafnra sam-
vista við báða foreldra. Börnin fóru
að sýna fleiri og fleiri merki þess að
ekki væri allt með felldu á heimili
móðurinnar þannig að maðurinn
leitaði sér ráðgjafar um hvort hann
gæti farið í gegnum sýslumann
og fengið að minnka umgengni
hennar við börnin. Ráðgjafinn
hlustaði af athygli og samúð en
réði honum hins vegar frá því að
reyna að fá börnin alfarið til sín. Af
hverju? Barnsmóðirin leit betur út
á pappírum. Börnin voru tekin út
fyrir sviga.
Þetta er bara ein saga af mörg-
um um hvernig börnum er í sífellu
kippt út fyrir sviga þegar verið er
að gambla með velferð þeirra og
framtíð. Nema náttúrulega þegar
um er að ræða agnarsmá fóstur í
móðurkviði. Þá verður líf barns allt
í einu það mikilvægasta í heim-
inum meðal ráðamanna þjóðar-
innar. Ljóst er að núverandi fyr-
irkomulag er ekki nógu gott en
nákvæmlega hvaða vanda leysir
það að fangelsa foreldri sem tálm-
ar umgengni? Þessi vandi og deil-
ur þar sem börn koma við sögu eru
svo miklu flóknari en svo að hægt
sé að veifa töfrasprota og leysa
málin með þessum hætti. Nú væri
því ráð að henda þessum sviga í
ruslið, hlúa að börnum sem virð-
ast missa volduga talsmenn sína
um leið og þau þrýstast út úr móð-
urkviði og setja kraft í að bjarga
börnunum sem geta ekki bjargað
sér sjálf. n
Leiðari
Lilja Katrín Gunnarsdóttir
lilja@dv.is
Misheppnuð aðferð
Þegar Miðflokkurinn hóf sitt
málþóf um þriðja orkupakkann
virtist tiltækið ætla að virka.
Hreyfing myndaðist í kring-
um andstöðuna, fylgið reis og
það sem mestu máli skipti, það
fennti hratt yfir Klaustursmálið.
Miðflokksmenn voru vígreifir
og gerðu sig líklega til að beita
sömu aðferð í öðrum málum;
kjötmálinu, sameiningu Seðla-
bankans og Fjármálaeftirlits-
ins, jafnvel málinu um kynrænt
sjálfræði. Öll mál skyldi stoppa
með leiðindum og ofbeldi.
En sverðið reyndist tvíeggja.
Umræðan varð stöðugt nei-
kvæðari og að lokum byrjaði
fylgið að síga. Almenningur
kann ekki við þessi vinnubrögð
og Miðflokksmenn sáu fram á
að sogast ofan í hyldýpi í sum-
arhitanum. Stjórnarliðar unnu
störukeppnina og nú þurfa
Miðflokksmenn að finna sér
nýtt vopn.
Vafasöm fjöl-
miðlanefnd
Fjölmiðlanefnd
hefur nú úr-
skurðað að frétt
sem birtist á Vísi
hafi brotið í bága
við lög um fjöl-
miðla. Í téðri
frétt voru höfð eftir ummæli
sem höfðu áður birst opinber-
lega, það er að segja á samfé-
lagsmiðlum.
Verður þessi vegferð nefndar-
innar að teljast undarleg í besta
falli og hættuleg í versta. Að
nefnd á vegum ríkisins taki sér
þetta vald og setjist í sæti dóm-
ara.
Þeir sem telja á sér brotið hafa
aðrar færar leiðir til að leita
réttar síns. Það er að kæra til
siðanefndar Blaðamannafé-
lagsins eða til dómstóla. Eftir
þennan úrskurð munu væntan-
lega margir telja þessa leið bet-
ur færa til þess að fá þá niður-
stöðu sem þeir óska og mun
kærum til fjölmiðlanefndar að
öllum líkindum rigna inn. Fyr-
ir nefndarmenn sjálfa er þetta
góð leið til þess að halda sér á
fjárlögum.
Spurning vikunnar Hefur þú áhyggjur af loftslagsbreytingum?
„Já, maður er náttúrulega að hugsa um þær.“
Margrét Þorkelsdóttir
„Ekkert
stórvægilegar, nei.“
Dagný Kristinsdóttir
„Já.“
Friðrik Jónsson
„Já.“
Heiðar Arnkelsson
MYND: EYÞÓR ÁRNASON
Sumarsólstöður Hér sést sólin kyssa sjón-
deildarhring með útsýni yfir Faxaflóa og Akrafjall.