Morgunblaðið - 24.05.2019, Blaðsíða 2

2 MORGUNBLAÐIÐ FÖSTUDAGUR 24. MAÍ 2019
Útgefandi Árvakur Umsjón Marta María Jónasdóttir mm@mbl.is Blaðamenn Ásgeir Ingvarsson ai@mbl.is, Nína Guðrún Geirsdóttir
ninagudrun@gmail.com, Margrét Hugrún Gústavsdóttir margret.hugrun@gmail.com Auglýsingar Katrín Theódórsdóttir kata@mbl.is
Forsíðumyndina tók
Kristinn Magnússon
G
arðrækt hefur oft og tíðum þótt sport miðaldra fólks en nú virð-
ist það vera að breytast svolítið. Í samfélagi þar sem fólk neyð-
ist til þess að hugsa á umhverfisvænni hátt færist það í vöxt að
fólk rækti sitt eigið grænmeti. Það að rækta sinn eigin mat er
einn kafli en það sem fylgir með er svo ótal margt. Það fæst
nefnilega svo mikil hugarró með því að hlúa að og fegra nærumhverfið þar
sem enginn er að trufla. Með því að gera ekkert annað en að róta í beðum,
kantskera og slá getur fólk minnkað stressið og verið meira í núinu. Það
þarf nefnilega ekki alltaf
að fara á námskeið til
þess að njóta lífsins.
Einu sinni heyrði ég
viðtal við konu sem tal-
aði opinskátt um það
þegar hún lenti í kulnun.
Þegar hún var að reyna
að vinna sig út úr kuln-
unarástandinu fór hún á
jóganámskeið og hug-
leiðslunámskeið. Í stað
þess að núllstillast við
þessa iðju varð hún
ennþá stressaðri því til
þess að ná að komast í
jógað og hugleiðsluna
þurfti hún að keyra á há-
annatíma á námskeiðin
sem jók streituna í stað
þess að færa henni hug-
arró.
Þetta fannst mér áhugavert enda er þetta í takt við það sem viðmælendur
tala um hér í blaðinu. Flestallir sem hafa áhuga á gróðri og garðrækt tala
um að garðræktin veiti þeim hugarró og sé leið til að jarðtengjast.
Þetta get ég vel skilið. Það gerast einhverjir töfrar þegar fólk gleymir
stund og stað í garðinum sínum. Bjartar íslenskar sumarnætur eru líka kjör-
aðstæður fyrir garðálfa sem elska að vaka lengi og vera eitthvað að ves-
enast.
Kolbrún Kristleifsdóttir segir frá því hér í blaðinu að garðurinn hennar sé
mikið notaður allan ársins hring. Sér í lagi eftir að eiginmaður hennar smíð-
aði garðhýsi úr afgangstimbri. Eftir að garðhýsið kom hafa þau lengt tím-
ann í garðinum og í garðhýsinu rækta þau plöntur og grænmeti í pottum og
prófa sig áfram. Hún segir að þetta sé hin fullkomna leið til að gleðjast yfir
litlu hlutunum og fyrir jólin föndruðu þau með fjölskyldunni í garðhýsinu
sem var mikið fjör.
Það er að mörgu að huga þegar kemur að garð-
rækt en svo má líka búa til góða stemningu á svöl-
unum ef fólk er ekki með garð. Með því að setja
blóm og tré í potta og ker er hægt að fegra um-
hverfið mjög mikið. Og það er eitthvað næs við
það að geta borðað úti og legið úti á sólstól og
haft það náðugt. Bara það að fá hreint loft í lung-
un og hangsa í hengirúmi gefur lífinu allt annan
lit. Nýja uppáhaldsmottóið mitt er að hangsa
meira og sperra mig minna. Það er mjög fram-
andi enda hefur þetta yfirleitt verið öfugt.
Sjáum hvernig þetta mun ganga en ég er al-
veg 87% viss um að þetta muni skila geggj-
uðum árangri.
Hangsa meira,
sperra sig minna
Marta María Jónasdóttir
Þessir
pottar
fást í
IKEA.
Pullur
úr IKEA.
F
ólk vill hafa gróður í kringum sig, það finnur
fyrir vellíðan að hafa gróður í sínu nær-
umhverfi. Það er gott að geta notið fegurðar-
innar sem er í gróðri. Fólk er mikið með blóm
og tré í pottum á pallinum, svölunum, stéttinni.
Það er mikið úrval af pottum sem fólk plantar í. Garð-
eigendur hugsa mikið um að eitthvað sé að blómstra á
hverjum tíma í garðinum, eitthvað vorblómstrandi, svo
fyrripart sumars, miðsumars og svo á haustin,“ segir
hún.
-Er fólk farið að vilja meiri gróður?
„Já, svona almennt vill fólk hafa gróður í kringum sig.
En auðvitað er líka til fólk sem vill ekki hafa gróður í
kringum sig. Svo eru margir komnir með sumarbústað
þar sem fólk vill hafa gróður líka, þannig að áhugi er
mikill fyrir gróðri.“
-Hefur umhverfisvitund áhrif á hvað fólk setur í garð-
inn sinn?
„Það eru örugglega einhverjir sem hugsa gróður út
frá umhverfisvitund, en mest held ég að þetta sé áhugi
og sköpunarþörf sem hvetur fólk áfram til að hafa fallegt
í kringum sig með blómum og trjám.“
Nú er það vinsælt að vera með tré í pottum á pallinum
eða á hellulögðum veröndum. Hvaða tré þrífast best í
stórum pottum?
„Fólk hefur prófað ýmislegt í pottum og gengur vel
með ótrúlegustu tré. Það þarf að huga vel að tegundum
þegar valið er í potta. Einnig þarf að huga að
vökvun á plöntum í pottum, sérstaklega á
haustin og inn í veturinn. Því að plöntur í
pottum geta dáið úr þurrki yfir vetur-
inn. En það á ekki að vökva mikið yfir
veturinn, en þarf að halda raka í
pottinum. Svo þarf líka að huga að
áburðargjöf í pottana svo að plönt-
urnar þrífist vel í þeim. En það má
ekki vera of mikill áburður, t.d. í 35 l
pott þarf að setja ca. 4-10 stk. af blá-
korni. Þannig að þetta er ekki mikið.“
-Er til dæmis hægt að vera með kirsu-
berjatré í potti?
„Rósakirsi sem blómstrar bleikum blómum
getur ekki verið í potti allt árið vegna þess að
það getur verið of kalt fyrir ræturnar á veturna
að frjósa ofan jarðar, en það sem fólk hefur gert með við-
kvæmar tegundir er að það hefur klætt pottinn í gamla
lopapeysu eða teppi yfir veturinn til að varna kulda á
rætur. Við heyrum sögur frá fólki sem er mjög natið við
pottaræktina sína og það er að takast hjá því fólki.“
-Finnst þér fólk vilja meiri blómstrandi tré
núna en áður? „Já, fólk sækir í að hafa eitthvað
blómstrandi á hverjum tíma/mánuði í garðinum
yfir sumarið og vorið. Okkar viðskiptavinir hafa alltaf
viljað mikið af blómum og hafa blómlegt í kringum sig.“
-Hvað ertu með í þínum garði? „Ýmislegt er ég nú með
í mínum garði. Rósir, rósakirsi, sígræn tré, fjölær blóm,
tré og runna. Hortensíur.“
Sigríður Helga Sigurðardóttir, eigandi Gróðrarstöðvarinnar Markar,
segir að fólk hafi mikinn áhuga á berja- og ávaxtatrjám. Hún segir líka
að það færist í vöxt að fólk rækti krydd og salat í garðinum sínum.
Marta María | mm@mbl.is
Blómstrandi
plöntur hafa sjaldan
verið vinsælli
Fallegt er að rækta tré í pottum.
Kirsuberjatré eru vinsæl erlendis. Upp á síðkastið hef-
ur eftirspurn eftir blómstrandi trjám aukist hérlendis.
Sigríður Helga
Sigurðardóttir