Morgunblaðið - 24.05.2019, Blaðsíða 34

34 MORGUNBLAÐIÐ FÖSTUDAGUR 24. MAÍ 2019
Þ
eir eru eflaust margir
sem iða í skinninu eftir
að koma garðinum í gott
horf fyrir sumarið. Síð-
asta sumar var jú ekki
hægt að koma miklu í verk, enda
veðrið með allraleiðinlegasta móti.
Helstu spekingar vænta þess að
þetta sumar verði töluvert skárra
og ættu garðyrkjutólin því vonandi
að fá mikla notkun næstu vikurnar
og mánuðina.
Steinunn Reynisdóttir, garð-
yrkjufræðingur hjá Garðheimum,
segir að framboð á sumarblómum
verði svipað og síðustu árin en
veðrið setti svip sinn á framboð og
eftirspurn síðasta sumar. „Veð-
urfarið setti strik í reikninginn hjá
garðyrkjubændum og ýmist haml-
aði kuldinn vexti eða vætan drekkti
plöntunum. Við erum bjartsýn fyrir
sumrinu og eigum von á að veðrið
verði okkur hliðhollt í ár og garðar
megi blómstra sem aldrei fyrr.“
Greina má ákveðna tískustrauma
í garðyrkjunni rétt eins og á öðrum
sviðum mannlífsins. Stundum eru
ákveðnir litir ríkjandi, eða vissar
plöntur þykja svo ómissandi að þær
má sjá í öðrum hverjum garði. Um
þessar mundir segir Steinunn að
margir leggi áherslu á að velja
plöntur sem ekki þarf að hafa of
mikið fyrir og eru helst fallegar ár-
ið um kring. „Kemur t.d. vel út að
blanda saman sígrænum plöntum
og lauffellandi plöntum sem gefa
fallega blómgun. Hortensíur njóta
lika mikilla vinsælda og koma vel út
bæði innandyra og í görðum og
setja sterkan svip á umhverfið sitt,“
útskýrir Steinunn og bætir við að
unga fólkið virðist meira tilbúið
að gera tilraunir með nýja liti í
garðinum.
Þó sumir þekki ekkert betra en
að verja hálfu sumrinu úti í garði
með puttana í moldinni þá vilja
margir halda vinnunni við garðinn í
lágmarki. Steinunn segir að þurfi
alls ekki að vera svo tímafrekt að
halda garðinum í horfinu en mik-
ilvægt sé þá að sinna garðverk-
unum jafnt og þétt. „Gildir þá að
fara reglulega út í garð, jafnvel
bara í tíu mínútur, og skima eftir
því hvort illgresi er tekið að vaxa
einhvers staðar. Er þá hægt að
grípa inn í áður en ástandið fer úr
böndunum. Einnig er hægt að nota
jarðvegsdúka eða jafnvel dagblöð
til að breiða yfir illgresi í beðum og
Hægt að lágmarka fyrirhöfnina
Með góðu skipulagi og réttu vali á plöntum
þarf ekki að útheimta svo mikla vinnu að halda
garðinum fínum og fallegum. Margir rækta
matjurtir og uppskera ríkulega eftir sumarið.
Ásgeir Ingvarsson | ai@mbl.is
Morgunblaðið/Kristinn Magnússon
Ein leið til að létta garðverkin er að blanda saman sígrænum og lauffellandi
plöntum. Það sparar líka vinnu að fjarlægja arfann strax og hann birtist.
setja t.d. sandlag yfir og kæfa
þannig illgresið.“
Er brýnt að reyna að ná arfanum
upp með rótum því sumar tegundir
dreifa sér bæði neðan- og ofanjarð-
ar. „Skriðsóley dreifir sér t.d. með
rótarkerfinu og gerir því takmark-
að gagn að taka bara þann hluta
sem stendur upp úr moldinni.“
Lykillinn að góðri uppskeru
Þá virðist ekkert lát ætla að
verða á áhuga á matjurtarækt.
Það heyrir í dag til undantekninga að garðar séu úðaðir hátt og lágt
með skordýraeitri. Segir Steinunn að bæði hafi margar eiturtegundir
verið bannaðar en eins hafi fólk almennt betri skilning á því í dag að
heilbrigð skordýraflóra er góð fyrir garðinn. „Fari skordýr að valda
ama þá má nota skaðminni efni eins og sápublöndur sem búnar eru til
úr fitusýrum eða Neem-olíu. Einnig eru til sérstök límbönd sem vefja
má neðst um stofna að hausti til að stöðva skorkvikindi sem skríða
upp plöntuna og hindra að þau nái að verpa við brumin. Dugi það ekki
til og tiltekið tré er í hættu má láta nægja að úða bara það tré, frekar en
allan garðinn eins og hann leggur sig.“
Hægt að fara aðrar
leiðir en að eitra
HITALAMPAR Á PALLINN
57.792KR.
50.991KR.
Stream & Beam
2000W, IP65, Bluetooth hátalari, Tímastillir, Hægt að stýra með appi, Hitar allt
að 16fm².
Campos
2000W, IP65, Tímastillir, Hægt að stýra með appi, Hitar allt að 16fm².
Smiðjuvegur 10, 200 Kópavogur - Sími 588 6070
hitataekni@hitataekni.is - www.hitataekni.is