Morgunblaðið - 24.05.2019, Blaðsíða 30

E
kkert lát virðist ætla að verða á
garðyrkjuáhuga Íslendinga og í
nógu að snúast hjá Margréti Ásu
Karlsdóttur og kollegum hennar
hjá Blómavali. Margrét, sem er
garðyrkjufræðingur og útstillingahönnuður,
segir þó einkenna áherslurnar hjá mörgum
viðskiptavinum í dag að þeir leiti leiða til að
létta sér störfin í garðinum og vilji gjarnan
plöntur sem ekki þarf að hafa mikið fyrir.
Ein leið til þess að bæði gera fallegan en stíl-
hreinan garð, og líka einfalda garðvinnuna, er
að hafa plönturnar í pottum frekar en beðum.
„Yngri kynslóðin er greinilega komin á kaf í
pottaræktunina en með blómapottunum verð-
ur utanumhald og umhirða einfaldari, og auð-
velt að ná fram snyrtilegu yfirbragði,“ útskýrir
Margrét.
Blómapottar hafa þann kost að hægt er að
færa þá á milli staða og setja í meiri birtu eða
skugga, eða skjól, eftir því hvar plönturnar
þrífast best. Þá þarf ekki að fara á hnén til að
gróðursetja, eins og ef notað væri beð, og hægt
að sitja á þægilegum kolli á meðan potturinn
er gerður fínn. Þarf svo bara að muna að vökva
reglulega og getur verið ögn meiri kúnst að
halda nægilegum raka í blómapotti en beði.
Glerungur til að þola íslenskar aðstæður
Margrét segir brýnt að velja rétta gerð af
blómapotti og ganga rétt frá mold og undir-
lagi. „Nota ætti blómapott með glerungi því
annars eru allar líkur á að hann brotni í næsta
frosti. Þá þarf potturinn að vera með gat í
botninum til að hleypa vatni og raka út,“ út-
skýrir hún, en ef gatið vantar og of mikið vatn
ratar ofan í pottinn má reikna með að rætur
taki að skemmast og stóraukin hætta verður á
frostsprungum í pottum.
„Neðst í blómapottinn fer lag af grús og
þumalputtaregla að grúsin fylli neðsta fjórð-
unginn. Moldin fer þar ofan á og upplagt að
blanda saman við hana svk. vatnskristöllum.
Um er að ræða efni sem drekkur í sig vatn en
gefur svo frá sér raka þegar moldin tekur að
þorna. Þýðir þetta að ekki þarf hafa áhyggjur
af því ef gleymist að vökva, og jafnvel hægt að
fara að heiman í stutt frí og redda málunum
með vatnskristöllunum.“
Það hve mikið eða lítið á að vökva plönturn-
ar ræðst m.a. af veðurfari og hvar beð eða
pottur eru staðsett í garðinum. Blómabeð úti á
miðri grasflöt í rigningaveðri þarf litla eða
enga vökvun á meðan blóm á heitum stað á
Blómapottar
geta létt lífið
Morgunblaðið/Árni Sæberg
Margrét Ása segir þægilegt að vinna með plöntur í pottum. Verður samt að passa upp á
vökvunina, velja rétta gerð af potti og setja grús í botninn til að varna frostskemmdum.
Mörgum þykir þægilegra að vinna með plöntur í blóma-
pottum frekar en í beðum, en Margrét Ása í Blómavali
segir áríðandi að ganga þá rétt frá pottunum.
Ásgeir Ingvarsson | ai@mbl.is
Þótt ýmis tíska komi og fari er ekkert bannað í litavalinu.Fyrir byrjendur gæti blómaúrvalið virst nánast yfirþyrmandi. Starfsfólk er þó alltaf boðið og búið að aðstoða.
30 MORGUNBLAÐIÐ FÖSTUDAGUR 24. MAÍ 2019
Gerir sláttinn auðveldari
sláttuvélar
á þínum gönguhraðasem slá
Það er leikur einn að slá með nýju
garðsláttuvélunum frá CubCadet. Þær eru með
MySpeed hraðastilli sem aðlagar keyrsluhraða
vélanna að þínum gönguhraða.
ÞÓR FH
Akureyri:
Baldursnes 8
603 Akureyri
Sími 568-1555
Opnunartími:
Opið alla virka daga
Lokað um helgar
Reykjavík:
Krókháls 16
110 Reykjavík
Sími 568-1500
Vefsíða og
netverslun:
www.thor.is