Morgunblaðið - 15.06.2019, Blaðsíða 45

MENNING 45
MORGUNBLAÐIÐ LAUGARDAGUR 15. JÚNÍ 2019
TÓNLIST
Arnar Eggert Thoroddsen
arnareggert@arnareggert.is
Hann stóð bakatil þegar Shane
Embury, Napalm Death-limur, sat
fyrir svörum við lok sýningar á
Slave to the Grind, heimildar-
mynd sem lokaði Reykjavik Metal-
fest með bravúr. Kornungur
drengurinn, en með giska
nákvæmar og upplýsandi spurn-
ingar til Embury. Drengurinn
vissi hvað hann var að tala um.
Ég, sem sat pallborðið, vatt mér
upp að pilti í lokin ásamt kærum
vini mínum og afmælisbróður,
Birki Fjalari Viðarssyni (trymbill
Bisundar og söngvari I Adapt).
Við stóðumst bara ekki mátið að
spjalla aðeins við strákinn. Hann
gat talað vítt og breitt um smá-
atriði í ferli Napalm Death og við
stóðum þarna félagarnir, líkt og
við værum að tala við sjálfa okkur
fyrir 30 árum síðan. En það var
meira, í ljós kom að drengurinn,
Viktor Árni Veigarsson (úr Kópa-
voginum, nema hvað) er meðlimur
í hljómsveitinni The Moronic, sem
spilar brjálaða rokktónlist að
hætti Napalm Death. Þetta gaf
mér tilefni til að stinga niður
penna um sveitina – og aðrar
skyldar.
Plata The Moronic heitir
Youth!, er fjögurra laga og hangir
inni á Spotify. Kom út fyrir rösk-
um tveimur mánuðum. Hvernig er
best að lýsa tónlistinni? Tilrauna-
kenndur harðkjarni, segir á Fés-
bókarsetrinu og er það nokkuð
nærri lagi. Þetta er meira öfga-
pönk en þungarokk a.m.k.. Bandið
er vel spilandi og lagasmíðar hag-
anlega úr garði gerðar. Söngvar-
inn öflugur bæði og sjarmerandi.
Sveitin er að fara að spila nokkuð
í sumar, m.a. á Eistnaflugi og þar
Ó, þér unglinga fjöld ...
Ung The Moronic er á táningsaldri enda heitir stuttskífa hennar Youth!
sé ég nöfn sem ég kannast lítt við;
Tuð, Aragrúi, Bruðl, DDT Skor-
dýraeitur, Ekkert (frábært nafn!)
og Sárasótt. Það er gott að það er
verið að stofna nýjar hljómsveitir,
skapa og halda listinni lifandi. Til
þess erum við.
Ég ætla að nota tækifærið og
minnast á fleiri plötur úr þessum
ranni, tiltölulega nýútkomnar.
Fyrsta ber að nefna samnefnda
plötu D7Y, sem er skipuð þeim
Júlíu Aradóttur, Þóri Georg og
Fannari Erni. Platan kom út í
liðnum apríl og tónlistin er sturl-
að pönkrokk með „d-beat“ sniði
(stefnan vísar í hina áhrifaríku
Discharge); grófir og skítugir gít-
arar, einfaldar en ofsalegar
trommur og þéttur bassi undir.
Svo er öskrað yfir, og umfjöll-
unarefnið strangpólitískt. Al-
mennilegt! Svo verð ég að nefna
stuttskífu Daddy Issues, sem út
kom í fyrra, „Engan asa“. Ég
hafði virkilega gaman af henni,
smá endurlit til harðkjarnans í
kringum 2000, „metalcore“ eigin-
lega en textar allir á íslensku, og
eitthvað svo skýrir og skemmti-
legir. Yndislegt að heyra íslenskt
ungmenni rymja út úr sér ekta yl-
hýrri setningu eins og „Hvað er
að frétta?“ Öfgarokkið lifir því
góðu lífi á Íslandi nú um stundir.
Svart- og dauðarokkarar eru að
gera það gott, hérlendis sem er-
lendis en svo er það þetta, bíl-
skúrsrokkið, sem er í góðum gír
líka. Og hillir undir fyrstu plötu
sigurvegara Músíktilrauna, Blóð-
mör, en tónlist þeirra er af sömu
rót og það sem ég hef verið að
telja upp hér; hrátt, ástríðufullt
og alíslenskt grasrótarrokk.
Platan verður líkast til komin út
þegar þetta birtist. Ég ætla ekki
að telja upp fleiri hljómsveitir, af
ótta við að þær sem þá gleymast
sendi mér haturstölvupósta. Segi
svona. En já, tékkið endilega á
þessu efni öllu sem lúrir á hinu
dásamlega interneti.
» Þetta er meiraöfgapönk en þunga-
rokk a.m.k.. Bandið er
vel spilandi og lagasmíð-
ar haganlega úr garði
gerðar.
Það er ýmislegt á seyði
í íslensku grasrótinni,
og mulningshart rokk
streymir úr bílskúrum
landsins eins og enginn
sé morgundagurinn.
Glæsilegir skartgripir
innblásnir af íslenskri sögu
G U L L S M I Ð U R & S K A R T G R I PA H Ö N N U Ð U R
Skólavörðustíg 18 – www.fridaskart.is
Mick Ware, 71 árs fyrrverandi meðlimur bandarísku
hljómsveitarinnar Czar, unir vel við sitt eftir að rapp-
arinn Tyler, The Creator tók sig til og notaði bút úr
„Today“, lagi sem Ware samdi fyrir 50 árum. Bútinn má
finna í laginu „Puppet“ sem Kanye West samdi texta við
og hefur verið streymt 15 milljón sinnum. Ware samdi
um prósentu af stefgjöldum fyrir lag rapparans í stað
þess að fá staka greiðslu fyrir réttinn á því að nota lagið
hans. Mun það hafa borgað sig en Ware hélt að um gabb
væri að ræða, þegar lögmaður útgefanda hringdi í hann. Tyler, The Creator
Hagnast á lagi Tyler, The Creator
Ástralski tónlistarmaðurinn Nick
Cave kemur fram í Eldborgarsal
Hörpu 31. ágúst á tónleika- og
spjallviðburði sem nefnist
Conversations with Nick Cave:
An Evening of Talk & Music, eða
Samtöl við Nick Cave, kvöldstund
með tali og tónum. Viðburðurinn
er sambland af „spurt og svarað“
og tónleikum og verður aðeins um
eina sýningu að ræða þennan dag
kl. 20 en miðasala hefst föstudag-
inn 21. júní kl. 12. Engin forsala
verður á miðum.
„Mér fannst eins og beint sam-
tal við áhorfendur gæti verið mik-
ils virði – á tónleikum undanfarið
höfum við öll sýnt vilja til að opna
okkur,“ er haft eftir Nick Cave á
vef Hörpu en hann er núna á
ferðalagi um Evrópu og Bretland
með þennan viðburð. Sýningum á
Norðurlöndum var bætt við og þá
einnig á Íslandi.
Á vef Hörpu og í tilkynningu
frá Senu Live sem stendur fyrir
viðburðinum segir að Cave hafi
nýverið lokið ferð sinni um Ástr-
alíu, Nýja-Sjáland og Evrópu og
var alls staðar uppselt. Í haust
heldur hann áfram ferðum sínum
og þá um Norður-Ameríku.
Nick mun svara spurningum
áhorfenda um allt milli himins og
jarðar á milli þess sem hann tek-
ur mörg af sínum ástsælustu lög-
um á flygilinn. Segir í tilkynningu
að hann lýsi kvöldinu sjálfu sem
æfingu í að tengjast og að ekkert
viðfangsefni sé heilagt. Áhorf-
endur séu því hvattir til þess að
vera óhræddir við að spyrja krefj-
andi og ögrandi spurninga.
„Sambandið á milli Nick og
áhorfenda hefur alltaf verið opið
og ákaft, en hefur dýpkað og
styrkst enn frekar á nýlegum tón-
leikum hans með Bad Seeds. Þeir
urðu innblásturinn að þessum ein-
stöku og óvenjulegu kvöldum, þar
sem spurt og svarað er blandað
saman við tónleika og Nick Cave
kemur fram alveg hrár, óritskoð-
aður og ósíaður,“ segir á vef
Hörpu og í tilkynningu. Cave kom
síðast fram hér á landi á
tónlistarhátíðinni ATP á Ásbrú
árið 2013.
Nick Cave í Eldborg
 Svarar spurn-
ingum gesta og
flytur ástsæl lög
Morgunblaðið/Árni Torfason
Í Laugardalshöll Cave á tónleikum í Laugardalshöll árið 2006.