Morgunblaðið - 10.08.2019, Blaðsíða 37

MINNINGAR 37
MORGUNBLAÐIÐ LAUGARDAGUR 10. ÁGÚST 2019
um leið hlýnar mér um hjarta-
rætur og brosi út í annað, tilfinn-
ingin sem mun lifa svo sterk í
minnum okkar allra og tilþrifin
með, augun lokuð, axlirnar hopp-
andi og púkinn, sem skein ósjald-
an í gegn. Tala nú ekki um þegar
tekið var í spil.
Ein ljúfasta manneskja sem ég
hef fyrirhitt, ég veit að margir
taka þar einróma undir. Þú tókst
öllum opnum örmum og var það
skyldu stopp hjá mörgum að
koma við hjá Oddsteini og Rósu í
Hvammi.
Sama hversu mikið var að gera
eða hversu mikið af fólki var hjá
ykkur þá gafstu þér alltaf stund
til að taka á móti fólki og sýna
náunganum einlægan áhuga. En
þú lést einmitt alltaf náungann
skipta þig máli alveg óháð því
hvaða poka hann bar á baki sér.
En ég veit líka að gangan þín
var löng og urð og grjót voru þar
á vegi. Engu að síður varstu allt-
af jákvæð og kvartaðir aldrei. Þú
sagðir oft við mig að gott skap
gerði vinnu létta og að margar
hendur ynnu létt verk. Þegar við
krakkarnir vorum að hjálpa þér
við hin ýmsu heimilisstörf og
störf á bænum, þrátt fyrir að við
vorum örugglega oftar en ekki að
gera þér þau erfiðari fyrir, þá
léstu okkur aldrei finna fyrir því
og settir aldrei út á heldur leið-
beindir með aðdáun.
Ég kveð þig með sorg í hjarta
og söknuði, það er sárt að þú
skulir vera farin en í senn er ég
full þakklætis fyrir allar þær
minningar og stundir sem við
áttum saman og þann poka sem
þú gafst mér til að fara með út í
lífið.
Finna hjá þér ást og unað
yndislega rósin mín.
Eitt er það sem aldrei gleymist,
aldrei það er minning þín.
(Guðmundur G. Halldórsson)
Þín
Eygló Rut.
Eins sárt og erfitt það er fyrir
mig að segja að amma mín, al-
nafna og ein af mínum helstu
fyrirmyndum lést mánudaginn
29. júlí.
Hún var mér allt, það er ekki
hægt að finna aðra eins gersemi
sem hún amma mín var. Hún bjó
yfir miklum styrk, þolinmæði,
dugnaði, gleði, ást og hlýju.
Það sem hjálpar mér að fylla í
gatið sem missirinn hefur rifið
upp eru allar þær yndislegu
minningar sem ég á með ömmu
Rósu og þakklætið fyrir að fá að
alast upp undir verndarvæng
hennar.
Amma, ó elsku amma mín,
mikilvæg varstu mér.
Mun ég ávallt sakna þín.
Alltaf og allar þær góðu minningar
sem ég á með þér
Rausnarleg og góðhjörtuð,
óaðfinnanleg, finnst mér.
Stjórnlaus gleði og stanslaust stuð.
Allt þetta og meira til lýsir þér.
(Rósa litla)
Amma tók á móti öllum með
opnum örmum, góðum mat og
mikilli hamingju. Hún hugsaði
meira um velferð annarra heldur
en sína eigin. Og brosti og hló allt
til endaloka.
Amma, þú hefur markað líf
mitt og barna minna. Takk fyrir
allt sem þú hefur gert fyrir mig
og með mér.
Ég mun ætíð elska og sakna
þín.
Þín alnafna,
Oddný Sigurrós Gunnars-
dóttir (Rósa litla).
Hóglega, hæglega,
á hafsæng þýða,
sólin sæla!
síg þú til viðar.
Nú er um heiðar
himinbrautir
för þín farin
yfir frjóvga jörð.
(Jónas Hallgrímsson)
Að loknum löngum vinnudegi
er gott að njóta hvíldar, leggjast
til svefns og líða inn á lönd
draumanna. Hún Rósa frænka
okkar horfin héðan úr þessu lífi
eftir langt og farsælt ævistarf og
við þá frétt fyllist hugurinn af
minningum um góða og skemmti-
lega konu, þær streyma fram
hver af annarri.
Oft höfum við undrast þann
kraft og dugnað sem þessi litla
kona sýndi alla ævi. Vinnandi alla
daga við að búa sem best að fjöl-
skyldunni sinni, hjálpa öðrum ef
með þurfti, rækta bæði skógar-
lund og skrúðgarð við bæinn
sinn.
Rósa var ekki sú persóna sem
hreykti sér af eigin ágæti eða
verkum, en þeir voru ófáir sem
nutu umhyggju hennar.
Hún var einstaklega lagin við
að hlúa að sjúkum og með sínu
glaða sinni og jafnaðargeði létti
hún þjáningar og huggaði. Hún
dró aldrei af sér, alltaf tilbúin að
rétta hönd til hjálpar og stuðn-
ings.
Aldrei munum við systur fá
fullþakkað þá umhyggju og ást
sem hún sýndi okkur á erfiðasta
tíma ævi okkar og þó enginn
komi í móðurstað þá komst hún
næst því í okkar tilfelli.
Minningin um þá hlýju og um-
hyggju sem hún sýndi okkur
systrum hefur fylgt okkur allt
lífið.
Létt lund og jákvæð sýn á til-
veruna var það sem einkenndi
Rósu, hjá henni var stutt í spaug-
ið og hláturinn og mikið var nú
alltaf gaman að koma í heimsókn
til hennar þar sem borðið svign-
aði undan skreyttum kökum, ilm-
andi kleinum og rjúkandi kaffi.
Það þýddi ekkert að segjast bara
vilja kaffi, „hvaða vitleysa, talið
bara við hann Oddstein“ og Rósa
brá sér fram í eldhús að finna
eitthvað til og fyrr en varði var
veisluborðið tilbúið, „þetta er nú
bara smáræði“ sagði hún þá
gjarnan.
Síðast þegar við systur heim-
sóttum hana á hjúkrunarheimilið
sagðist hún því miður ekki eigan
neinar kökur núna, „en endilega
fáið ykkur súkkulaði“.
Já, það var alltaf jafn gaman
að setjast niður með henni Rósu
og spjalla saman um menn og
málefni, og þá var nú spaugið
aldrei langt undan.
En nú fær maður ekki fleiri
kökur hjá henni frænku – ekki í
bili, en hver veit... hún er farin á
nýjar brautir og við sem eftir lif-
um eigum minningu um fallega
brosið hennar og dillandi hlátur-
inn.
Blessuð sé minning þessarar
góðu og skemmtilegu konu.
Við sendum Oddsteini og fjöl-
skyldu innilegar samúðar-
kveðjur.
Kolbrún og Sigurbjörg
Vigfúsdætur.
Nú hefur stór
partur af sálu okkar
systkina horfið á
braut með andláti
ömmu okkar. Amma Raddý var
mikil fyrirmynd og glæsileg í alla
staði. Hún elskaði ekkert meira
en að vera á sundlaugarbakkan-
um í útlöndum og láta sólina
sleikja húðina sem var löðrandi í
babyoil. Túrkísbláa gyðjan var
alltaf flott til fara, enda var hún
ein glæstasta flugfreyja landsins
á sínum tíma.
Fötin sem hún klæddist voru
alltaf í stíl og skartgripirnir líka.
Ef rauði varaliturinn var ekki á
vörum hennar þá fór hún ekki út
úr húsi, enda var hann einn af
hennar helstu einkennum ásamt
sjarma hennar og hreinskilni.
Stundirnar fyrir framan sjón-
varpið í Bólstaðarhlíð að horfa á
Andabæ og borða M&M voru
margar og ógleymanlegar. Það
var alltaf spennandi að fara upp í
rúm að sofa því við vissum að ho-
neynut cheerios myndi bíða okkar
næsta morgun, en líka hræðsla
yfir svefnleysi vegna yfirgnæf-
andi hrota!
Heimsóknirnar í Ráðhúsið
voru tíðar og það var alltaf gaman
Ragnheiður
Júlíusdóttir
✝ RagnheiðurJúlíusdóttir
fæddist 14. nóvem-
ber 1940. Hún lést
17. júlí 2019.
Útför Ragnheið-
ar fór fram 31. júlí
2019.
að fá að spjalla við
ömmu og kíkja svo
bak við þjónustu-
borðið og klára allar
kexkökurnar sem
voru til á lager. Eftir
að við amma fluttum
undir sama þak
fengum við að kynn-
ast henni ennþá bet-
ur. Hún elskaði að fá
sér sígarettu í horn-
inu sínu, sama
hvernig veður var. Það var ein-
stakt af fá það tækifæri að búa
með ömmu sinni. Eftir tvö góð ár
á nýja heimilinu byrjaði heilsu
hennar að hraka og þurftum við
systkinin að hjálpa henni með
margt og mikið. Það var góð til-
finning að fá að gefa henni til baka
allt sem hún hafði gefið okkur.
Búðaráp var mikið stundað hjá
ættliðunum þremur og þótti
ömmu ekki leiðinlegt að klæða sig
upp og punta, fara í Kringluna og
kíkja á kaffihús í kaffi og tertu.
Það var alltaf gott að hafa ömmu
með vegna einlægrar hreinskilni
og ánægju hennar að vera allar
saman. Búðarápið verður hálf-
tómlegt án elsku ömmu og hennar
nærveru.
Amma er nú komin á betri
stað, þar sem áhyggjur og flök-
urleiki finnast ekki. Hún er ef-
laust að horfa niður til okkar
systkina með rauðan varalit á
vörum og er „aðeins að fá að vera
til“ með guði.
Jón Gunnar Björnsson og
Katinka Ýr Björnsdóttir.
Sálm. 17.5-6
biblian.is
Skref mín eru örugg
á vegum þínum,
mér skrikar ekki
fótur. Ég hrópa til
þín því að þú svarar
mér, Guð,...
Okkar ástkæri,
BALDVIN TRYGGVASON,
fyrrverandi sparisjóðsstjóri,
verður jarðsunginn frá Hallgrímskirkju
mánudaginn 12. ágúst klukkan 13.
Blóm eru afþökkuð, en þeim sem vildu
minnast hans er bent á líknarfélög.
Halldóra J. Rafnar
Sveinbjörn I. Baldvinsson
Tryggvi M. Baldvinsson
Ástkær faðir okkar, tengdafaðir, afi, langafi
og bróðir,
SIGURÐUR BJÖRGVIN VIGGÓSSON,
lést í faðmi barna sinna á hjúkrunar-
heimilinu Grund fimmtudaginn 1. ágúst.
Útförin fer fram frá Fríkirkjunni í Hafnarfirði
föstudaginn 16. ágúst klukkan 13.
Blóm og kransar eru vinsamlega afþakkaðir en þeim sem vilja
minnast hans er bent á Félag nýrnasjúkra.
Valgerður Lísa Sigurðard. Jón Steingrímsson
Sigurður Elvar Sigurðsson
Rakel Árdís Sigurðardóttir Ragnar Ólafsson
barnabörn og barnabarnabörn
Eiríkur Viggósson
Alda Viggósdóttir
Björg Viggósdóttir
Ólafur Agnar Viggósson
Elskuleg móðir okkar, tengdamóðir, amma
og langamma,
GUÐMUNDA M. JÓHANNSDÓTTIR,
Gógó,
Akureyri,
lést á Hornbrekku, Ólafsfirði, 5. ágúst.
Útförin fer fram frá Glerárkirkju, Akureyri, föstudaginn 16. ágúst
klukkan 13.30.
Einar J. Stefánsson Guðbjörg Haraldsdóttir
Áslaug Ó. Stefánsdóttir Oddgeir Sigurjónsson
Ingibjörg Stefánsdóttir Bergur V. Stefánsson
barnabörn og barnabarnabörn
Elsku mamma okkar, tengdamamma,
amma og langamma,
SOFIE MARIE MARKAN,
síðast til heimilis í Lækjasmára 8,
Kópavogi,
lést á hjúkrunarheimilinu Skjóli
miðvikudaginn 31. júlí.
Hún verður jarðsungin frá Fríkirkjunni í Reykjavík mánudaginn
12. ágúst kl. 13. Þeir sem vilja minnast hennar láti Styrktarfélag
lamaðra og fatlaðra njóta þess.
Anne-Marie Markan
Ingrid Markan
Inga Huld Markan Nicholas Jones
María Huld Markan
Sigfúsdóttir
Kjartan Sveinsson
Fróði, Tumi og Móey
Okkar ástkæri eiginmaður, faðir,
tengdafaðir og afi,
MAGNÚS SIGFÚSSON
húsasmiður,
Kvíholti 10, Hafnarfirði,
lést á Vífilsstöðum mánudaginn 5. ágúst.
Útförin fer fram frá Hafnarfjarðarkirkju miðvikudaginn 14. ágúst
klukkan 13.
Auðdís Karlsdóttir
Sigfús Magnússon Halldóra Jóhannesdóttir
Ísak Sigfússon
Gígja Sigfúsdóttir
Ásbjörn Jóel Sigfússon
Okkar kæra
SÓLVEIG G. EYSTEINSDÓTTIR
kjólameistari,
Sólheimum 23, Reykjavík,
lést sunnudaginn 4. ágúst.
Útför hennar fer fram frá Bústaðakirkju
fimmtudaginn 15. ágúst klukkan 13.
Aðstandendur
Ástkær móðir okkar, tengdamóðir
og amma,
BYLGJA RUTH AÐALSTEINSDÓTTIR
lést á sjúkrahúsinu á Akureyri
sunnudaginn 28. júlí.
Útför hennar fer fram frá Akureyrarkirkju
mánudaginn 12. ágúst klukkan 13.30.
Friðþjófur Ísfeld Sigurðsson Ásta Hafberg
Brynjar Aðalsteinn Sigurðs. Agnes Arnardóttir
barnabörn
Ástkær eiginmaður minn, faðir okkar,
tengdafaðir og afi,
GUÐMUNDUR KRISTINSSON,
stálsmíðameistari og slökkviliðsstjóri,
Hjallatanga 11,
Stykkishólmi,
lést á St. Fransiskusspítala í Stykkishólmi 6. ágúst.
Útförin fer fram frá Stykkishólmskirkju miðvikudaginn 14. ágúst
klukkan 13. Blóm og kransar vinsamlegast afþakkaðir, þeim
sem vilja minnast hans er bent á tækjasjóð slökkviliðsins í
Stykkishólmi 0309-26-800. kt, 620269-7009.
Birna Sævarsdóttir
Guðmundur Sævar Gunnar Björn
Kristinn Einar Linda Bergmann
tengdabörn og barnabörn