Morgunblaðið - 10.08.2019, Side 56

Kvartett söngkonunnar Kristjönu
Stefánsdóttur kemur fram á elleftu
tónleikum sumardjasstón-
leikaraðar veitingahússins Jómfrú-
arinnar við Lækjagötu í dag kl. 15.
Með Kristjönu leika Ómar Guð-
jónsson á gítar, Valdimar K. Sig-
urjónsson á kontrabassa og Matt-
hías Hemstock á trommur. Á
efnisskrá verða standardar og stuð
og fara tónleikarnir fram utan dyra
á Jómfrúartorginu.
Standardar og stuð
LAUGARDAGUR 10. ÁGÚST 222. DAGUR ÁRSINS 2019
5 6 9 0 9 0 0 0 0 0 9 0 0
Í lausasölu 1.150 kr.
Áskrift 7.240 kr. Helgaráskrift 4.520 kr.
PDF á mbl.is 6.420 kr. iPad-áskrift 6.420 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
„Eftir tapið úti í Portúgal er það
bara að duga eða drepast fyrir
okkur gegn Sviss, svo einfalt er
það,“ segir Hörður Axel Vil-
hjálmsson, landsliðsmaður í
körfubolta, fyrir leikinn við Sviss
í Laugardalshöll kl. 13 í dag.
Sviss hefur meðal annars á að
skipa öflugum leikmanni úr NBA-
deildinni. »46
Að duga eða drepast
gegn NBA-leikmanni
Tónleikar sem vekja eiga athygli á
stöðu flóttamanna og þá sér-
staklega barna um allan heim verða
haldnir í dag í porti Priksins. Fram
koma Sturla Atlas, Birnir, Saga
Nazari, Joey Christ,
Alvia Islandia,
Gróa, Cultural
Cypher, Countess
Mailaise og Jói Pjé
og Króli. Aðgangur
er ókeypis en tekið
verður við frjálsum
framlögum sem
renna óskert til
starfs No Borders á
Íslandi. Tónleikar
hefjast kl. 16 og
standa yfir til kl.
21.
Tónlist gegn landa-
mærum á Prikinu
ÍÞRÓTTIR FÓLK Í FRÉTTUM
Steinþór Guðbjartsson
steinthor@mbl.is
Heimsleikum íslenska hestsins lýkur
í Berlín í Þýskalandi á morgun og þá
getur Helgi Sigurðsson, dýralæknir
og sérfræðingur í hestasjúkdómum,
snúið sér að öðrum hrossum, en hann
er á öðru heimsmeistaramóti sínu
sem læknir keppnishestanna.
„Ég hef unnið við fagið í 42 ár og
sótt HM nánast í hvert sinn frá 1975,
þar af sem dýralæknir í Hollandi fyr-
ir tveimur árum og svo nú,“ segir
sérfræðingurinn. „Áður var ég í ann-
arri deild, í klappliðinu.“
Helgi hefur verið viðloðandi hesta
frá barnæsku. „Áhuginn á skepn-
unum kom eiginlega skyndilega af
himnum ofan,“ segir Helgi, sem var
lengi í sveit á Helgafelli í Mosfells-
sveit og einnig norður í landi. „Þar
var mikið um hestahald og þar með
var ég kominn inn í hestana. Hef
eiginlega ekki komist út úr þeim
síðan.“
Þess má geta að auk þess er Helgi
kvæntur inn í mikla hestamanna-
fjölskyldu. Jóna Dís Bragadóttir,
kona hans, hefur starfað mikið í
félagsmálum hestamanna. Bróðir
hennar er Hinrik Bragason, lands-
þekktur hestamaður, og sonur hans,
Gústaf Ásgeir, er á meðal keppenda í
Berlín eins og Konráð Valur Sveins-
son, systursonur Jónu Dísar.
Hestar og sagnfræði
Hestamennskan hefur breyst
mjög mikið á liðnum áratugum og
tækjakostur vegna lækninga tekið
stórstígum framförum, að sögn
Helga, sem starfar eingöngu við sér-
svið sitt á Dýraspítalanum í Víðidal.
Hann hefur verið í tengslum við
keppnishross í áratugi og segir að
umgengni við hross sé ástríða.
„Hestamenn eru í þessu allan sólar-
hringinn, keppnismenn hugsa ekki
um annað, tala um hesta á daginn og
dreymir þá á nóttunni. Ég hef að
vísu um annað að hugsa eftir að ég
tók BA-próf í sagnfræði við Háskóla
Íslands fyrir nokkrum árum og
meistarapróf skömmu síðar og hef
meðal annars skrifað nokkrar
bækur.“ Þagnar í augnablik en bætir
svo við: „Engu að síður hittist svo á
að þrjár þeirra eru um hestamanna-
félög og aðeins ein um annað, ævi-
sagan sem ég skrifaði í fyrra um Alla
Rúts.“
Helgi hefur haft nóg að gera í
tengslum við keppnina í Berlín.
Hann segir að sem betur fer hafi
ekkert stórt komið upp á. Þó hafi
verið vonbrigði að missa út tvo hesta,
sem heltust á miðvikudag. „Svona er
þetta stundum,“ segir hann. Hann
bætir við að hestarnir frá Íslandi séu
óbólusettir og því séu þeir í hálf-
gerðri einangrun í hesthúsum fjarri
öllu öðru og því í lítilli snertingu við
aðra hesta. „Maður er alltaf hræddur
um að þeir veikist,“ segir Helgi. „Það
hefur einu sinni gerst; í Hollandi
1979 fengu hestarnir inflúensu og
sveitin var sett út í kjölfarið. Þá lán-
uðu Þjóðverjar Íslendingum hesta,
sem höfðu ekki komist inn á heims-
meistaramótið, en sporin hræða.“
Ljósmynd/Ólafur Ingi Ólafsson
Á HM í Berlín Helgi Sigurðsson dýralæknir með Koltinnu frá Varmalæk, en hryssan hefur staðið sig vel í keppninni.
Þekkir vel hestana
 Helgi Sigurðsson dýralæknir landsliðsins á HM í Berlín