Fréttablaðið - 28.09.2019, Page 2

UMHVERFISMÁL „Rétt eins og margar
aðrar opinberar stofnanir erum við
að skoða hvaða skref við getum
tekið,“ segir Halldór Valur Pálsson,
forstöðumaður Litla-Hrauns. „Við
hugsum þetta bæði út frá okkur
sjálfum og vinnu fanga.“
Litla-Hraun er stærsti vinnustað-
urinn á Eyrarbakka. Þar starfa 60
manns og fangar geta verið allt að 87.
Halldór segir að ýmis atvinnutæki-
færi fyrir fanga felist í endurvinnslu-
verkefnum og þegar séu nokkur slík
í gangi. Til dæmis starfa fangar við
f lokkun á málmum fyrir Íslenska
gámafélagið og laga stikur fyrir
Vegagerðina. Með þessum hætti
skilar Litla-Hraun, sem vinnustaður,
ábata í umhverfismálum fyrir sam-
félagið allt.
Halldór segir að verkefninu fylgi
áskoranir. „Hérna inni er mikið af
mönnum sem eru misvel þjálfaðir í
að flokka rusl. Rétt eins og sjúkra-
húsin sitjum við uppi með sóttmeng-
aðan úrgang. Við þurfum að gæta
ítrasta hreinlætis og notum mikið af
plasti og einnota hlutum. Það getur
verið flókið að samþætta þetta við
umhverfissjónarmið,“ segir hann.
Í dag fer fram kvikmyndahátíðin
Brim, þar sem umhverfismál og sér-
staklega plastnotkun er meginum-
fjöllunarefnið. Halldór mun flytja
erindi á hátíðinni um umhverfis-
mál og fangelsi. „Við höfum ekki
enn tekið stór skref í endurvinnslu í
okkar daglega lífi. Með þátttökunni
erum við að setja þrýsting á okkur
sjálf að taka stærri skref,“ segir Hall-
dór. „Það er hröð þróun í endur-
vinnsluhugsun í öllu samfélaginu
og við berum kannski töluverða
ábyrgð á okkar skjólstæðingum, að
þeir kunni að henda rusli þegar þeir
koma út.“
Veður
Norðaustanátt, víða 8-15 m/s.
Súld eða dálítil rigning norðan-
og austanlands, hiti 5 til 10 stig.
Léttir til sunnan heiða og hiti að 16
stigum. SJÁ SÍÐU 48
Neituðu að skrifa undir
Fjórir ráðherrar ríkisstjórnarinnar neituðu að skrifa undir kröfur skipuleggjenda loftslagsverkfalls í gær. Beðið var um að ríkisstjórnin lýsti yfir
neyðarástandi vegna loftslagsvárinnar og um aðgerðir til að tryggja að Ísland nái kolefnishlutleysi fyrir árið 2040. Á fundinum voru fulltrúar
ýmissa hreyfinga ungmenna. Þar var líka Þorvaldur Þorvaldsson, Albaníu-Valdi, formaður Alþýðufylk ing ar innar . FRÉTTABLAÐIÐ/ANTON BRINK
Kunni að flokka rusl
við lausn úr fangelsi
Fangelsið að Litla-Hrauni tekur fyrstu skref að umhverfisvænni starfsemi.
Forstöðumaðurinn segir ýmsar áskoranir fylgja, bæði hvað varðar úrganginn,
sem er að miklu leyti líkur spítalaúrgangi, og hugarfar þeirra sem sitja inni.
Hérna inni er mikið
af mönnum sem eru
misvel þjálfaðir í að flokka
rusl
Halldór Valur
Pálsson,
forstöðumaður
Litla-Hrauns
Guðmundur Ármann Pétursson
hratt kvikmyndahátíðinni af stað.
„Við erum ekki með neitt kvik-
myndahús þannig að við sýnum hér
og þar um allt þorpið. Þetta er orðið
eins konar samfélagsverkefni,“ segir
hann.
Þrjár erlendar heimildamyndir
verða sýndar, Bag It, A Plastic Ocean
og Albatross, og einnig mun ungl-
ingastig Barnaskólans á Eyrarbakka
og Stokkseyri sýna eigin stuttmynd
um plastmengun. Guðmundur Ingi
Guðbrandsson umhverfisráðherra
opnar hátíðina og auk Halldórs
verða f leiri fyrirlesarar. Þá mun
sveitarfélagið Árborg standa að
strandhreinsunardeginum í sam-
starfi við björgunarsveitina Björg.
Aðgangur á alla viðburði er ókeypis.
kristinnhaukur@frettabladid.is
Fangelsisstjórinn mætir á kvikmyndahátíð í dag. Fréttablaðið/Anton Brink
Á MANN M.V. 2 FULLORÐNA OG 2 BÖRN
VERÐ FRÁ 86.900 KR.
FLUG OG GISTING
NÁNAR Á UU.IS EÐA Í SÍMA 585 4000
TENERIFE
SÍÐUSTU

SÆTIN
FJÖLMIÐLAR Kristín Þorsteinsdótt-
ir, sem hefur verið útgefandi Frétta-
blaðsins síðustu ár og þar áður aðal-
ritstjóri, hefur látið af störfum hjá
blaðinu.
„Við viljum þakka Kristínu fyrir
vel unnin störf til margra ára á
fréttastofu Stöðvar 2, Bylgjunnar,
Vísis og Fréttablaðsins og hennar
þátt í sögu Fréttablaðsins,“ segir
Ingibjörg Pálmadóttir, eigandi
Fréttablaðsins.
„Ég hef unnið minn síðasta dag og
skrifað minn síðasta leiðara í Frétta-
blaðið,“ segir Kristín.
„Í rúm fimm ár, lengur en nokkur
annar, stjórnaði ég fréttastofu 365
sem aðalritstjóri og útgefandi – þá
stærstu fréttastofu landsins – og svo
Fréttablaðinu eftir að fyrirtækinu
var skipt upp, síðustu mánuði hef
ég verið útgefandi. Þar áður sat
ég í stjórn 365. Flestar kennitölur
miðlanna sem ég stjórnaði vitna
um góðan árangur. Fréttir Stöðvar
2 náðu að velgja keppinautnum
undir uggum – oft vorum við með
meira áhorf en RÚV, visir.is komst
í fyrsta skipti yfir mbl.is undir
minni stjórn, við gerðum frábæra
hluti með nýjum áherslum og útliti
Fréttablaðsins. Við breyttum skipu-
riti fréttastofunnar og gerðum hlut
kvenna meiri en nokkru sinni,“
segir hún.
„Ég var svo heppin að hafa frá-
bært starfsfólk mér við hlið, fólk
sem hefur verið tilbúið að leggja
meira á sig en hægt hefur verið að
ætlast til,“ segir Kristín að lokum.
Kristín hættir
sem útgefandi
Kristín Þorsteinsdóttir.
MENNING Bókin Tæpitungulaust,
eftir Jón Baldvin Hannibalsson,
sem telur sex hundruð blaðsíður
og skiptist í sjö meginkafla, kemur
í verslanir á morgun, en þann dag
fagna Jón Baldvin og eiginkona
hans, Bryndís Schram, sextíu ára
brúðkaupsafmæli.
Útgáfa bókarinnar er seinna á ferð-
inni en stóð til. Jón Baldvin sagði í
aðsendri grein í þessu blaði þann
4. febrúar síðastliðinn að ásakanir
á hendur honum um kynferðis-
brot megi útskýra sem skipulagða
rógsherferð gegn honum sem hafi
verið hafin til að spilla fyrir útgáfu
bókarinnar sem kemur út á morgun
og málþingi um arfleifð jafnaðar-
stefnunnar, sem hafi staðið til í til-
efni af áttræðisafmæli hans.
Jón Baldvin sagði við það tilefni að
það hafi átt að hræða fólk frá því að
kaupa bókina eða fagna afmælinu
með honum. - ósk
Bókin frá Jóni
Baldvini í búðir
á morgun
2 8 . S E P T E M B E R 2 0 1 9 L A U G A R D A G U R2 F R É T T I R ∙ F R É T T A B L A Ð I Ð
2
8
-0
9
-2
0
1
9

0
4
:5
2
F
B
1
0
4
s
_
P
1
0
3
K
.p
1
.p
d
f
F
B
1
0
4
s
_
P
0
9
0
K
.p
1
.p
d
f
F
B
1
0
4
s
_
P
0
0
2
K
.p
1
.p
d
f
F
B
1
0
4
s
_
P
0
1
5
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
3
E
6
-A
7
A
0
2
3
E
6
-A
6
6
4
2
3
E
6
-A
5
2
8
2
3
E
6
-A
3
E
C
2
7
5
X
4
0
0
.0
0
1
1
B

F
B
1
0
4
s
_
2
7
_
9
_
2
0
1
9
C
M
Y
K